'జామ'తో జలుబుకు చెక్..!

జలుబు మిమ్మల్ని తీవ్రంగా వేధిస్తోందా..? అయితే జామ పండు తినండి... మీ సమస్య తీరుతుంది. జలుబుతో బాధపడేవారు జామ తినొద్దని చాలామంది చెబుతుంటారు, కానీ ఇది నిజం కాదు. ఎందుకంటే జామలో జలుబును తగ్గించే లక్షణాలున్నట్లు పరిశోధకులు చెబుతున్నారు. తీవ్రమైన జలుబుతో బాధపడేవారు పెద్దసైజు జామకాయను తీసుకుని అందులో గింజలు తీసేసి తినాలి. తర్వాత గ్లాసు నీళ్లు తాగితే అది మందులా పనిచేసి గొంతులోనూ, ఊపిరితిత్తుల్లోని కఫాన్ని తగ్గిస్తోంది. దీంతో జలుబు నుంచి ఉపశమనం పొందవచ్చు.

ఒక్క జలుబుకే కాదండోయ్... ఇతర ఆరోగ్య సమస్యలకూ జామ మంచి పరిష్కారంగా పనిచేస్తోంది:

* జామ నుంచి లభించే పీచు షుగర్ వ్యాధిగ్రస్తులకు మంచి ఆహారంగా పనిచేస్తుంది. వీరు జామకాయను నిరభ్యంతరంగా తినవచ్చు.

* జామకాయలో ఉండే బి3, బి6 విటమిన్లు మెదడుకు రక్త సరఫరాను పెంచి, మెదడు పనితీరును మెరుగుపరుస్తాయి.

* తలనొప్పి, మైగ్రేన్ సమస్యలతో బాధపడేవాళ్లు పచ్చిజామకాయను ముద్దలా నూరి, రోజులో మూడునాలుగుసార్లు నుదుటిమీద పెట్టుకుంటే నొప్పి తగ్గుతుంది.

* గుండె సంబంధ సమస్యలతో బాధపడేవారు గింజలు తీసిన జామకాయ ముక్కలకు పంచదార కలిపి, వాటిని మెత్తగా ఉడికించి రోజుకు రెండుసార్లు తీసుకోవాలి. దీంతో వీరి గుండె పనితీరు మెరుగుపడుతోంది.

* ఆర్థరైటిస్‌ సమస్యతో బాధపడేవారు జామ ఆకులను ముద్దగా నూరి... నొప్పి ఉన్నచోట పెడితే ఉపశమనం లభిస్తుంది.

* జామను ఎక్కువగా తినేవారి చర్మం ఎలాంటి మచ్చలు, ముడుతలు లేకుండా మెరుస్తూ.. ఉంటుంది. వృద్ధాప్య‌ చాయలను దూరం చేస్తోంది.

* జామలో ఉంటే కాపర్, థైరాయిడ్ సమస్యలకు మంచి పరిష్కారంగా పనిచేస్తోంది.

* జామ ఆకు రసాన్ని వెన్నెముక మీద రాస్తే... మూర్ఛవ్యాధి సమస్య ఉన్నవారు ఉపశమనం పొందుతారు.