మొక్కజొన్న.. ఆరోగ్య రహస్యాలు మిన్న

చలికాలంలో వేడి వేడిగా కాల్చిన మొక్కజొన్న పొత్తు తింటుంటే ఆ రుచే వేరు. మొక్క జొన్న గింజలు మంచి బలమైన ఆహార పదార్థాలు. వీటిలో లినోలిక్ ఆసిడ్, విటమిన్ ఇ ,బి 1, బి 6, నియాసిన్, ఫోలిక్ ఆసిడ్ , రిబోఫ్లావిన్ ఎక్కువగా ఉంటాయి. మొక్కజొన్నలో పీచు పుష్కలంగా వుంటుంది. అది జీర్ణక్రియకు బాగా పనిచేస్తుంది. పీచు మలబద్దకం, మొలలు వంటి వ్యాధులు రాకుండా కాపాడుతుంది. పేగు కేన్సర్‌‌ను అరికడుతుంది. మొక్కజొన్నలో కావలసినన్ని మినరల్స్‌ ఉంటాయి. మెగ్నీషియం, ఐరన్‌, కాపర్‌, ఫాస్పరస్‌ వంటివి ఇందులో ఉంటాయి కాబట్టి వీటిని తింటే ఎముకలు గట్టిపడతాయి.

మొక్కజొన్నలో యాంటీ ఆక్సిడెంట్లు ఉంటాయి. ఇవి చర్మాన్ని కాంతివంతంగా ఉంచుతాయి. బాగా ఎండిన మొక్కజొన్న విత్తనాల నూనెను చర్మానికి రాసుకోవొచ్చు. ఇందులో ఉండే లినోలె యాసిడ్‌ చర్మమంటలను ర్యాష్‌లను తగ్గిస్తుంది. మొక్కజొన్నలో ఉండే విటమిన్‌ సి, కేరోటియాయిడ్లు, మయో ప్లేవినాయిడ్లు మీ గుండెను చెడు కొలెస్టరాల్‌ నుంచి కాపాడుతాయి. శరీరంలో రక్తప్రసరణ అధికం చేస్తాయి. మొక్కజొన్న మధుమేహంతో బాధపడే వారికి చాలా మంచి చేస్తుంది. అందువల్ల మొక్కొజొన్న ను రెగ్యులర్ గా ఏదో ఒక రూపంలో తీసుకోవడం శరీరానికి మంచిది.