కోడితో మరో కొత్త రోగం: ఇది మరింత ప్రాణాంతకం

నాన్ వెజ్ ప్రియులకు దుర్వార్త. కోడితో మరో ప్రాణాంతక వ్యాధి ప్రబలే ప్రమాదం పొంచివుంది. ఇప్పటికే ఈ వ్యాధి చైనాను వణికిస్తోంది. ఇది కూడా బర్డ్‌ఫ్లూ రకానికి చెందినదే. అయితే, వైరస్‌లో మార్పు వచ్చింది. ఈ వ్యాధి సోకి ఇప్పటికే చైనాలో 68 ఏళ్ల మహిళ చనిపోయింది. ఇండియాలో ఇప్పటివరకు H1N1 బర్డ్‌ఫ్లూ ఎంతమందిని పొట్టన పెట్టుకుందో తెలిసిందే. దీని నియంత్రణకు ఇప్పుడు వ్యాక్సిన్లు కూడా వచ్చాయి.

అయితే, చైనాలో ప్రభాలుతున్న H7N4 బర్డ్‌ఫ్లూ చాపకింద నీరులా ప్రభలుతోంది. ఈ నేపథ్యంలో అక్కడి ప్రభుత్వం అక్కడి కోళ్లు, పక్షి జాతులకు ఈ వ్యాధి సోకి ఉండవచ్చని, వాటిని ఎట్టి పరిస్థితుల్లో తినొద్దని ఆదేశించింది. ప్రపంచంలో తొలి బర్డ్‌ఫ్లూ వ్యాధి 1997లో ఆస్ట్రేలియాలోని సౌత్ వేల్స్‌లో మొదలైనట్లు ప్రపంచ ఆరోగ్య సంస్థ వెల్లడించింది. ప్రస్తుతం ఇండియాకు H7N4 వల్ల ప్రమాదం లేకున్నా.. అప్రమత్తంగా ఉండాల్సిన అవసరం ఉంది.