చేపలు తినడం ఆరోగ్యానికి మంచిదేనా? ఏం జరుగుతుంది?

చేపలు కూర అంటే చాలు.. లొట్టలేసుకుని లాగించేస్తారు. చాలామందికి మాంసం కంటే చేపలను తినడానికే ఎక్కువ ఇష్టపడతారు. మరి, చేపలు తినడం ఆరోగ్యానికి మంచిదేనా? దీనిపై తాజా పరిశోధనలో తేలిన ఈ ఆసక్తికర విషయాలు గురించి తెలిస్తే.. మీరు తప్పకుండా ఆశ్చర్యపోతారు. మరి, అవేంటో చూసేద్దామా!

చేపలు తినడం వల్ల గుండె సంబంధిత వ్యాధులకు దూరంగా ఉండవచ్చని అమెరికన్ హార్ట్ అసోసియేషన్ నిర్వహించిన ఓ అధ్యయంలో తేలింది. మాలిక్యులార్ న్యూట్రిషన్ అండ్ ఫుడ్ రిసెర్చ్, న్యూట్రిషనల్ బయోకెమిస్ట్రీ జర్నల్స్‌లోనూ ఈ విషయాన్ని ప్రధానంగా ప్రస్తావించారు. చేపలను తినడం వల్ల గుండె జబ్బులు దూరమవుతాయని ఆయా కథనాల్లో పేర్కొన్నారు.

చేపలే ఎందుకంటే..: శరీరంలోని చెడు కొవ్వులను బయటకు పంపేసే ఒమెగా 3 ఫ్యాటీ ఆమ్లాలు చేపల్లో సమృద్ధిగా ఉంటాయట. దీని వల్ల శరీరంలో కొవ్వు అతిగా పేరుకుపోదు. దీంతో రక్తనాళాల్లో కొవ్వు పేరుకుపోయే పరిస్థితులు తగ్గుముఖం పడతాయి. ఫలితంగా గుండె జబ్బులు వచ్చే అవకాశం ఉండదు.

Read Also: ఇవి తింటే.. సెక్స్‌లో మీరే కింగ్, వయాగ్రా కూడా వేస్ట్!

ఎలాంటి చేపలను తింటే మంచిది?: చేపల్లో చాలా రకాలు ఉంటాయి. అయితే, మీరు ఒమెగా 3 ఫ్యాటీ ఆమ్లాలు అధికంగా ఉండే మాకరెల్, సాల్మన్, హెర్రింగ్, లేక్ ట్రౌట్, సార్డిన్స్, అల్బాకోర్ ట్యూనా రకానికి చెందిన చేపలను తీసుకుంటే మంచిదని నిపుణులు తెలుపుతున్నారు. అలాగే.. వారంలో కనీసం రెండుసార్లు చేపలను తీసుకుంటే మంచి ఫలితం ఉంటుందట. లేదా వారానికి కనీసం 100 గ్రాముల వరకు ఉడకబెట్టిన, లేదా వేయించిన (గ్రిల్లింగ్) చేపలను తినడం ఉత్తమం.

Read Also: ‘నా భార్యంటే ఇష్టమే.. కానీ, ఆమెను చూస్తుంటే మూడ్ రావడం లేదు’

ముఖ్య గమనిక: ఈ సమాచారం కేవలం మీ అవగాహన కోసమే అందించాం. పలు అధ్యయనాల్లో తేలిన అంశాలను మీకు తెలియజేయడానికే ఈ కథనం. ఇది అర్హత కలిగిన వైద్యుల అభిప్రాయానికి ప్రత్యామ్నాయం అస్సలు కాదు. వీటిని మీ డైట్‌లో చేర్చుకోవాలని నిర్ణయించుకున్నా లేదా మరింత సమాచారం తెలుసుకోవాలన్నా తప్పకుండా వైద్యులను, ఆహార నిపుణులను సంప్రదించాలని మనవి. ఈ సమాచారానికి ‘సమయం తెలుగు, టైమ్స్ ఆఫ్ ఇండియా’ ఎటువంటి బాధ్యత వహించదని గమనించగలరు.