కార్బోహైడ్రేట్ ఫుడ్స్..
కార్బ్స్ ఆరోగ్యానికి మంచిది కాదని చాలా మంది అంటారు. కానీ, నిజానికి ఈ ఆహారాలు మీకు కేలరీల రూపంలో శక్తిని అందిస్తాయి. అయితే.. తీసుకునే పరిమాణాన్ని దృష్టిలో పెట్టుకోవాలి. ప్రతి ఆహారం కూడా శక్తిని ఇస్తుందని కాదు. పిండి పదార్థాలు మీ బాడీకి కావాల్సిన శక్తి వనరులు. ఇవి సెరటోనిన్ స్థాయిలను పెంచుతాయి. కాబట్టి. స్థూల పోషకాలలో ప్రోటీన్స్, కొవ్వుల కంటే శక్తిని అందిస్తాయి.
కార్బ్స్‌తో బెనిఫిట్స్..
కార్బోహైడ్రేట్స్ తీసుకోవడం వల్ల శక్తి, మానసిక స్థితి రెండు మెరుగ్గా ఉంటాయి. సాధారణ శుద్ధి చేసిన కార్బోహైడ్రేట్స్ తినకపోవడే మంచిది. వీటి వల్ల రక్తంలో చక్కెర పెరుగుతుంది. వీటి కారణంగా మీ మానసిక స్థితి ఇబ్బందిగా మారుతుంది. కాబట్టి మంచి కార్బ్స్‌ని తీసుకోవడం మరువొద్దు.
Also Read : Kidney Problems Treatment : కిడ్నీ ప్రాబ్లమ్స్‌కి ఈ ట్రీట్‌మెంట్‌ బెస్ట్..
ఏం తినాలి..
బ్రౌన్‌రైస్, హోల్ వీట్ బ్రెడ్, హై ఫైబర్ హోల్ గ్రెయిన్స్‌ని తినాలి. వీటిలో తక్కువ జిఐ ఉన్న కార్బోహైడ్రేట్స్‌ని ఎంచుకోండి. కాంప్లెక్స్ కార్బోహైడ్రేట్స్‌ని మన బాడీ నెమ్మదిగా అబ్జార్బ్‌ చేసుకుంటుంది. రక్తంలో చక్కెరని స్థిరంగా ఉంచుతుంది.
పీచు పదార్థం..
ఫైబర్ అనేది బాడీ అరిగించుకోలేని కార్బోహైడ్రేట్ రకం. ఫైబర్ చక్కెర అణువులుగా విభజించబడదు. బదులుగా శరీరం ద్వారా జీర్ణం కాకుండా కదులుతుంది. అందుకే ఓట్స్, చియా సీడ్స్, బాదం, బీన్స్, పప్పులు, యాపిల్స్‌లో ఉండే కరిగే ఫైబర్ ఎక్కువగా ఉండే ఫుడ్స్‌కి ఎగ్జాంపుల్.
ఫైబర్ ఎక్కువగా ఉండే ఫుడ్స్ జీర్ణ వ్యవస్థకి చాలా మంచిది. ఇవి రక్తంలో కొలెస్ట్రాల్, చక్కెర స్థాయిలను తగ్గిస్తాయి. ఆకలిని కంట్రోల్ చేస్తాయి. కొద్దిగా తినగానే ఎక్కువ తిన్నామన్న ఫీలింగ్ వస్తుంది. ఈ కారణంగా త్వరగా బరువు తగ్గుతారు.
Also Read : Auto Brewery Syndrome : ఈ సమస్య ఉంటే శరీరమంతా మత్తుగా ఉంటుందట..
ఫ్యాట్ కాఫీ..
కెఫీన్ అనేది సహజ నాడీ వ్యవస్థ ఉద్దీపన.. ఇది బ్రెయిన్‌ని యాక్టివేట్ చేస్తుంద. అలసటను తగ్గించి జ్ఞానాన్ని మెరుగ్గా చేస్తుంది. దీనిని తీసుకున్న గంటలోపే ప్రయోజనాలు కనిపిస్తాయి. సుమారు 5 గంటల పాటు దీని ప్రభావం ఉంటుందంటే నమ్ముతారా.. శక్తితో పాటు.. రీఫ్రెష్‌నిస్, కాన్సంట్రేషన్ పెరుగుతుంది. అయితే, కాఫీని తీసుకునే విధంగానే తీసుకోవాలి. అప్పుడే ఈ లాభాలు ఉంటాయి. అదెలా అంటే..
ఎలా తీసుకోవాలంటే..
కాఫీ రెగ్యులర్‌గా తీసుకోవడం కంటే అందులో కొద్దిగా నెయ్యి కలిపి తీసుకోవడం మంచిది. దీని వల్ల చాలా లాభాలు ఉన్నాయి. ముఖ్యంగా రక్తప్రవాహంలోకి కెఫిన్ విడుదలని పొడిగించి , ఎక్కువసేపు శక్తి ఉండేలా చూస్తుంది.
ప్రోటీన్ ఫుడ్స్..
ఆరోగ్యానికి ప్రోటీన్ చాలా ముఖ్యమైనది. కొన్ని ఫుడ్ ఐటెమ్స్‌లో ప్రోటీన్ ఎక్కువగా ఉంటుంది. టైరోసిన్ అనేది పౌల్ట్రీ, చేపలు, మాంసం, గుడ్లు, పాల ఉత్పత్తులు సహా.. కొన్ని ఫుడ్స్‌లో ప్రోటీన్ అధికంగా ఉండి ఆరోగ్యానికి మేలు చేస్తుంది. డోపమైన్, నోర్‌పైన ఫ్రైన్ అనే రెండు బ్రెయిన్ రసాయనాలు మరింత కాన్సంట్రేషన్ పెరిగేలా చేస్తాయి. ఇవి టైరోసిన వల్ల పెరుగుతాయి.
ప్రోటీన్స్‌తో మరిన్ని లాభాలు..
ప్రోటీన్స్‌‌లో అతి ముఖ్య భాగం విటమిన్ బి12 ఉంటుంది. ఇది ముఖ్యంగా జంతు ఉత్పత్తులలో సమృద్దిగా ఉంటుంది. ప్రోటీన్స్ ఎక్కువగా ఉన్న ఫుడ్స్ జీర్ణం కావడానికి కొంత సమయం పడుతుంది. కాబట్టి, అవి మిమ్మల్ని ఎక్కువ సమయం పాటు కడుపు నిండుగా ఉన్న ఫీలింగ్‌ని ఇచ్చి శక్తిని అందిస్తాయి.
వాల్‌నట్స్
వాల్‌నట్స్‌లో పుష్కలంగా ఒమేగా 3 ఫ్యాటీ యాసిడ్స్ ఉంటాయి. ఇవి ఆరోగ్యానికి చాలా మంచిది. ఇవి ఫ్రీ రాడికల్స్‌ని కంట్రోల్ చేయడమే కాకుండా శక్తినిస్తాయి. వాల్‌నట్స్‌లోని ఫైబర్ జీర్ణక్రియని నెమ్మదిస్తుంది. దీంతో నెమ్మదిగా, స్థిరమైన శోషణకు దారి తీస్తుంది. ఇది మిమ్మల్ని ఎక్కువకాలం కడుపు నిండుగా అనిపిస్తుంది.
టీ..
టీ అనేది చాలా మంది ఫేవరేట్ డ్రింక్. టీ, చక్కెర సోడాలు, కూల్‌డ్రింక్స్‌కి ప్రత్యామ్నాయంగా తీసుకోవచ్చు. దీనిని తీసుకోవడం వల్ల శక్తి పెరుగుతుంది. దీని వల్ల ప్రతిరోజూ మీకు అవసరమైన విటమిన్స్, ఖనిజాలు, ద్రవాలు తీసుకున్నట్లుగా అవుతుంది. దీని వల్ల రోజంతా యాక్టివ్‌గా ఉంటారు. టీ, కాఫీల్లోని కెఫిన్ మిమ్మల్ని కాస్తా బూస్ట్ చేస్తాయి.
ఇవి మరువొద్దు..
ఇప్పుడు చెప్పిన ఫుడ్స్ అన్ని కూడా ఆరోగ్యకరమైనప్పటికీ వీటిని తీసుకునే సమయం, పరిమాణం దృష్టిలో అవగాహన ఉండి తీరాల్సింది. వీటిని ఎక్కువగా తీసుకుంటే ఆరోగ్యానికి అస్సలు మంచిది కాదు. అందుకే ఎప్పుడు, ఎంత పరిమాణంలో తీసుకోవాలని వైద్యులని అడిగి నిర్ణయం తీసుకుని అలానే ఫాలో అవ్వండి.
-Azhar Ali Sayed. Holistic Health coach, Author of "Eat your cake, lose your weight.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu News