ఉపవాసం మేలేనట! ఎందుకో తెలుసా?

మీరు వారంలో ఒక రోజు ఉపవాసం చేస్తారా? అయితే, ఈ విషయం తెలిస్తే మీరు ఎగిరి గంతేస్తారు. ఎందుకంటే.. 24 గంటలు ఉపవాసం చేసేవారి శరీరంలోని మూల కణాలు (స్టెమ్ సెల్స్) ప్రేగు కణాలను పునరుత్పత్తి చేస్తున్నట్లు ఓ సర్వేలో తేలింది. అమెరికాలోని మసాచుసెట్స్ ఇన్స్టిట్యూట్ ఆఫ్ టెక్నాలజీ (MIT) జరిపిన పరిశోధన వివరాలు ఇలా ఉన్నాయి.

పరిశోధకులు వయస్సులో ఉన్న ఎలుక, వయస్సు పైబడిన ఎలుకలపై ఈ ప్రయోగం జరిపారు. ఇందులో భాగంగా వాటికి ఒక రోజు ఎలాంటి ఆహారం ఇవ్వకుండా పస్తులుంచారు. ఈ సందర్భంగా వాటిలో గ్లూకోజ్‌కు బదులు కొవ్వు ఆమ్లాలు (ఫ్యాటీ యాసిడ్స్) తగ్గు ముఖం పట్టడం మొదలైంది. ఈ మార్పు మూల కణాలు పునరుత్పత్తికి ప్రేరిపించినట్లు కనుగొన్నారు.

ఈ ప్రక్రియ గాస్ట్రోఇంటస్టినల్ ఇన్ఫెక్షన్స్ గ్యాస్ట్రోఇంటస్టినల్ ఇన్ఫెక్షన్లతో బాధపడే వృద్ధులు, కిమోథెరఫీ చికిత్స పొందే క్యానర్ వ్యాధిగ్రస్తులకు ఉపయుక్తంగా ఉంటుందని పరిశోధకులు తెలిపారు. ఉపవాసం వల్ల కడుపులో ఎలాంటి ఆహారం ఉండదు. దీంతో జీవక్రియ కార్బోహైడ్రేట్లను గ్రహించేలా జీవక్రియ ప్రేగులను ప్రేరేపిస్తుంది. ఫలితంగా కొవ్వు తగ్గుతుందని ఎంఐటీ ప్రొఫెసర్ డెవిడ్ సబతిని వివరించారు.

ఈ నేపథ్యంలో భవిష్యత్తులో మూల కణాల క్షీణత సమస్యతో బాధపడేవారికి ఈ అధ్యయనం మేలు చేసే అవకాశం ఉందని భావిస్తున్నారు. అయితే, 24 గంటలకు మించి ఉపవాసం చేస్తే.. శరీరం నియంత్రణ కోల్పోయే ప్రమాదం కూడా ఉందని హెచ్చరించారు.