అల్లం తింటే.. ఈ సమస్యలు చిటికెలో మాయం

అల్లం కూరలకు రుచి మాత్రమే కాదండోయ్.. ఆరోగ్యాన్ని కూడా అందిస్తుంది. అలాగే రోజువారీ ఎదుర్కొనే అనేక శరీరక సమస్యలను సైతం అల్లం తొలగిస్తుంది. అల్లం మంచి యాంటిఆక్సిడెంట్‌గా పని చేస్తుంది. రక్తాన్ని శుద్ధి చేయడానికి కూడా తోడ్పడుతుంది. రక్తనాళాల్లో రక్తం గడ్డకట్టకుండా ఉండేందుకు సహాయపడుతుంది. అల్లం వల్ల ఇంకా ఏయే ప్రయోజనాలు కలుగుతాయి? ఏయే సమస్యలకు ఎలాంటి చిట్కా పాటిస్తే ప్రయోజనం ఉంటుందో చూడండి.

❤ అల్లాన్ని తినడం వల్ల కీళ్ల నొప్పులు తగ్గుతాయి.
❤ అల్లం వల్ల కడుపులో పూత(అల్సర్) ఏర్పడదు.
❤ అల్లం నోటి దుర్వాసనను పోగొడుతుంది.
❤ డయాబెటీస్‌ను నియంత్రించే శక్తి సైతం అల్లానికే సొంతం.
❤ అజీర్తితో బాధపడుతున్న వారు అల్లం రసం తాగితే ఉపశమనం కలుగుతుంది.
❤ అల్లం ఎలర్జీలను నివారిస్తుంది.
❤ కడుపులో గ్యాస్ ఏర్పడితే అల్లం దివ్యౌషధంలా పని చేస్తుంది.
❤ దగ్గు, జలుబు, కఫం మొదలైన వాటికి అల్లం అమృతంలా పని చేస్తుంది.
❤ ఆస్తమా, బ్రొంకైటిస్ దగ్గుని కూడా నివారిస్తుంది.
డయాబెటీస్ బాధితులు రోజులో ఎన్నిసార్లు తినాలో తెలుసా?❤ ఉబ్బసం వ్యాధితో బాధపడే వారు అల్లం రసంలో తేనెను కలుపుకుని సేవిస్తే ఉబ్బసం నుంచి ఉపశమనం కలుగుతుంది.
❤ జీర్ణక్రియ సమస్య ఉన్నట్లయితే కాస్త అల్లం తీసుకోండి. అంతా సాఫీగా జరిగిపోతుంది.
❤ దగ్గు వేదిస్తుంటే వెంటనే అల్లం, ఉప్పు కలిపి తీసుకోండి.
❤ అల్లంలో ఉండే యాంటీ ఆక్సిడెంట్లు గొంతులో, శ్వాసనాళాల్లో ఉన్న విషతుల్యాలను తొలగించి ఉపశమనం కలిగిస్తాయి.
❤ కానీ, అల్లం తక్కువ పరిమాణంలోనే తినాలి. ఎక్కువ తింటే కొత్త సమస్యలు కొనితెచ్చుకున్నట్లే.
వీటిని వాసన చూస్తే.. సులభంగా బరువు తగ్గొచ్చట!
ముఖ్య గమనిక: ఈ సమాచారం కేవలం మీ అవగాహన కోసమే అందించాం. పలు అధ్యయనాల్లో తేలిన అంశాలను మీకు తెలియజేయడానికే ఈ కథనం. ఇది అర్హత కలిగిన వైద్యుల అభిప్రాయానికి ప్రత్యామ్నాయం అస్సలు కాదు. వీటిని మీ డైట్‌లో చేర్చుకోవాలని నిర్ణయించుకున్నా లేదా మరింత సమాచారం తెలుసుకోవాలన్నా తప్పకుండా వైద్యులను, ఆహార నిపుణులను సంప్రదించాలని మనవి. ఈ సమాచారానికి ‘సమయం తెలుగు, టైమ్స్ ఆఫ్ ఇండియా’ ఎటువంటి బాధ్యత వహించదని గమనించగలరు.