హై లెవల్ కొలెస్ట్రాల్‌తో వచ్చే సమస్యలు..
- హై బీపి
- కరోనరీ హార్ట్ డిసీజ్
- స్ట్రోక్, పెరిపెరల్ వాస్కులర్ డిసీజ్
- ఇది డయాబెటీస్‌తో ముడిపడి ఉంది.
అవును, మీరు మీ రక్తంలో కొవ్వు ఉందని గుర్తించాక దానిని అనేక మార్గాల్లో తగ్గించొచ్చు. కొలెస్ట్రాల్ స్థాయిని సాధారణ స్థాయికి తీసుకురావడానికి ఓ వ్యక్తికి సాయపడే అనేక సహజ, ఔషధేతర మార్గాలు సూచించబడుతున్నాయి.
లైఫ్‌స్టైల్ చేంజెస్, బరువుపై కంట్రోల్ అనేవి వ్యక్తి రక్తంలో కొలెస్ట్రాల్ స్థాయిని సహజంగా తగ్గించగల అంశాలలో ఒకటని పరిశోధనలు చెబుతున్నాయి.
ఏం తినాలంటే..
అదే విధంగా ఆహారం. మీరు తినే ఆహారాన్ని గమనించకపోతే కచ్చితంగా వ్యాధులను కొని తెచ్చుకున్నట్లే. ఆహారంలో ఎక్కువగా సీజనల్ ఫ్రూట్స్, కూరగాయలను యాడ్ చేయండి. తినే ఆహారాన్ని తక్కువ మోతాదులో తీసుకునే ప్రయత్నం చేయండి. ప్రతి భోజనం ఇంపార్టెంట్ అని గుర్తుపెట్టుకోండి.
చెడు కొవ్వు, అన్ సీజనల్ ఫుడ్ని కచ్చితంగా అవాయిడ్ చేయాలి. ప్రాసెస్డ్ ఫుడ్ అస్సలు వద్దు. ఇంట్లో తాజా పదార్థాలతో వండిన వంటనే తీసుకోవాలి. వెజిటేబుల్స్, ఓట్స్, హోల్ గ్రెయిన్స్, బీన్స్, బెండ, నట్స్, వెజిటేబుల్ ఆయిల్స్, పండ్లని డైట్‌లో తీసుకోవాలి.
Also Read : Kidney Health : వీటిని తింటే కిడ్నీలకు చాలా మంచిదట..
వర్కౌట్..
వర్కౌట్ కూడా చాలా ముఖ్యమని గుర్తుపెట్టుకోండి. వర్కౌట్ చేయడం వల్ల రోజంతా ఫిజికల్లీ యాక్టివ్‌గా ఉంటారు. అదే విధంగా కొవ్వు పెరగకుండా ఉంటుంది. యోగా, జిమ్ ఇలా ఏ రకమైన వర్కౌట్ అయినా మీ శరీరానికి మేలు చేస్తుందని గుర్తుపెట్టుకోండి.
ఒక్కసారి మీ రక్తంలో కొలెస్ట్రాల్ ఉందని గుర్తించాకా.. దానిని రెగ్యులర్‌గా చెక్ చేసుకోవడం ముఖ్యం. ఇది కచ్చితంగా గమనించాల్సిన విషయం. మీరు ఎన్ని విధాలుగా ప్రయత్నించినా.. మీ రక్తంలో కొలెస్ట్రాల్ నియంత్రణలో లేదని అనుకుంటే వెంటనే డాక్టర్‌ని కన్సల్ట్ అవ్వండి. ట్రీట్‌మెంట్ తీసుకోండి.
Also Read : Money Saving Zodiac signs : వచ్చే రోజుల్లో ఈ రాశి వారు డబ్బు సంపాదిస్తారట..
బరువు చెక్ చేసుకోవడం..
ఇది చాలా మందికి పెద్ద టెన్షన్. బరువు ఎక్కువగా ఉండడం ఓ సాధారణ, తీవ్రమైన సమస్య. మీ బరువు కంట్రోల్‌లో ఉండాలి. పెరగనివ్వద్దు. ఎప్పుడు కూడా బరువుపై ఓ కన్నేసి ఉంచాలి. దీని కోసం మీ ఆహారాన్ని చెక్ చేసుకోవాలి. ఫైబర్ ఫుడ్ తీసుకోవడం వల్ల త్వరగా కడుపు నిండినట్లుగా అవ్వడమే కాకుండా.. ఎక్కువ సేపు ఆకలి అవ్వకుండా ఉంటుంది. కాబట్టి ఆ ఫుడ్ని రెగ్యులర్‌గా తినడానికి ట్రై చేయండి.
వ్యసనాలకి దూరంగా..
మీరు రెగ్యులర్‌గా పొగత్రాగడం, ఆల్కహాల్ తీసుకోవడం చేస్తుంటే.. మీకు ఎంత వీలైతే అంతగా ఆ అలవాటుని దూరం చేసుకోండి. పొగత్రాగే అలవాటు బాడీలో ఉండే చెడు కొలెస్ట్రాల్‌ని పెంచి మంచి కొలెస్ట్రాల్ తగ్గేలా చేస్తుంది. పొగను పీల్చడం కూడా బాడీలో చెడు కొలెస్ట్రాల్ పెరిగేలా చేస్తుందని తెలుసా. కాబట్టి వీటికి దూరంగా ఉండడం మంచిది.
Also Read : Healthy Flour : మైదా పిండి బదులు వీటిని వాడితే చాలా మంచిదట..
ఆనందంగా ఉండడం..
మనసుని ప్రశాంతంగా ఉంచుకోవడం వల్ల ఎన్నో లాభాలు ఉన్నాయి. రోజులో కొంత సమయం నవ్వడం వల్ల చాలా వరకూ హెల్త్ ప్రాబ్లమ్స్ దూరమవుతాయి. ఆనందం, సంతృప్తిని ఎప్పుడు కూడా తక్కువ అంచనా వేయొద్దు.
రోజులో కొద్ది సేపే అయినా, కొన్ని గంటలు మాత్రమే అయినా నవ్వడం, నవ్వించే కార్యక్రమాల్లో మునిగిపోండి. అది ఏ అకేషన్ అయినా సరే.. వాటిని మిస్ చేసుకోవద్దు.
హై కొలెస్ట్రాల్ గురించి అన్ని విషయాలు కూడా తెలుసుకోవడం చాలా ముఖ్యం. అపోహలను నమ్మొద్దు. ఆచరణలో పెట్టడానికి ముందు అవి నిజమైనవా కాదా తెలుసుకోండి. హై కొలెస్ట్రాల్‌తో సంబంధం ఉన్న అనేక అపోహలు ఉన్నాయి. వీటి గురించి పూర్తిగా తెలుసుకోండి. నిపుణుల సలహాలు తీసుకోండి. ఆ తర్వాత ఆరోగ్యకరమైన జీవన శైలిని పాటించండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.