క్రూసిఫెరస్ కూరగాయలు..
క్యాబేజీ కుటుంబానికి (genus Brassica) చెందిన కూరగాయలను క్రూసిఫెరస్ కూరగాయలు అంటారు.
• బ్రోకలీ
• కాలీఫ్లవర్
• కాలే
• బ్రస్సెల్స్ స్ప్రౌట్స్
• బచ్చలికూర
• క్యాబేజీ
ఈ పోషకాలు ఉంటాయి..
క్రూసిఫెరస్ కూరగాయలలో గ్లూకోసినోలేట్‌లు ఉంటాయి. గ్లూకోసినోలేట్‌‌లలో యాంటీ ఇన్ఫ్లమేటరీ, యాంటీఆక్సిడెంట్ గుణాలు మెండుగా ఉంటాయి. ఇవి ఫ్రీ రాడికల్స్‌ నుంచి.. మన శరీర కణాలను రక్షిస్తాయి. క్రూసిఫెరస్ కూరగాయలలో కెరోటినాయిడ్స్ (బీటా-కెరోటిన్, లుటీన్, జియాక్సంతిన్), విటమిన్‌ సి, ఇ, కె, మినరల్స్‌ సహా ఇతర పోషకాలు పుష్కలంగా ఉంటాయి. క్రూసిఫెరస్ కూరగాయలలో క్యాలరీలు తక్కువగా ఉంటాయి. ఫైబర్‌ సమృద్ధిగా ఉంటుంది. ఒమేగా-3 ఫ్యాటీ యాసిడ్స్‌ మెండుగా ఉంటాయి.
హార్మోన్లు బ్యాలెన్స్‌ చేస్తాయి..
క్రూసిఫెరస్ కూరగాయలలో 3,3-డైండోలిల్మెథేన్ అనే సమ్మేళనం ఉంటుంది. ఇది అధిక ఈస్ట్రోజెన్ స్థాయిలను తగ్గిస్తుంది. తీసుకుంటే కాలేయంలోని మలినాలు బయటకుపోతాయి, ఈస్ట్రోజెన్ పని తీరు బాగుంటుంది. 3,3-డైండోలిల్మెథేన్ ఈస్ట్రోజెన్ స్థాయిలను బ్యాలెన్స్‌ చేస్తాయి. క్రూసిఫెరస్ కూరగాయలలో ఫైబర్‌ అధికంగా ఉంటుంది. ఇది ఇది ఈస్ట్రోజెన్ స్థాయిలను తగ్గించడంలో సహాయపడుతుంది.
వీళ్లు తీసుకోవద్దు..
క్రూసిఫరస్ కూరగాయల్లో థియోసైనేట్‌లు ఉంటాయి. ఇవి అయోడిన్ శోషణను నిరోధిస్తాయి. థైరాయిడ్ సమస్య ఉన్నవారు క్రూసిఫెరస్ కూరగాయలు ఎక్కువగా తినకూడదని నిపుణులు అంటున్నారు. థైరాయిడ్ పేషెంట్స్‌.. క్రూసిఫెరస్ కూరగాయలు పచ్చిగా తీసుకోకూడదు. ఇవి ఉడికించి తినవచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.