నిత్య యవ్వనంగా ఉండాలంటే ఉపవాసం చేయండి?

మీరు నిత్వ యవ్వనంగా ఉండాలని కోరుకుంటాన్నారా? అయితే ఉపవాసం చేయండి. దీనికి మించిన మందు మరొకటి లేదంటున్నారు అమెరికాకు చెందిన యూనివర్సిటీ ఆఫ్ మ్యారీల్యాండ్ పరిశోధకులు. లంకణం పరమౌషధం అని మన పెద్దలు ఊరికే అనలేదు. వయసుతోపాటు వచ్చే దుష్ప్రభావాలకు దూరంగా ఉండాలంటే తప్పకుండా ఉపవాసం చేయాల్సిందే అంటున్నారు.

ఎలుకలపై జరిపిన అధ్యయనంలో ఇది రుజువైందని పరిశోధకులు అంటున్నారు. ఎలుకలకు కొన్ని రోజుల పాటు తక్కువ మొత్తంలోనూ, మరికొద్ది కాలం ఎక్కువ మొత్తంలోనూ ఆహారాన్ని అందించారు. తక్కువస్థాయిలో ఆహారం తీసుకున్నప్పుడు ఎలుకలు బరువు తగ్గడమే కాదు, అంతకుముందు కంటే ఎంతో చురుగ్గా, ఉత్సాహంగా కనిపించాయని పరిశోధకులు గుర్తించారు.

అలాగే వీటి కణాల ఉత్పత్తిలోనూ మార్పు కనిపించినట్లు గుర్తించారు. ఇదే తరహాలోనూ మానవులు కూడా తక్కువ ఆహారం తీసుకోవడం లేదా ఉపవాసం ఉండటం వల్ల బరువు తగ్గడమే కాకుండా నిత్య యవ్వనులుగా ఉంటారని పరిశోధనలో వెల్లడైంది. ఉపవాసంతో వ్యాధినిరోధక వ్యవస్థ బలోపేతం అవుతుంది. అంతే కాకుండా గుండె సంబంధిత వ్యాధులను కూడా దూరం చేస్తుంది. క్యాన్సర్‌ను తరిమికొట్టి, బరువును తగ్గిస్తుందని పరిశోధకులు తెలియజేస్తున్నారు.