Peanut butter: పీనట్‌ బటర్‌ తింటే.. బరువు తగ్గుతారా..?

Peanut butter: పీనట్‌ బటర్‌.. ఈ పేరు వింటేనే పిల్లల నోట్లో నీళ్లు ఊరతాయి. పిల్లలకే కాదు, పెద్దలూ దీని టేస్ట్‌కు ఫిదా అవుతారు. ఇది టేస్ట్లోనే కాదు, పోషకాలలోనూ అదుర్స్‌. పీనట్‌ బటర్‌లో కాల్షియం, ఐర‌న్‌, పొటాషియం, మెగ్నీషియం, జింక్‌, విట‌మిన్ ఇ, విట‌మిన్ బి, విట‌మిన్ ఎ, ప్రోటీన్‌, ఫైబ‌ర్‌, మోనో అన్ సాట్యురేటెడ్ ఫ్యాట్స్, యాంటీ ఆక్సిడెంట్స్‌ వంటి పోషకాలు పుష్కలంగా ఉంటాయి. పీనట్‌ బటర్‌ను వేరుశనగలతో తయారు చేస్తారు. పీనట్‌ బటర్‌ తీసుకుంటే ఎన్నో ఆరోగ్య ప్రయోజనాలు ఉన్నాయని నిపుణులు చెబుతున్నారు. అధిక బరువు సమస్యతో బాధపడేవారు, బరువు తగ్గలనుకునేవారు.. పీనట్‌ బటర్‌తో ఈజీగా బరువు తగ్గుతారని నిపుణులు చెబుతున్నారు.



పీనట్‌ బటర్‌లో ఫైబర్‌, ప్రొటీన్‌ పుష్కలంగా ఉంటుంది. ఇవి ఎక్కువ సమయం కడుపు నిండుగా ఉండేలా చేస్తాయి, మీరు తిండి ఎక్కువగా తినకుండా.. ఇది సహాయపడుతుంది. పీనట్‌ బటర్‌లో గ్లైసెమిక్‌ ఇండెక్స్‌ తక్కువగా ఉంటుంది. తక్కువ గ్లైసెమిక్‌ ఇండెక్స్‌ ఉండే ఆహార పదార్థాలు జీవక్రియల పనితీరును మెరుగుపరుస్తాయి. ఇవి మీ బరువు కంట్రోల్‌లో ఉంచడానికి సహాయపడతాయి.వెయిట్‌ లాస్‌ జర్నీలో ఉన్నవారు.. ఉదయం బ్రేక్‌ఫాస్ట్‌లో ఓట్‌మీల్‌ తీసుకుంటుంటారు. ఇందులో టీస్పూన్‌ పీనట్‌ బటర్‌ యాడ్‌ చేసి తీసుకుంటే.. టేస్ట్‌గా ఉంటుంది. ఇలా చేస్తే.. మీరు త్వరగా బరువు తగ్గుతారు.మీ బ్రేక్‌ఫాస్ట్‌లో బ్రెడ్‌పై టీస్పూన్‌ పీనట్‌ బటర్‌ అప్లై చేసి తీసుకుంటే.. మీరు త్వరగా బరువు తగ్గుతారు.
మీ ఫ్రూట్‌ సలాడ్‌లో కాస్త పీనట్‌ బటర్‌ వేసుకుని తీసుకుంటే.. మంచి రిజల్ట్స్‌ ఉంటాయి. మీ సలాడ్‌ టేస్ట్‌ కూడా బాగుంటుంది. ఆరోగ్యానికి మంచిది..

• పీనట్‌ బటర్‌లో విటమిన్ ఈ, యాంటీఆక్సిడెంట్‌ పుష్కలంగా ఉంటాయి. ఇది కణాల్లో ఆక్సీకరణ ప్రక్రియను తగ్గించడం ద్వారా అవి దెబ్బతినకుండా చూస్తుంది.
• దీనిలోని మెగ్నీషియం కండరాలూ, ఎంజైముల పనితీరుకీ శక్తి ఉత్పత్తికీ తోడ్పడుతుంది.
• పల్లీల గ్లైసెమిక్‌ ఇండెక్స్‌ తక్కువగా ఉండటం వల్ల డయాబెటిస్‌ వాళ్లకీ ఇవి మంచి ఆహారమే.
• కణవిభజనకు అవసరమయ్యే ఫొలేట్‌ దీనిలో పుష్కలంగా ఉంటుంది కాబట్టి గర్భిణీలు, పిల్లలకీ ఇవి ఎంతో మేలు చేస్తాయి.

ఈ జాగ్రత్తలు తీసుకోండి..

• బరువు తగ్గాలనుకునే వారు ఉప్పు కలపకుండా తయారు చేసిన పీనట్‌ బటర్‌ తీసుకోవాలి. లేకపోతే మీ శరీరంలో సోడియం స్థాయులు క్రమంగా పెరిగిపోయి.. శరీరం నీటిని నిలుపుకోవడం మొదలుపెడుతుంది. తద్వారా కడుపుబ్బరంతో పాటు బరువూ పెరుగుతారు. పీనట్‌ బటర్‌ను కొనే ముందు లేబుల్‌ను ఓసారి చెక్‌ చేసి తీసుకోండి.
• టేస్ట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ బాగుంది కదా అని పీనట్‌ బటర్‌ ఒక్కటే ఎక్కువ మొత్తంలో తింటే.. బరువు తగ్గడానికి బదులు పెరిగే ప్రమాదమే ఎక్కువ.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.