పరగడుపున తీసుకోకూడని ఆహారపదార్థాలు ఇవే..!

వీటిలో కొన్ని ఆరోగ్యకరమైన ఆహార పదార్థాలే. బ్రహ్మాండమైన పోషకవిలువలు, విటమిన్లను అందిస్తూ శరీరానికి మేలు చేసేవే. అయితే ఎటొచ్చే ఉదయం లేవగానే, పరగడుపున వీటిని తినడం/తాగడం మంచిది కాదు అని అంటున్నారు న్యూట్రీషియనిస్టులు. చాలా మంది వీటిని లేవగానే తీసుకొంటూ ఉంటారు. అయితే అది మేలు కాదని, వీలైనంతగా మానుకోవాలని పోషకాహార నిపుణులు సూచిస్తున్నారు. ఆ జాబితాలోని పదార్థాలు ఏవంటే..

-అరటి కాయ.. కాస్త పచ్చిగా ఉన్న అరటి కాయను ఉదయాన్నే తినడం ఏ మాత్రం మంచిది కాదు. పరగడుపునే దీన్ని తినడం వల్ల రక్తంలో మెగ్నీషియం స్థాయి పెరుగుతుంది. ఫలితంగా గుండె ఆరోగ్యానికి చేటు కలుగుతుంది. అయితే మాగిన అరటిపండుకు మాత్రం మినహాయింపు ఉంది. పండును తినడం వల్ల చేటు ఏమీ ఉండదు.



-కారం... కారం ఎక్కువగా ఉండే అహారాన్ని పరగడుపున తింటే గాస్ట్రిక్ సమస్యలు ఉత్పన్నం అవుతాయి. మిరపకాయ, మిరియాలు, లవంగాలు.. ఇతర మసాలా దినుసులు కూడా ఖాళీ కడుపులోకి వెళ్లడం మంచిది కాదు.

-సిట్రస్ ఫ్రూట్.. నిమ్మ జాతికి చెందిన ఫలాలను ఉదయాన్నే తినడం మంచిది కాదు. నిమ్మ, ఆరెంజ్, చీనీ వంటి పండ్లు ఖాళీ కడుపులోకి వేయరాదు. వీటి జ్యూస్ లు కూడా తాగకూడదు. వీటి వల్ల ఎసిడిటీ ఫామ్ అవుతుంది. గ్యాస్ట్రిక్ అల్సర్లకు కూడా దారి తీయవచ్చు.


-పచ్చి ఆకు కూరలు.. ఆకుపచ్చని, పచ్చి ఆకు కూరలు శరీరానికి ఎంతో మేలు చేస్తాయి. అయితే పరగడుపున వీటిని తినడం మాత్రం చేయకూడదు. అలా చేస్తే స్టమక్ లైనింగ్ దెబ్బతింటుంది.

-స్వీట్లు, క్యాండీలు.. చక్కెర మోతాదు అధికంగా ఉండే వీటిని తినడం వల్ల లివర్ పై ప్రభావం పడుతుంది. తరచూ ఉదయాన్నే స్వీట్లు తినడం వల్ల అవయవాలు పని చేయడం మందగిస్తుంది. కొన్ని రకాల జబ్బులు వచ్చే అవకాశం ఉంది.

-కాఫీ, నిజమే.. చాలా మందికి రోజు ప్రారంభం అయ్యేది చక్కటి కాఫీతోనే. ఉదయం లేస్తూనే నోటి వెంట వచ్చే మాటే ‘కాఫీ’. జీవితకాలం అంతా ఉదయం లేస్తూనే కాఫీతో రోజును ప్రారంభించే వాళ్లు ఎంతో మంది మన కళ్లెదుటే కనిపిస్తూ ఉంటారు. అయితే.. ఉదయం లేవగానే కాఫీ తాగడం మంచిది కాదని పోషకాహార నిపుణులు చెబుతున్నారు. దీని వల్ల జీర్ణక్రియ వ్యవస్థ దెబ్బతింటుందని హెచ్చరిస్తున్నారు.



-ఆల్కాహాల్.. ఉదయం లేవగానే ఆల్కాహాలిక్ డ్రింక్స్ తీసుకుంటే వాటి ప్రభావం చాలా ఎక్కువ. ఉదయాన్నే అయితే త్వరగా రక్తనాళాలను ప్రభావితం చేస్తూ, మెదడును కూడా చాలా త్వరితంగా ప్రభావితం చేస్తుంది ఆల్కాహాల్. గుండెతో సహా శరీరంలోని అనేక అవయవాలకు చేటుకలుగుతుంది.

-సాప్ట్ డ్రింక్స్.. ఇవి కూడా ఎసిడిటీని కలిగిస్తాయి. శరీరంలో ఉదయాన్నే ఉండే స్టమక్ ఆసిడ్స్ తో సాఫ్ట్ డ్రింక్స్ కలవడం వల్ల క్రాంప్, బాడీ పెయిన్స్ రావొచ్చు.