మా ఆవిడ పట్ల ఆకర్షణ కలగడం లేదు!

ప్రశ్న: హాయ్, నేను గత 8 ఏళ్లుగా విదేశాల్లో పని చేస్తున్నాను. ఇటీవలే నాకు పెళ్లయ్యింది. కానీ నా భార్య పట్ల ఎలాంటి లైంగిక వాంఛలు కలగడం లేదు. తను నన్ను ఇష్టపడుతోంది. కానీ తనంటే నాకు అంత ఎగ్జయిట్‌మెంట్ కలగట్లేదు. పెళ్లికి ముందే ఆఫీస్‌లో నాతోపాటే పని చేసే అమ్మాయిలతో నాకు లైంగిక సంబంధాలున్నాయి. నేను సెక్స్‌కు అడిక్ట్ అయ్యానని భావిస్తున్నా. ఎక్కువగా శృంగారంలో పాల్గొనడం అంటే నాకిష్టం. కానీ మా ఆవిడ పట్ల ఆకర్షణ కలగట్లేదు. నేను తనకు దూరంగా ఉందామని భావిస్తున్నా. కానీ సమాజానికి భయపడి, తల్లిదండ్రులను దృష్టిలో ఉంచుకొని నా భార్య అందుకు సిద్ధంగా లేదు. నేనేం చేయాలో సలహా ఇవ్వండి. - పేరు రాయలేదు.

సమాధానం: దాంపత్య జీవితం గురించి మీరు ఒత్తిడికి గురవుతున్నట్లుగా స్పష్టం అవుతోంది. వివాహేతర సంబంధాలు కూడా మీ బంధంపై ప్రభావం చూపుతున్నాయి. శారీరకంగా ఏకం కాని పరిస్థితుల్లోనూ కొందరు కలిసి ఉండగలరు. కానీ అందుకు కమిట్‌మెంట్‌తోపాటు చక్కటి కమ్యూనికేషన్ అవసరం. కానీ మీ బంధంలో అదే కొరవడింది. మీ ఆలోచనలు, ఫీలింగ్స్‌ను తనతో పంచుకున్నప్పుడే ఇద్దరి మధ్య అనుంబంధం పెరుగుతుంది. ఇద్దరి మధ్య లైంగిక అనుంబంధం కంటే మానసిక అనుబంధం ఏర్పడటం ఎంతో అవసరం.

మానసిక సంఘర్షణ కారణంగా మీ ఆవిడతో లైంగిక చర్యలో పాల్గొనలేకపోతున్నారు. బయటి వ్యక్తులతో లైంగిక అనుంబంధం కారణంగా మీరు సెక్స్‌కు అడిక్ట్ అయ్యానని భావిస్తున్నారు. మీరు మీ భయాలను వదిలి తనకు దగ్గరయ్యేందుకు ప్రయత్నించండి. తన పరిస్థితిని కూడా అర్థం చేసుకునేందుకు ప్రయత్నించండి. ఈ విషయంలో నిపుణులను సంప్రదించడం మంచిది.

సమాధానం ఇచ్చినవారు: - Zankhana Joshi, counselling psychologist, Mumbai.