అదేపనిగా టీవీ చూస్తే ఏమవుతుందో తెలుసా?

కొంతమందైతే టెలివిజన్ ఆన్ చేస్తే అదేపనిగా చూస్తూనే ఉంటారు. మిగతా ప్రపంచం ఏమై పోతున్నా..టీవీల్లో జరిగే సంఘటనల్లో లీనమైపోతారు. అలా టీవీని వీక్షిస్తూనే భోజనం చేస్తారు. ఇతరులతో చర్చలు జరుపుతారు. కాళ్లు కదపకుండా అక్కడే నిద్రకు ఉపక్రమిస్తారు. పిల్లలైతే మారాం చేసిమరీ టీవీలకు అతుక్కుపోతారు.

అదేపనిగా టీవీ చూసే వారికి దీర్ఘకాలంలో ఆరోగ్యసమస్యలు తప్పవని ఇప్పటికి పలు అధ్యయనాలు హెచ్చరించాయి. తరచూ టీవీ చూసే పిల్లలు.. ఉభకాయంతో బాధపడతారని అధ్యయనాలు చెబుతున్నాయి. అంతేకాదు అంతేకాదు తమ గదుల్లోనే టీవీ ఏర్పాటు చేసుకొని అదేపనిగా చూసే పిల్లల్లో చురుకుదనం తగ్గి వారిలోని సృజనాత్మక శక్తిని కోల్పోయేలా చేస్తుందని ఆస్ట్రేలియాకు చెందిన పీహెచ్‌డీ స్కాలర్ నటషా చేసిన పరిశోధనలో వెల్లడయ్యింది.

పిల్లలు, పెద్దలు అదేపనిగా.. వారానికి కనీసం 10 గంటలు టీవీ చూస్తే వారిలో మొకాళ్ల నొప్పులు, కిడ్నీలో సమస్యలు, వెన్నునొప్పులు కూడా సంభవిస్తాయని నటాషా చేసిన పరిశోధనలో తేలింది. టీవీ తెరపై కంటి చూపుపై కూడా ప్రతికూలన ప్రభావాన్ని కల్గిస్తుంది.
కాళ్లు కదపకుండా టీవీ చూస్తూ కూర్చుంటే మొకాళ్లలోని కండరాలతో పాటు శరీరంలోని ఇతర అవయవాలు చురుకుగా పనిచేయడం మానేస్తాయని, దీంతో పలు ఆరోగ్య సమస్యలు తలెత్తుతాయని ఆమె హెచ్చరిస్తోంది. విరామం లేకుండా టీవీ చూడకూడదని సలహా ఇస్తోంది.