చేపలు తినాల్సిందే.. ఎందుకంటే?

చేపలు తినడం వల్ల గుండె సంబంధిత రుగ్మతలకు దూరంగా ఉండవచ్చని తాజా అధ్యయనంలో వెల్లడైంది. అమెరికన్ హార్ట్ అసోసియేషన్ ఈ తాజా అధ్యయనం చేసింది. మాలిక్యులార్ న్యూట్రిషన్ & ఫుడ్ రిసెర్చ్, న్యూట్రిషనల్ బయోకెమిస్ట్రీ జర్నల్స్‌లోనూ.. చేపలవల్ల గుండె జబ్బులు దూరమవుతాయనే కథనాలను ప్రచురించారు. చేపల్లో ఒమెగా 3 ఫ్యాటీ ఆమ్లాలు సమృద్ధిగా ఉంటాయి. ఇవి శరీరంలో ఉండే చెడు కొలెస్ట్రాల్‌ను బయటకు పంపి మంచి కొలెస్ట్రాల్‌ను పెంచుతాయి. దీంతో శరీరంలో కొవ్వు పేరుకుపోకుండా ఉంటుంది. రక్తనాళాల్లో కొవ్వు ఉండదు. ఫలితంగా గుండె జబ్బులు రాకుండా ఉంటాయి.

ముఖ్యంగా ఒమెగా 3 ఫ్యాటీ ఆమ్లాలు సమృద్ధిగా ఉండే.. సాల్మన్, మాకరెల్, హెర్రింగ్, లేక్ ట్రౌట్, సార్డిన్స్, అల్బాకోర్ ట్యూనా రకం చేపలను తీసుకుంటే మరీ మంచిదని నిపుణులు సూచిస్తున్నారు. వారంలో కనీసం రెండుసార్లైనా చేపలను తీసుకుంటే మంచిదంటున్నారు. వారంలో కనీసం 100 గ్రాముల వరకు ఉడకబెట్టిన లేదా గ్రిల్ చేసిన చేపలను తింటే గుండె జబ్బులు రావని వారు సలహా ఇస్తున్నారు.