యాప్నగరం

Thyroid : థైరాయిడ్ ఉన్నవారు వీటిని తింటే మంచిదట..

Thyroid : హైపోథెరాయిడిజం అనేది శరీరం తగినంత థైరాయిడ్ హార్మోన్లని ఉత్పత్తి చేయనప్పుడు వచ్చే సమస్య. హైపో థైరాయిడిజం ఉన్న వ్యక్తుల్లో అలసట, జుట్టు రాలడం, బరువు పెరుగుట, మానసిక సమస్యలు, మలబద్దకం వంటి లక్షణాలు ఉంటాయి. ప్రాసెస్ చేసిన ఆహారాలు, శుద్ధి చేసిన చక్కెరలు, శుద్ధి చేసిన నూనెలు, పోషకాలు ఎక్కువగా ఉంటే జంతు ఆహారాలతో సహా ఆరోగ్యకరమైన సంపూర్ణ ఆహారాన్ని తినడం ఎప్పుడూ కూడా ముఖ్యమైనదే. హైపోథైరాయిడిజంతో బాధపడుతుంటే కొన్ని విషయాలని గుర్తుంచుకోవాలి.

Produced byరావుల అమల | Samayam Telugu 28 Jan 2023, 1:20 pm
బి విటమిన్లు థైరాయిడ్ పనితీరు, హార్మోన్ నియంత్రణతో పరస్పర చర్యలను కలిగి ఉన్నందున అవి హైపోథైరాయిడిజంతో బాధపడుతున్న వ్యక్తులకు ముఖ్యమైనవి. ఆర్గాన్ మీట్స్, ముఖ్యంగా లివర్ బెస్ట్ సోర్స్ అని గుర్తుంచుకోవాలి.
Samayam Telugu foods to avoid to fix thyroid naturally know here list
Thyroid : థైరాయిడ్ ఉన్నవారు వీటిని తింటే మంచిదట..


​రిఫైండ్ షుగర్స్‌కి దూరంగా..

ప్రాసెస్డ్ షుగర్స్‌ మీ రక్తంలో గ్లూకోజ్, ఇన్సులిన్స్‌ని పెంచుతాయి. ఇది శరీరం హైపోథాలమిక్ పిట్యూటరీ పనితీరుపై ప్రభావాన్ని చూపుతుంది. ఇందులో థైరాయిడ్ హార్మోన్లు కూడా ఉంటాయి. ఇది దీర్ఘకాలికంగా జరిగినప్పుడు, ఇది థైరాయిడ్ పనిచేయకపోవడానికి దారితీస్తుంది. ప్రాసెస్డ్ షుగర్స్, కార్బోహైడ్రేట్స్‌ని ఎక్కువగా తీసుకోవడం వల్ల థైరాయిడ్ పనిచేయకపోవడానికి దారి తీయొచ్చు. కాబట్టి జాగ్రత్తగా ఉండాల్సిందేనని నిపుణులు అంటున్నారు.

Also Read : Kitchen Hacks : కార్న్‌ఫ్లోర్‌కి బదులుగా వీటిని వాడొచ్చు..

​జంతు ప్రోటీన్, ఆర్గాన్ మీట్స్..

మంచి నాణ్యత ఉన్న ప్రోటీన్స్ తీసుకోవడం చాలా ముఖ్యం. జంతు ప్రోటీన్స్‌ చాలా మంచివి. ముఖ్యంగా లివర్ థైరాయిడ్‌కి ఓ సూపర్ ఫుడ్. న్యూట్రీషియన్ పవర్‌హౌస్‌గా చెప్పుకోవచ్చు. విటమిన్ ఎ, థైరాయిడ్ హార్మోన్ జీవక్రియకు మద్దతు ఇస్తుంది. థైరాయిడ్ స్టిమ్యులేటింగ్ హార్మోన్ విడుదలను అణిచివేస్తుంది. లివర్‌లో కాపర్, ఐరన్, జింక్, క్రోమియం వంటి ఖనిజాలు థైరాయిడ్‌కి మేలు చేసే బి 12, ఫోలేట్ వంటి విటమిన్స్ ఉంటాయి.

హార్మోన్స్, యాంటీ బయాటిక్స్ ఇవ్వని, పచ్చిక బయళ్ళు తిని పెరిగిన జంతువుల కాలేయం, ఇతర అవయవ మాంసం మాత్రమే తీసుకోవడం ముఖ్యమని గుర్తుంచుకోండి.

​గోయిట్రోజెన్స్ తగ్గించడం..

ఇవి కొన్ని ప్లాంట్ బేస్డ్ ఫుడ్స్. వీటిని అధికంగా తీసుకున్నప్పుడు థైరాయిడ్ పనితీరుకు అంతరాయం కలుగుతుంది. గోయిట్రోజెన్స్ ఎక్కువగా ఉండే ఆహారాలు ఏవంటే క్యాబేజీ, క్యాలీఫ్లవర్, బ్రోకలీ, బచ్చలికూర, వేరుశనగలు మొదలైనవి. కాబట్టి వీటికి ఎంత దూరంగా ఉంటే అంత మంచిదని నిపుణులు చెబుతున్నారు. మీరు తినాలనుకుంటే ముందుగా మీ ఫ్యామిలీ డాక్టర్‌ని కలిసి సలహా తీసుకోవడం మంచిది.

Also Read : Protein Breakfast : ఈ బ్రేక్‌ఫాస్ట్ హెల్త్‌కి చాలా మంచిది..

​అయోడిన్ ఎక్కువగా తీసుకోవడం..

డేటా ప్రకారం, అయోడిన్ లోపం ప్రపంచ జనాభాలో 1/3 మందిని ప్రభావితం చేస్తుంది. అయోడిన్ మానవశరీరంలో థైరాయిడ్ పనులను ప్రోత్సహించడంలో సాయపడే ఖనిజం. ఫలితంగా హైపోథైరాయిడిజం ఉంటే మీ ఆహారంలో అయోడిన్‌ని తప్పకుండా చేర్చుకోండి. ఇది శరీరం TSH ఉత్పత్తిని పెంచుతుంది. సాల్మన్, పాల ఉత్పత్తులు, గుడ్ల వంటి ఆహారాలు చాలా మంచివి.

Also Read : Plant Based Protein : వీటిని తింటే ప్రోటీన్ పుష్కలంగా అందుతుందట..

​సెలీనియం ఫుడ్ ఎక్కువగా తీసుకోవడం..

శరీర TSH హార్మోన్లు అంటే థైరాయిడ్ స్టిమ్యూలేటింగ్ హార్మోన్స్ సమృద్ధిగా ఉత్పత్తి చేయడంలో సాయపడే మరో కీలకమైన ట్రేస్ మినరల్ సెలీనియం. వాపుకి కారణమయ్యే ఫ్రీ రాడికల్స్, మీ ఆహారంలో తగినంత సెలీనియం సాయంతో దూరమవుతాయి. సెలీనియం శరీర ఇమ్యూనిటీ వ్యవస్థనను మెరుగుపరచడంలో సహాయపడుతుందని అధ్యయనాలు చెబుతున్నాయి. బ్రెజిల్ నట్స్, సార్డినెస్, గుడ్లు, చిక్కుళ్ళు వంటి సెలీనియం ఎక్కువగా ఉండే ఫుడ్ ఐటెమ్స్‌ని తీసుకోవడం మంచిది.

​యాంటీ న్యూట్రీషియన్స్‌కి దూరంగా..

ప్లాంట్ ఫుడ్స్‌లో లెక్టిన్స్, ఆక్సలేట్స్, ఫైటేట్స్ మొదలైన యాంటీ న్యూట్రీషియన్స్ చాలా ఉన్నాయి. ఇవి ముఖ్యంగా హైపోథైరాయిడిజమ్‌కి సమస్యగా ఉంటాయి. కాబట్టి యాంటీ న్యూట్రీషియన్స్ ఎక్కువగా ఉండే ప్లాంట్ బేస్డ్ ఫుడ్స్ తీసుకోవడం తగ్గించేలా జాగ్రత్తలు తీసుకోవాలి. నానబెట్టడం, వండడం, పులియబెట్టడం వంటి మార్గాల్లో ఫుడ్ ప్రిపేర్ చేయడం కూడా యాంటీ న్యూట్రీయెంట్ కంటెంట్‌ని తగ్గించడంలో సాయపడుతుంది. కాబట్టి ఈ పద్ధతుల్లో ఆహారాన్ని వండాలి. దీని కోసం ముందుగా మీ డైటీషియన్‌ని కలవడం మంచిది.

ఈ జాగ్రత్తలు తప్పనిసరి..

థైరాయిడ్ పనిచేయకపోవడాన్ని రివర్స్ చేయడానికి, సరైన ట్రీట్‌మెంట్ తీసుకోవడానికి సరైన పరీక్ష, లోపాన్ని గుర్తించడం ముఖ్యం. అయినప్పటికీ హైపోథైరాయిడిజం ఉన్న వ్యక్తులందరికీ ఈ టిప్స్ ముఖ్యమైనవి. మొదట్లోనే సమస్యని గుర్తిస్తే ఆహారంలో మార్పులు చేయడం వల్ల సమస్య చాలా వరకూ దూరమవుతుంది.

By: Functional Nutritionist Mugdha Pradhan, CEO and Founder, iThrive

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.


రచయిత గురించి
రావుల అమల
ఆర్. అమల సమయం తెలుగులో డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ లైఫ్‌స్టైల్‌కి సంబంధించిన సరికొత్త విషయాలను, స్పెషల్ కంటెంట్‌ని అందిస్తారు. తనకి జర్నలిజంలో 10 ఏళ్ళకు పైగా అనుభవం ఉంది. తను ఇప్పటివరకూ పలు మీడియా సంస్థల్లో న్యూస్, పొలిటికల్ సెటైర్, లైఫ్‌స్టైల్, సినిమా రివ్యూ కంటెంట్‌ని అందించారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.