ఉదయాన్నే పరగడుపున వెల్లుల్లి తీసుకుంటే..

ఉల్లి చేసే మేలు తల్లికూడా చేయదంటారు. ఉల్లి కంటే వెల్లుల్లి వల్ల ఎన్నో ఆరోగ్య ప్రయోజనాలు చేకూరుతాయట. రోజూ వెల్లుల్లి తీసుకుంటే గుండెపోటు ముప్పును తప్పించుకోవచ్చట. అంతేకాదు శరీరంలో పేరుకుపోయిన అధిక కొవ్వును కూడా తగ్గిస్తుందట. ఇది ఉత్పత్తి చేసే ఫైబ్రినోలైసిస్‌లు గడ్డకట్టిన రక్తాన్ని సాధారణ స్థితికి తీసుకువస్తాయట. అంతేకాకుండా వెల్లుల్లిలో ఉండే అజోయైన్ అనే మూలకం రక్తం గడ్డకట్టడాన్ని నివారిస్తుందట.

దీంతో గుండెపోటుకు గురయ్యే ప్రమాదం దాదాపు తగ్గిపోతుందట. మధుమేహ రోగులకు రక్తంలో చక్కెర, కొవ్వు పదార్థాలు, ట్రై-గ్లిజరైడ్ల స్థాయిలు అధికంగా ఉంటాయి. దీంతో రక్తం చిక్కగా మారుతుంది. దీని నివారణకు రోజూ వెల్లుల్లి తీసుకుంటే వీటి స్థాయిలు తగ్గటంతోపాటు గుండెపోటు ముప్పు, మధుమేహ సంబంధిత వ్యాధులు పూర్తిగా తగ్గిపోతాయట.

వెల్లుల్లిలో ఔషద గుణాలు పుష్కలంగా ఉంటాయి. కాబట్టి దీన్ని తీసుకుంటే జలుబు, ఫ్లూ, జ్వరం, అధిక రక్తపోటు, విస్తారిత ప్రోస్టేట్, మధుమేహం, ఆస్టియో ఆర్థరైటిస్, ప్రయాణాలలో కలిగే విరేచనాలు, ప్రీఎక్లిప్సియా, కరోనరీ ఆర్టేరీ డిసిజేస్, గుండెపోటు, ధమనుల గట్టిపడటం లాంటి సమస్యల నుంచి ఉపశమనం కలిగిస్తుందట.

అంతేకాకుండా పెద్దపేగు, పురీషనాళ, జీర్ణాశయం, రొమ్ము, ప్రోస్టేట్, ఊపిరితిత్తుల క్యాన్సర్‌లను నిరోధించడంలోనూ ముఖ్య పాత్ర పోషిస్తుంది. ఉదయం పరగడుపున వెల్లుల్లి తింటే ఇది మరింత శక్తివంతంగా పనిచేసి సహజ యాంటీబయాటిక్‌గా సహాయపడతుందని పరిశోధనకులు అంటున్నారు.