‘స్వయంతృప్తి’ నుంచి బయటపడేదెలా?

యుక్త వయసులో హస్త ప్రయోగం ద్వారా స్వయంతృప్తి పొందడం అనేది సాధారణంగా జరిగేదే. లైంగిక వాంఛలను తీర్చుకోవడం కోసం చాలా మంది దీనికి అలవాటు పడతారు. కొందరు వారానికి మూడు నుంచి ఏడుసార్లు స్వయంతృప్తి పొందితే.. మరి కొందరు రోజుకు ఒకట్రెండుసార్లు చేస్తుంటారు. వయసు పెరిగే కొద్దీ వారంలో స్వయంతృప్తి పట్ల ఆసక్తి తగ్గుతుంది. కొందరు మాత్రం ఈ అలవాటు నుంచి బయటకు రాలేక ఇబ్బంది పడుతుంటారు. దానికి దాదాపు బానిసగా మారిపోతారు. వారానికి ఏడు లేదా ఎనిమిది సార్లకంటే ఎక్కువగా హస్త ప్రయోగం చేస్తే దానికి బానిసగా మారినట్లేనని పరిశోధకులు వెల్లడిస్తున్నారు.

మెదడులోని డొపమైన్, ఎండార్ఫిన్లు ఈ అడిక్షన్‌కు కారణం అవుతాయి. డొపమైన్ ద్వారా లైంగిక ఆనందం లభిస్తే.. ఎండార్ఫిన్లు అనే హార్మోన్లు ఒత్తిడిని తొలగిస్తాయి. ఫలితంగా హస్త ప్రయోగం చేయకుండా ఉండలేని స్థితికి చేరుకుంటారు. మరి ఈ అలవాటు నుంచి బయట పడాలంటే ఏమేం చేయాలి..

- స్వయంతృప్తి ఆలోచనల నుంచి బయటకు రావడం కోసం ఇతర వ్యాపకాలపై దృష్టి సారించండి.
- ఆటలు ఆడండి, క్రియేటివ్‌గా ఆలోచించండి, ఆరోగ్యకరమైన ఆహరం తీసుకొండి. తగినంతగా నిద్రపోండి.
- ఏకాంతంగా గడిపే సమయాన్ని తగ్గించుకోండి.
- పోర్న్ వీడియోలు చూడటం లాంటి అలవాట్లను మానుకోండి.
- పండ్లు, కూరగాయలు తినడాన్ని పెంచుకోండి.
- అవసరం అనుకుంటే కౌన్సెలింగ్ తీసుకోండి.
- నిరంతరం ఉత్సాహంగా ఉండండి.