అంగస్తంభన సమస్యలకు వెల్లుల్లితో చెక్ పెట్టండిలా!

అంగస్తంభన సమస్యలు... మగాళ్లు సాధారణంగా ఎదుర్కొనే శృంగార సమస్య ఇది. కలయిక సమయంలో ఎక్కువ సేపు అంగం స్తంభించకపోవడమే ఈ సమస్య. చాలా మంది డాక్టర్లతోనూ ఈ ప్రాబ్లం గురించి చెప్పుకోవడానికి ఇబ్బంది పడతారు. ఈ సమస్య వల్ల శృంగారం పట్ల ఆసక్తి తగ్గిపోతుంది. భాగస్వామి తన గురించి ఏమనుకుంటోదననే భయం వెంటాడుతుంది. వంధ్యత్వం, అంగస్తంభన సమస్యలకు హోం రెమిడీస్ ఉన్నాయి. వెల్లుల్లితో సహజంగానే అంగస్తంభన సమస్యల నుంచి బయటపడొచ్చు.

అంగ స్తంభన సమస్యలు శారీరక, మానసిక సంబంధమైన సమస్య. దీనికి డయాబెటిస్, గుండె జబ్బులు, శరీరంలో కొలెస్ట్రాల్ స్థాయిలు ఎక్కువ కావడం తదితర సమస్యలు కారణం కావొచ్చు.

వెల్లుల్లిలోని పాలీసల్ఫైడ్లు హెచ్2ఎస్ ఉత్పత్తిని పెంచుతాయి. ఫలితంగా రక్త నాళాలు రిలాక్సై రక్తపోటు తగ్గి, గుండె ఆరోగ్యం మెరుగవుతుందని యూనివర్సిటీ ఆఫ్ అలాబామా పరిశోధకులు తెలిపారు. రక్త ప్రసరణ మెరుగవడం ద్వారా వ్యంధత్వ సమస్య నియంత్రణలో ఉంటుందని వారు చెప్పారు.

వెల్లుల్లిలోని అల్లిసిన్ రక్త ప్రసరణను మెరుగుపరుస్తుంది. వెల్లుల్లి కొలెస్ట్రాల్ స్థాయిలను తగ్గించి, బీపీని నియంత్రణలో ఉంచుతుంది. హైబీపీ, కొలెస్ట్రాల్ ఎక్కువగా ఉండటం వల్ల రక్త ప్రసరణకు ఆటంకం కలుగుతుంది. ఫలితంగా వ్యంధత్వం తలెత్తుతుంది.

ఇంతకూ వెల్లుల్లిని ఎలా తీసుకోవాలో చెప్పలేదూ.. అనుకుంటున్నారా? రోజూ 3-4 పచ్చి వెల్లుల్లి రెబ్బలను నమిలేస్తే సరి. అలా కష్టం అంటారా? అయితే 1-2 వెల్లుల్లి రెబ్బలను టీ స్పూన్ తేనెలో కలిపి పరిగడుపునే తీసుకుంటే ఫలితం ఉంటుంది. ఇలా మూడు నాలుగు నెలలు చేస్తే సమస్య పరిష్కారం అవుతుంది. వెల్లుల్లి పడని వారు ఈ చిట్కా పాటించకపోవడం ఉత్తమం.