టమాటా, శనగపిండితో మెరిసిపోండి..
కొద్దిగా శెనగపిండి తీసుకొని అందులో తగినంత టొమాటో రసం వేసి మెత్తని పేస్ట్‌లా చేసుకోండి. కావాలనుకుంటే ఇందులో కాస్త రోజ్వాటర్ కూడా యాడ్‌ చేసుకోవచ్చు. ఈ పేస్ట్‌ను ముఖానికి, ట్యాన్‌ పట్టిన చోట ప్యాక్‌లా అప్త్లె చేసి 20 నిమిషాలు ఆరనివ్వండి. ఆ తర్వాత చల్లని నీటితో శుభ్రం చేసుకోవాలి. ఇది చక్కని స్క్రబ్‌లా పని చేస్తుంది. చర్మంపై పేరుకున్న మురికిని, డెడ్‌సెల్స్‌ను, టాన్‌ను తొలగిస్తుంది. నిర్జీవమైన చర్మాన్ని తిరిగి జీవంతో తాజాగా కనిపించేలా చేస్తుంది. (Image source - pixabay)
గులాబీలా అందంగా..
కొన్ని గులాబీ రేకులు తీసుకుని దాన్ని ముద్దలా చేసుకోండి. దానిలో పచ్చిపాలు, రోజ్వాటర్, తేనె, చక్కెర వేసి పేస్ట్‌లా చేసుకోండి. దీన్ని ముఖానికి ప్యాక్‌లా అప్లై చేయండి. దీన్ని 20 నిమిషాల పాటు ఆరనిచ్చి ఆ తర్వాత శుభ్రం చేసుకోండి. ఈ ప్యాక్‌ వారానికి రెండు సార్లు అప్లై చేస్తే.. టాన్‌ తొలగుతుంది.
బార్లీతో భలేగా..
ఒక పెద్దచెంచా.. బార్లీ గింజలను మిక్సీలో వేసి పొడిలా చేసుకోవాలి. ఈ పొడిలో కొంచెం నిమ్మరసం, తగినంత రోజ్వాటర్ కలిపి పేస్ట్‌లా చేసుకోండి. దీన్ని ట్యాన్‌ పట్టిన ప్రాంతంలో అప్లై చేసి అరగంట పాటు ఆరనివ్వండి. ఆ తర్వతా గోరువెచ్చని నీళ్లతో శుభ్రం చేసుకుంటే.. టాన్‌ తొలగుతుంది.
చందనం, పెరుగు..
కొందరి చర్మం నిర్జీవంగా నల్లగా మారుతుంది. ఇలాంటివారు చందనం, పెరుగు, ముల్తానీ మట్టి కలిపి ప్యాక్‌ వేసుకోవాలి. అరగంటాగి గోరువెచ్చని నీళ్లతో కడిగేసుకుంటే ముఖం కాంతివంతంగా మారుతుంది.
కలబంద..
కలబంద గుజ్జు, కాఫీపొడి, టమాటా గుజ్జు.. చెంచా చొప్పిన తీసుకుని, దానికి పెసరపిండి, వెన్న కలిపి పేస్ట్‌లా చేయండి. దీన్ని ట్యాన్‌ పట్టిన ప్రాంతంలో అప్లై చేసి.. మృదువుగా స్క్రబ్‌ చేయండి. దీనివల్ల టాన్‌ తొలగి చర్మం వన్నెలీనడమే కాదు.. మృదువుగానూ మారుతుంది. (Image source - pixabay)
యాపిల్‌..
తొక్క తీసిన యాపిల్‌ని మిక్సీలో వేసి పేస్ట్ లాగా చేసుకోవాలి. ఈ పేస్ట్‌ని ఒక కప్పులో తీసుకొని అందులో ఒక టేబుల్‌ స్పూన్‌ తేనె, ఒక టేబుల్‌ స్పూన్‌ బార్లీ పిండిని కలపి పేస్ట్‌లా చేసుకోవాలి. ఈ పేస్ట్‌ను ట్యాన్‌ ఉన్న చోట అప్లై చేయండి. ఇలా చేసిన తర్వాత 20 నిమిషాలపాటు ఆరనివ్వండి. ఆ తర్వాత చల్లటి నీటితో శుభ్రం చేసుకోండి. ఈ ప్యాక్‌ వారానికి రెండుసార్లు అప్లై చేస్తే.. ట్యాన్‌ తొలగి, ముఖం కాంతివంతం అవుతుంది. (Image source - pixabay)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.