hot water health benefits: వేడి నీళ్లు తాగితే.. ఈ ఆరోగ్య సమస్యలు దూరం అవుతాయి..!

hot water health benefits: మనం ఆరోగ్యంగా ఉండటానికి పోషకాహారం ఎంత ముఖ్యమో.. నీళ్లూ అంతే అవసరం. ప్రతి రోజూ సరిపడా నీళ్లు తాగితే ఎన్నో ఆరోగ్య సమస్యలు దూరం అవుతాయని నిపుణులు చెబుతున్నారు. అందులోనూ, గోరువెచ్చని నీరు తాగితే ఇంకా మంచిదని అంటున్నారు. ఉదయాన్నే ఖాళీ కడుపుతో గోరువెచ్చని నీరు తాగాలని పెద్దలు అంటునే ఉంటారు. ఈ సూచన ఆయుర్వేదం కూడా ఇస్తుంది. చలికాలం రాబోతోంది. ఈ కాలంలో జలుబు, దగ్గు, ఇన్ఫెక్షన్లులు కూడా ఎక్కువగా ఉంటాయి. ఈ ఆరోగ్య సమస్యలకు దూరంగా ఉండటానికి వేడి నీళ్లు సహాయపడతాయి. అసలు గోరువెచ్చని నీరు తాగితే.. ఎలాంటి ఆరోగ్య ప్రయోజనాలు ఉంటాయో తెలుసుకోవాలంటే.. ఈ స్టోరీ చదివేయండి.

• వాతావరణం చల్లగా ఉన్నప్పుడు గోరువెచ్చటి నీళ్లు తాగితే బద్ధకం తగ్గి యాక్టివ్‌గా ఉంటారు. శరీరం వేడి ఉత్పత్తి అవుతుంది. ముక్కు దిబ్బడ, గొంతు పూడుకు పోవడం, మాటలో జీర, శ్వాస ఇబ్బందులు నయమవుతాయి. చలి, వణుకు లాంటి లక్షణాలు ఏమైనా ఉంటే ఇట్టే తగ్గిపోతాయి.
• అధిక బరువు సమస్యతో బాధపడుతున్న వారు రోజు వేడి నీరు తీసుకోవటం వల్ల సులభంగా బరువు తగ్గేందుకు అవకాశం ఉంటుంది. శరీరంలో పేరుకుపోయిన కొవ్వు కరిగించడానికి వేడి నీళ్లు సహాయపడతాయి. గోరువెచ్చటి నీళ్లలో నిమ్మరసం వేసుకుని తాగడం వల్ల బరువు తగ్గొచ్చు.
• ఉదయం నిద్ర లేవ గానే కాలకృత్యాలు తీర్చుకోక ముందే రెండు లేదా మూడు గ్లాసులు గోరు వెచ్చని నీళ్లు తాగంటం వల్ల ప్రయోజనం ఉంటుంది. ఇలా రోజూ చేస్తే.. శరీరంలోని మలినాలు తొలగుతాయి. ఖాళీ కడుపుతో వెచ్చని నీరు తాగడం వల్ల కడుపు పూర్తిగా క్లియర్ అవుతుంది. దీంతో మీకు రిఫ్రెష్ అయిన ఫీలింగ్‌ ఉంటుంది.
• నెలసరిలో వచ్చే అనేక సమస్యలు గోరువెచ్చటి నీళ్లతో పరిష్కారమవుతాయి. ఆ సమయంలో కలిగే విసుగూ అలసటా తగ్గుతాయి. పీరియడ్స్‌ టైమ్‌లో వచ్చే కడుపు నొప్పి నుంచి కొంత ఉపశమనం లభిస్తుంది. మొటిమలు రావు. చుండ్రు రాదు. జుట్టు రాలదు, కుదుళ్లు బలపడతాయి.
• వేడి నీళ్లతో అవయవాలన్నీ ఉత్తేజితమవుతాయి. కండరాలు బిగుసుకుపోవు. జీర్ణప్రక్రియను వృద్ధిచేసి మలబద్ధక సమస్యను నివారిస్తాయి. కడుపు నొప్పి, అజీర్తి తదితర జీర్ణ సమస్యలతో బాధపడేవారు వేడి నీళ్లు తాగితే మంచిది. వేడి నీళ్లు తాగితే ఆహారం త్వరగా జీర్ణం అవుతుంది.
• వేడినీళ్లు తాగితే.. నరాల పనితీరు మెరుగుపడుతుంది. రక్త ప్రసరణ సాఫీగా సాగుతుంది. శరీరంలో మలినాలన్నీ వెళ్లిపోతాయి.
• చల్లటి నీళ్లు తాగడం వల్ల పంటి సెన్సిటివిటీ పెరిగిపోతుంది. అదే వేడి నీళ్లు తాగితే క్రిములు చచ్చిపోయి దంత సమస్యలు తగ్గుతాయి.
• కొందరికి చిన్న వయస్సులోనే ముఖంలో ముడతలు కనిపిస్తుంటారు. ఉదయాన్నే రెండు గ్లాసుల వెచ్చటి నీళ్లు తాగడం అలవాటు చేసుకుంటే అనేక ప్రయోజనాలుంటాయి.
• గోరువెచ్చని నీరు తాగితే నరాల పనితీరు మెరుగుపడుతుంది. రక్త ప్రసరణ సాఫీగా సాగుతుంది. శరీరంలో మలినాలన్నీ తొలగుతాయి.
• డయాబెటిస్‌, గుండె సమస్యలు, కడుపు సంబంధిత వ్యాధులతో బాధపడేవారికి వేడి నీళ్లు ఎంతో మేలు చేస్తాయి.
• కీళ్ల నొప్పులతో బాధపడేవారు వేడి నీళ్లు తాగితే, ఆర్థరైటీస్ సమస్యలు రాకుండా కాపాడుతుంది.
• సీతాకాలంలో శరీరం పొడిబారుతూ ఉంటుంది. వేడి నీళ్లు తాగితే.. శరీరం పొడిబారదు. ముఖం కాంతిమంతంగా ఉంటుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.