మెంతులు మధుమేహాన్ని నియంత్రిస్తాయా? స్టడీలో ఏం తేలిందీ?

మెంతులు.. మన భారతీయ వంటకాల్లో ముఖ్యమైనది. వీటిని ఎక్కువగా పోపుల్లో వేస్తుంటారు. రుచికి చేదుగా ఉండటం వల్ల వీటిని చాలా తక్కువ మోతాదులో ఉపయోగిస్తారు. అయితే, మెంతులు ఆరోగ్యానికి చాలా మంచివని కొన్ని పరిశోధనలు ఇప్పటికే స్పష్టం చేశాయి. ముఖ్యంగా డయాబెటీస్ (మధుమేహం)‌తో బాధపడుతున్న రోగులకు ఇదొక సంజీవని. జీర్ణక్రియ సమస్యలను దూరంగా ఉంచడమే కాకుండా.. యసిడిటీ నుంచి కూడా రక్షిస్తుందట. క్యాన్సర్ నివారించే గుణాలు కూడా ఇందులో పుష్కలంగా ఉన్నాయట.

2030 సంవత్సరంలో ప్రపంచంలో అత్యధిక మరణాలు డయాబెటీస్ వల్లే చోటుచేసుకుంటాయని ప్రపంచ ఆరోగ్య సంస్థ (WHO) అంచనా వేసింది. ముఖ్యంగా టైప్-2 డయాబెటీస్ మరింత ప్రమాదకరంగా మారనుందని హెచ్చరించింది. మధుమేహం మీద అవగాహన లేకపోవడం వల్ల ప్రజలు దీన్ని చాలా తెలిగ్గా తీసిపాడేస్తున్నారని వాపోయింది. ఈ సందర్భంగా.. ప్రజలు తాము తీసుకొనే డైట్ మీద తప్పకుండా ప్రత్యేక శ్రద్ధ పెట్టాలని, ఏది పడితే అది తినేయకుండా ఆరోగ్యానికి మేలు చేసేవే తీసుకోవాలని తెలిపింది.

మెంతుల నీటి వల్ల ప్రయోజనం ఏమిటీ?: ఇంటర్నేషన్ జర్నరల్ ఫర్ విటమిన్ అండ్ న్యూట్రీషియన్ రీసెర్చ్‌లో ప్రచురితమైన అధ్యయనం ప్రకారం.. రోజూ 10 గ్రాముల మెంతులను వేడి నీటిలో నానబెట్టి తాగినట్లయితే టైప్-2 డయాబెటీస్‌ను నియంత్రించవచ్చు. మెంతుల్లో రక్తంలోని చక్కెర స్థాయిలను తగ్గించే గుణం ఉందని స్టడీలో తేలింది. ఇందులో ఉండే ఫైబర్ జీర్ణ సమస్యలను పరిష్కరిస్తుంది. కార్బోహైడ్రేట్లు, చక్కెరలను ఇది సంగ్రహిస్తుంది.

Read Also: ఇవి తింటే.. సెక్స్‌లో మీరే కింగ్, వయాగ్రా కూడా వేస్ట్!

మెంతుల నీరు.. శరీరానికి చక్కెర తగిన స్థాయిలో చేరేందుకు దోహదం చేస్తుంది. శరీరంలో చెడు కొవ్వులను సైతం మెంతులు తొలగిస్తాయి. మెంతుల్లో ఉండే 4-హైడ్రోక్సీసొలేయూసీనే అనే అమినో యాసిడ్లలో యాంటీ డయాబెటిక్‌లు ఉన్నాయి. ఇవి ఇన్సులిన్ సెన్సిటివిటీని పెంచుతాయి. ఫలితంగా రక్తంలోని చక్కెర స్థాయిలు నియంత్రణలో ఉంటాయి. మెంతుల టీ లేదా మెంతులను పెరుగులో కలిసి రోజు రెండు సార్లు తీసుకున్న మంచి ఫలితం ఉంటుందట.

Read Also: ఉదయం వేళ అంగం స్తంభిస్తుందా? మీ గుండె జాగ్రత్త!

ముఖ్య గమనిక: ఈ సమాచారం కేవలం మీ అవగాహన కోసమే అందించాం. పలు అధ్యయనాల్లో తేలిన అంశాలను మీకు తెలియజేయడానికే ఈ కథనం. ఇది అర్హత కలిగిన వైద్యుల అభిప్రాయానికి ప్రత్యామ్నాయం అస్సలు కాదు. వీటిని మీ డైట్‌లో చేర్చుకోవాలని నిర్ణయించుకున్నా లేదా మరింత సమాచారం తెలుసుకోవాలన్నా తప్పకుండా వైద్యులను, ఆహార నిపుణులను సంప్రదించాలని మనవి. ఈ సమాచారానికి ‘సమయం తెలుగు, టైమ్స్ ఆఫ్ ఇండియా’ ఎటువంటి బాధ్యత వహించదని గమనించగలరు.