సమయానికి తినండి..
కొంతమంది విద్యార్థులు ఎగ్జామ్‌ టెన్షన్‌లో పడి భోజనం మానేస్తూ ఉంటారు. ఈ సమయంలో ఆహారం తీసుకోకపోతే.. ఆనారోగ్యం, చికాకు, నిస్సత్తువకు దారితీయవచ్చు. మీరు పరీక్షల సమయంలో.. సమయానికి భోజనం తినడం చాలా ముఖ్యం. మీకు ఎనర్జీని ఇచ్చే ఆహారం పదార్థాలను డైట్‌లో చేర్చుకోండి. మీ ప్రిపరేషన్‌ షెడ్యూల్‌లో మీ భోజనం టైమ్‌ను కూడా చేర్చుకోండి.
హైడ్రేటెడ్‌గా ఉండండి..
అసలే, వేసవి కాలం.. ఈ సీజన్‌లో హైడ్రేటెడ్‌గా ఉండటం చాలా అవసరం. సరిపడా నీళ్లు తాగేలా చూసుకోండి. మీ స్టడీ డెస్క్‌పై వాటర్‌ బాటిల్‌ ఉంచుకోండి. వాటర్‌ హైడ్రేటింగ్ ఎఫెక్ట్స్‌ పెంచడానికి, దానిలో కొన్ని పుదీనా ఆకులు, నిమ్మకాయ ముక్కులు యాడ్‌ చేసుకోండి. (image source - pixabay)
రోజుకు ఎన్ని నీళ్లు తాగాలో.. తెలుసా?
మెమరీ పెంచే ఫుడ్స్‌ తినండి..
జ్ఞాపకశక్తి, మెదడు పనితీరును మెరుగుపరచడానికి ఒమేగా 3 ఫ్యాటీ యాసిడ్స్ చాలా అవసరం. చేపల్లో ఒమేగా 3 ఫ్యాటీ యాసిడ్స్ పుష్కలంగా ఉంటాయి. వాల్‌నట్‌లు, అవిసె గింజలు, గుమ్మడికాయ గింజలు, నువ్వులు, సోయాబీన్ నూనె, కనోలా నూనెలో ఒమేగా 3 ఫ్యాటీ యాసిడ్స్ మెండుగా ఉంటాయి. పరీక్షల సమయంలో ఈ ఆహారం తీసుకుంటే.. మీ బ్రెయిన్‌ యాక్టివ్‌గా పనిచేస్తుంది. (image source - pixabay)
ఒత్తిడిని తగ్గించే ఆహారం తీసుకోండి..
పరీక్షల ఒత్తిడిని తగ్గించడానికి మన శరీరానికి విటమిన్ బి-కాంప్లెక్స్, విటమిన్ సి, జింక్‌ వంటి పోషకాలు అవసరమవుతాయి. ఈ పోషకాలు ఒత్తిడి హార్మోన్ కార్టిసాల్ ఉత్పత్తిని తగ్గించి.. డోపమైన్, సెరోటోనిన్ , ఎండార్ఫిన్‌ల వంటి ఫీల్‌ గుడ్‌ హార్మోన్లను పెంచడంలో తోడ్పడతాయి. ఎగ్జామ్‌ టెన్షన్‌ తగ్గించడానికి మీ డైట్‌లో సిట్రస్‌ పండ్లు, పాలకూర, అరటిపండ్లు, చాక్లెట్‌, అవకాడో, బాదం,గుడ్లు, బెర్రీస్‌ తీసుకోండి. (image source - pixabay)
బ్రెయిన్‌ ఫుడ్స్‌ తినండి..
విటమిన్ A, C, E వంటి విటమిన్స్‌ శక్తివంతమైన యాంటీఆక్సిడెంట్స్‌గా పనిచేస్తాయి. ఇవి ఫ్రీ రాడికల్స్‌ వల్ల మెదడు కణాలకు కలిగే హానిని తగ్గిస్తాయి. గుడ్లు, సాల్మన్ చేపలు, క్యారెట్లు, గుమ్మడికాయలు, ఆకు కూరలు, తాజా పండ్లులో ఈ పోషకాలు మెండుగా ఉంటాయి. ఇవి ఇమ్యూనిటీని కూడా బూస్ట్‌ చేస్తాయి. పరీక్షలు రాసేటప్పుడు మీరు అనారోగ్యానికి గురయ్యే ముప్పును తగ్గిస్తాయి. (image source - pixabay)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు