Cluster Beans : గోరుచిక్కుడు తింటే బ్లడ్ షుగర్ లెవల్స్ తగ్గుతాయా..

గోరుచిక్కుడులో కార్బోహైడ్రేట్స్, ప్రోటీన్స్ పుష్కలంగా ఉంటాయి 100 గ్రాముల గోరుచిక్కుడులో 35 కేలరీలు మాత్రమే ఉంటాయి.

వీటితో పాటు కార్బోహైడ్రేట్స్, ప్రోటీన్, నీరు, ఫైబర్, చక్కెర, కాల్షియం, ఐరన్, విటమిన్ సి, విటమిన్ ఎలు ఉంటాయి.

గోరుచిక్కుడులోని అద్భుత గుణాలు ఆస్తమాకి చక్కని పరిష్కారంగా ఉంటుంది. కాబట్టి, ఆస్తమా ఉన్నవారు గోరుచిక్కుడుని రెగ్యులర్‌గా తీసుకోవడం మంచిది.

గోరుచిక్కుడులో అనేక గుణాలు ఉన్నాయి. వీటిని తీసుకోవడం వల్ల బాహ్య, అంతర్గత పుండ్లు తగ్గుతాయి. ఇన్ఫెక్షన్లని దూరం చేసి మంటను తగ్గించడంలో హెల్ప్ చేస్తుంది. వీటితో పాటు.. ఎన్నో యాంటీ మైక్రోబియల్ లక్షణాలు ఉన్నాయి. ఇవి సాల్మొనెల్లో సహా బ్యాక్టీరియాతో పోరాడే సామర్థ్యాన్ని కలిగి ఉంటాయి.

ఇది సూక్ష్మజీవుల ఇన్ఫెక్షన్లప దాడి చేసి నాశనం చేసే సామర్థ్యాన్ని కూడా కలిగి ఉంటుంది.

గోరుచిక్కుడులో కడుపు నొప్పి, అల్సర్స్‌ని దూరం చేసే గుణాలు పుష్కలంగా ఉన్నాయి. వీటిని తింటే కడుపు పుండ్లు తగ్గి కడుపు కండరాలని బలంగా చేస్తుంది.
​Also Read : Hypertension Day : హైబీపి రావడానికి ఇది కూడా కారణమే.. సమస్య దూరమవ్వాలంటే..​

గోరుచిక్కుడు తింటే ఒంట్లోని హై కొలెస్ట్రాల్ తగ్గించే కూరగాయ. ఎల్‌డిఎల్ కొలెస్ట్రాల్‌ని తగ్గించే ఈ గోరుచిక్కుడు మంచి కొలెస్ట్రాల్‌ హెచ్‌డిఎల్ కొలెస్ట్రాల్‌ని పెంచడంలో సాయపడుతుంది. కొలెస్ట్రాల్‌ని తగ్గించేందుకు మెడిసిన్ వాడుతున్నవారు కూడా వీటిని హ్యాపీగా తినొచ్చు.

గోరుచిక్కుడు రక్తంలో గ్లూకోజ్ స్థాయిలను కంట్రోల్ చేసేందుకు సాయపడుతుందని నిపుణులు చెబుతున్నారు. ఎలుకలపై జరిపిన పరిశోధనలో ఈ విషయాన్ని గుర్తించారు నిపుణులు. కాబట్టి, వీటిని తింటే రక్తంలో గ్లూకోజ్ స్థాయిలు సరిగ్గా ఉంటాయని నిపుణులు చెబుతున్నారు.
​Also Read : Liver Health : సరిగ్గా నడవలేకపోతే లివర్ ప్రాబ్లమ్స్ ఉన్నట్లేనా..​

గోరుచిక్కుడులో ఫైబర్ ఘనంగా ఉంటుంది. దీనిని సాధారణం కంటే ఎక్కువగా తిన్నప్పుడు దానిలోని ఫైబర్ కడుపు నొప్పి, గ్యాస్ సమస్యలు తలెత్తుతాయి. కాబట్టి, వీటిని మితంగానే తినాలి.

​​​​​​​​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
​​​​​​​​​​​​​Read More : Health News and Telugu News