పుట్టగొడుగులతో కరోనాకు చెక్ పెట్టొచ్చా? ఆశలు రేకెత్తిస్తున్న పరిశోధన

కరోనా.. ఎంతో మంది జీవితాలను చిధ్రం చేసిన ఈ మహమ్మారి రోజు రోజుకూ విస్తరిస్తూ్నే ఉంది. ఆరోగ్యంగా ఉండేవారు త్వరగానే ఈ వ్యాధి నుంచి కోలుకుంటున్నారు. ఇప్పటికే వివిధ రోగాలతో బాధపడుతున్న వ్యక్తులు మాత్రం వైరస్‌కు బలవుతున్నారు. చిన్నారులకు, పెద్దలకు ప్రమాదకరంగా మారిన ఈ వైరస్ ఇప్పట్లో వీడేలా లేదు. వ్యాక్సిన్లు సైతం విజయవంతం కావడం లేదు. దీంతో ప్రజలు రోగ నిరోధక శక్తిని కాపాడుకుంటూ ముందుకు సాగాల్సిన తప్పనిసరి పరిస్థితి నెలకొంది. ఈ నేపథ్యంలో హైదరబాద్‌లోని సెంటర్ ఫర్ సెల్యులార్ అండ్ మాలిక్యులర్ బయాలజీ(CCMB) పరిశోధన ఒకటి ఆశలు రేకెత్తిస్తోంది. పుట్టగొడుగులతో కరోనాకు చెక్ పెట్టవచ్చని చెబుతోంది.

దీనిపై CCMB డైరెక్టర్ రాకేశ్ మిశ్రా మాట్లాడుతూ.. పుట్టగొడుగుల్లో యాంటీ ఆక్సిడెంట్లు, యాంటీ వైరల్, యాంటీ బ్యాక్టీరియల్ బీటా గ్లూకాన్స్ లక్షణాల ఉన్నాయని, ఫలితంగా వైరస్‌పై ఇది సమర్థవంతంగా పనిచేస్తుందని తెలిపారు. అటల్ ఇంక్యుబేషన్‌లోని స్టార్టప్ సంస్థ ‘క్లోన్ డీల్స్’, సీసీఎంబీ కలిసి చేసిన పరిశోధనల్లో ఈ విషయం తేలిందన్నారు.

ఆంబ్రోషియా ఫుడ్ ఫామ్‌తో కలిసి పుట్టగొడుగులతో చేసిన సప్లిమెంటుపై జరిగిన పరిశోధనలు విజయవంతమైన నేపథ్యంలో దీన్ని కార్డిసెప్స్, కర్కమిన్‌తో ద్రవ రూపంలో అందుబాటులోకి తెచ్చే ప్రయత్నాలు జరుగుతున్నట్లు సీసీబీఎంబీ ప్రతినిధులు వెల్లడించారు. దీనిపై ఎయిమ్స్ నాగ్‌పూర్, భోపాల్ కేంద్రాల్లో సైతం ప్రయోగాలు జరుగుతున్నాయి. వచ్చే ఏడాది ఇది అందుబాటులోకి వచ్చే అవకాశాలు ఉన్నాయి.

గమనిక: ఈ కథనంలో పేర్కొన్న అంశాలు ఇంకా పరిశోధన స్థాయిలో ఉన్నాయి. ఈ వివరాలను కరోనా వైరస్ చికిత్సకు ప్రమాణికంగా భావించవద్దని మనవి. వైద్యుల సలహాలు, సూచనలు తీసుకున్న తర్వాతే ఇటువంటి డైట్‌ను పాటించాలని మనవి. ఈ పరిశోధనకు సంబంధించిన ఎలాంటి ఆధారాలు బయటపెట్టలేదు. రోగులపై కూడా ఇంకా ప్రయోగాలు జరగలేదు. కావున.. ఈ కథనం వైద్యానికి ప్రత్యామ్నాయం కాదని గమనించగలరు.