ఆ ప్రాంతాన్ని సబ్బుతో క్లీన్ చేస్తున్నారా.. జాగ్రత్త..

ప్రైవేట్ పార్ట్స్‌ని క్లీన్‌గా ఉంచుకోవడం చాలా ముఖ్యం. మురికి, హానికరమైన బ్యాక్టీరియా చెమటని క్లీన్ చేసి అక్కడ తమ హెల్దీ బ్యాక్టీరియా, తేమని ఉంచుకోవడం చాలా మంచిది. దీని వల్ల యోని హెల్దీగా ఉంటుంది. మరి దీనికోసం లోషన్స్, సబ్బులు మాత్రమే వాడాలనేది ఏం లేదు. కారణం. మన బాడీ దానంతటా అది క్లీన్ చేసుకునే కెపాసిటీ కలిగి ఉంది.

మామూలు సమయాల్లో కంటే పీరియడ్స్ టైమ్‌లో పరిశుభ్రత మరింత ముఖ్యమైనది. దీని ఆధారంగా ప్యాడ్స్, టాంపాన్స్, మెనుస్ట్రవల్ కప్స్‌ని రెగ్యులర్‌గా మారుస్తూ ఉండాలి. ఈ ప్రాంతంలో సబ్బులు వాడడం పీరియడ్స్‌పై ఎఫెక్ట్ చూపిస్తుంది. ఎందుకంటే అందులోని పదార్థాలు అలాంటి గుణాన్ని కలిగి ఉంటాయి.

ఇది బ్యాక్టీరియల్ ఇన్ఫెక్షన్ అవకాశాలను పెంచుతుంది. అంతేకాకుండా, యోని ప్రాంతాన్ని సబ్బుతో క్లీన్ చేయడం వల్ల హెల్దీ బ్యాక్టీరియా పీహెచ్ లెవల్స్ కూడా మారతాయి. దీంతో ఇన్ఫెక్షన్లు సోకి అనారోగ్య సమస్యలు తలెత్తుతాయి.
​Also Read : ఈ రెండింటిని కలిపి తీసుకుంటే లివర్ క్లీన్ అవుతుందట..​

సబ్బులని వాడడం వల్ల ఆ ప్రాంతాన్ని సహజంగా క్లీన్ చేయడంలో ఇబ్బంది, దురద, మంట, పొడిబారడం వంటి ప్రమాదాలు కూడా పెరుగుతాయి.

ఇది తనంతట తానే క్లీన్ చేసుకునే శక్తిని కలిగి ఉంటుంది. కాబట్టి, ఇలాంటి కృత్రిమ శుభ్రపరిచే పద్ధతులు వల్వా, యోనిని సరిగ్గా క్లీన్ చేస్తాయని ఎలాంటి ఆధారాలు లేవు. కొన్ని సార్లు ఇలాంటి అలవాటు మంచి కంటే ఎక్కువగా హాని చేస్తాయి. అందుకే, ఆ ప్రాంతాన్ని గోరువెచ్చని నీటితో క్లీన్ చేస్తే సరిపోతుంది. అవసరమైతే మాత్రమే తేలికపాటు సబ్బుని వాడండి. యోని నుంచి దుర్వాసన వస్తుంటే దానిని సబ్బులు, లోషన్లతో పోగొట్టుకోవాలనుకోవద్దు. దీనికోసం డాక్టర్‌ని కలిసి వారి సలహాలు, సూచనలని కూడా తీసుకోవచ్చు. తరచుగా ఇది సంక్రమణ కారణాల వల్ల వస్తుంది.
​Also Read : World Menstrual Hygiene Day 2023 : మెనుస్ట్రువల్ కప్స్ వాడితే శృంగారం చేయలేరా..​

యోని పరిశుభ్రంగా ఉంచేందుకు మనం కొన్ని పాటించాల్సిన జాగ్రత్తలు ఉన్నాయి. పీరియడ్స్ టైమ్‌లో, ఆ తర్వాత, శృంగారం తర్వాత శుభ్రమైన నీటితో ఆ ప్రాంతాన్ని కడగాలి. ఏదైనా వాష్‌లు, లోషన్స్, సబ్బులు వాడాలనుకుంటే అవి సహజ పీహెచ్ బ్యాలెన్స్‌కి ఎలాంటి ఇబ్బంది లేకుండా ఉండాలి. విపరీతంగా చెమట వచ్చే వారు. దానిని పూర్తిగా నీటితో క్లీన్ చేస్తే చాలు.

మీరు మెనుస్ట్రవల్ కప్ వాడితే ప్రతి 12 గంటలకి ఓ సారి క్లీన్ చేయాలి. కాటన్ శానిటరీ ప్యాడ్స్ వాడడం మంచిది. ప్రతి నాలుగు గంటలకి ఓసారి మార్చాలి. ఈ ప్రాంతాన్ని తేమ లేకుండా ఉంచడం చాలా మంచిది.

​​​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
​​​​​​Read More : Health News and Telugu News