తరచుగా సెక్స్ చేసే ఆడవాళ్లకు అది బోనస్

రోజూ సెక్స్‌లో పాల్గొనడం వల్ల ఆరోగ్యంగా ఉండటంతోపాటు, హుషారుగా ఉంటారనే సంగతి తెలిసిందే. నిత్యం భాగస్వామితో శృంగారంలో పాల్గొనడం వల్ల చాలా కాలంపాటు యవ్వనంగా కనిపిస్తారని పలు పరిశోధనల్లో వెల్లడైంది కూడా. మానసిక ఒత్తిడి తగ్గడానికి, ప్రశాంతగా నిద్రపోవడానికి కూడా లైంగిక చర్య ఉపకరిస్తుంది. తరచుగా సెక్స్‌లో పాల్గొనే ఆడవాళ్లకు మరో ఉపయోగం కూడా ఉందని పరిశోధకులు చెబుతున్నారు. అదేంటో తెలుసా? రోజూ సెక్స్‌లో పాల్గొనే ఆడవారిలో పదాలను గుర్తుంచుకునే సామర్థ్యం పెరుగుతుందట. ఈ విషయం మెక్‌‌గిల్ యూనివర్సిటీ పరిశోధనలో వెల్లడైంది.

ఇందుకోసం 18 నుంచి 29 ఏళ్ల మధ్య వయసున్న మహిళలపై వారు అధ్యయనం జరిపారు. రోజూ శృంగారంలో పాల్గొనడం వల్ల మహిళల హిప్పోకాంపస్‌లో కొత్త కణాలు పెరుగుతున్నాయని వారు గుర్తించారు. ఇది ఉద్రేకాలు, జ్ఞాపకశక్తిని తన అధీనంలో ఉంచుకుంటుంది. కాబట్టి ఎక్కువ పదాలను గుర్తుంచుకోవడం అనేది హిప్పోకాంపస్ మీద ఆధారపడి ఉంటుంది.