అరటిపువ్వుతో వీర్యవృద్ధి కలుగుతుందా? ప్రయోజనాలేమిటీ?

మారుతున్న జీవనశైలి మనుషులపై ఎన్నో రకాల దుష్ప్రభావాలను చూపుతోంది. చిన్న వయస్సులో మధుమేహం, క్యాన్సర్, గుండె నొప్పి వంటి భయానక వ్యాధులు వెంటాడుతున్నాయి. అంతేగాక, చాలామంది సంతానలేమి సమస్యలతో సతమతం అవుతున్నారు. చిరు తిళ్లను రుచి మరిగి పోషకాహారాన్ని పక్కన పెడుతున్నారు. ఇప్పటికే మీరు ఇలాంటి సమస్యలతో బాధపడుతున్నట్లయితే తప్పకుండా జాగ్రత్తలు పాటించాలి.

ప్రకృతిలో సహజ సిద్ధంగా లభించే పదార్థాలతో అనేక ఆరోగ్య సమస్యలకు చెక్ పెట్టవచ్చు. అలాంటి పదార్థాల్లో అరటి పువ్వు ఒకటి. అరటి పండు తరహాలోనే అరటి పువ్వులో కూడా ఎన్నో ప్రయోజనాలు ఉన్నాయని ఆహార నిపుణులు చెబుతున్నారు. చెప్పాలంటే.. అరటి పండు కంటే మెరుగైన ఔషద గుణాలు ఇందులో ఉన్నాయట. ఇది అనారోగ్య సమస్యలను దూరం చేయడమే కాకుండా.. శరీరానికి మాంచి శక్తిని ఇస్తోందట. ముఖ్యంగా పురుష్లో వీర్యవృద్ధికి ఇది ఎంతో మెరుగ్గా పనిచేస్తోండట. మరి, దీనివల్ల కలిగే మరిన్ని ఆరోగ్య ప్రయోజనాలేమిటో చూద్దామా!

❤ అరటి పువ్వుని తినడం వల్ల జీర్ణక్రియ తేలికగా జరిగి సుఖ విరేచనం అవుతుంది.
❤ మలబద్దక సమస్యతో బాధపడేవారు అరటి పువ్వుని తీసుకోవడం వల్ల మంచి ఫలితం ఉంటుంది.
❤ అరటిపువ్వులో ఉంటే విటమిన్-C వ్యాధి నిరోధక శక్తిని మెరుగుపరుస్తుంది.
❤ అరటి పువ్వులో ఉండే ఐరన్, కాల్షియం, పొటాషియం, మెగ్నీషియం, ఫాస్పరస్ మొదలైనవి నాడీవ్యవస్థ సక్రమంగా పనిచేసేలా చేస్తాయి.
❤ మూత్రపిండాల వ్యాధుల‌తో బాధపడేవారు, కిడ్నీల్లో రాళ్ల సమస్యతో బాధపడేవారికి కూడా అరటి పువ్వు మంచిదట.
❤ పాలిచ్చే త‌ల్లుల‌కు అరటి మంచి ఆహారమని నిపుణులు చెబుతున్నారు.

Read Also: డేంజర్ స్ట్రోక్.. పక్షవాతంతో జాగ్రత్త! ఈ లక్షణాలుంటే అప్రమత్తంగా ఉండండి

❤ వీర్య కణాల సమస్యతో ఇబ్బందిపడేవారు అరటిపువ్వుని ఆహారంలో భాగంగా చేసుకోవాలని ఆహార నిపుణులు చెబుతున్నారు.
❤ అరటి పువ్వు తినడం వల్ల వీర్యవృద్ధి జరిగి సంతానోత్పత్తి సామర్థ్యం పెరుగుతుందట.
❤ స్త్రీల‌లో గ‌ర్భాశ‌య సంబంధ సమస్యలను దూరం చేసే శక్తి అరటి పువ్వుకు ఉందట.
❤ గ్యాస్‌, అసిడిటీ సమస్యలతో బాధపడేవారికి అరటి పువ్వు మేలు చేస్తుందట.

Read Also: మొలలు లేదా పైల్స్.. ఎలా వస్తాయి? లక్షణాలేమిటీ?

❤ అరటి పువ్వు కూరతో హైబీపీ అదుపులో ఉంటుంది. ఫలితంగా గుండె సంబంధ వ్యాధులు దరిచేరవని ఆరోగ్య నిపుణులు తెలుపుతున్నారు.
❤ అరటిపువ్వు కూరగా చేసుకుని ఆరగిస్తే.. జీర్ణాశ‌యంలో అలసర్ల సమస్య ఉండదట.
❤ ఆడవారిలో పీరియడ్స్ సమయంలో అధిక రక్తస్రావం కాకుండా అరటి పువ్వు అరికడుతుంది.
❤ డయాబెటీస్ (మధుమేహం)తో బాధపడుతున్నవారు అరటి పువ్వు కూరను తింటే రక్తంలో చక్కెర స్థాయిలో నియంత్రణలో ఉంటాయట.

గమనిక: పైన పేర్కొన్న విషయాలన్నీ కేవలం మీ అవగాహన కోసం మాత్రమే అందించామని గమనించగలరు. ఆహార నిపుణులు, వివిధ అధ్యయనాల ఆధారంగా మాత్రమే ఈ వివరాలను మీకు అందించాం. వీటిని ప్రమాణికంగా తీసుకోరాదని మనవి. మీరు వీటిని ఆహారంగా తీసుకొనే ముందు తప్పకుండా వైద్యులు లేదా ఆహర నిపుణుల సూచనలు, సలహాలు తీసుకోవాలి.