Menopause Diet:మెనోపాజ్‌లో ఈ ఆహారం కచ్చితంగా తీసుకోవాలి..!

Menopause Diet: మెనోపాజ్.. స్త్రీ పునరుత్పత్తి వయసు అయిపోయిందనడానికి ఇది సూచన. పన్నెండు నెలల పాటు పూర్తిగా పీరియడ్స్ రాకుండా ఉండడాన్నే మెనోపాజ్ అంటారు. మన దేశంలో 46 ఏళ్ల నుంచి 52 ఏళ్ల వరకు ఈ దశ ఉంటుంది. పుట్టుకతోనే మహిళలకు కొన్ని లక్షల అండాలు అండాశయాల్లో ఉంటాయి. వయసుతో పాటు అవన్నీ తరిగిపోతూ ఉంటాయి. చివరిగా అడుగంటిపోతాయి. అప్పటి నుంచి మెనోపాజ్ లక్షణాలు బయటపడటం మొదలవుతాయ్. ఈ సమయంలో హార్మోన్లలో వచ్చే తేడాల కారణంగా భావోద్వేగాల్లో మార్పులు, శారీరక ఇబ్బందులూ వస్తాయి. అండాశయాల నుంచి హార్మోన్ల విడుదల ఆగిపోవడం, ముఖ్యంగా ఈస్ట్రోజెన్ స్థాయి తగ్గడం వల్ల కొన్ని సమస్యలు ఎదురవుతూ ఉంటాయి. గుండె దడగా అనిపించడం, రాత్రి పూట చమటలు పట్టడం, ఎక్కువసార్లు యూరిన్కెళ్లడం, మూత్రనాళం ఇన్ఫెక్షన్, ఎముకలు బలహీన పడటం, బరువు పెరగడం లేదా తగ్గిపోవడం వంటి సమస్యలు ఇబ్బంది పడుతూ ఉంటాయి. మెనోపాజ్ లక్షణాలు నుంచి ఉపశమనం పొందడానికి మన లైఫ్స్టైల్లో మార్పులు చేసుకోవాలని, ముఖ్యంగా మంచి ఆహారపు అలవాట్లు చేసుకోవాలని నిపుణులు చెబుతున్నారు. మెనోపాజ్ సమయంలో మహిళలు తీసుకోవలసిన డైట్ గురించి డైటీషియన్, న్యూట్రిషనిస్ట్ డాక్టర్ శ్రీలత మనకు వివరించారు (Dr. Srilatha, Dietician and Nutritionist, Medicover Hospital).శ