ఫ్రిజ్‌లో పెట్టిన అరటిపండ్లు తినొద్దు.. ఎందుకంటే..

ప్రతి ఒక్కరికీ ఆరోగ్యాన్నిచ్చే అరటిపండ్లు ప్రతి ఒక్కరికీ అందుబాటులో ఉంటాయి. వీటిని తినడం ఆరోగ్యానికి ఎంతో మంచిదని చెబుతారు. అరటిపండులో విటమిన్స్, మినరల్స్, ఫైబర్, పొటాషియం ఇలా ఎన్నో పోషకాలు ఉంటాయి. వీటిని తినడం వల్ల చాలా వరకూ ఎన్నో సమస్యలు దూరం అవుతాయి.

Also Read : కౌగిలించుకుంటే ఆరోగ్యంగా ఉంటారట..

అరటిలోని గొప్ప గుణాలపై పరిశోధనలు చేసిన శాస్త్రవేత్తలు.. ఎన్నో కొత్త విషయాలను చెబుతున్నారు. అవును.. గుండె సమస్యలతో బాధపడేవారు అరటిపండుని తినడం మంచిదని చెబుతున్నారు. రోజుకి మూడు అరటిపండ్లు తింటే గుండె సమస్యలు చాలా వరకూ దూరమవుతాయని చెబుతున్నారు.

అరటిపండ్లు రెగ్యులర్‌గా తినడం వల్ల ఎన్నో లాభాలు ఉంటాయి. ముఖ్యంగా ఇందులోని ప్రత్యేక గుణాల, చక్కెర శాతం ఉండడం వల్ల మనకు రోజంతా ఎనర్జీని ఇస్తాయని చెబుతారు నిపుణులు. అందుకే వర్కౌట్ చేసే వారు ఈ పండ్లని తినడం చాలా మంచిదని చెబుతున్నారు. అరటిపండులో ఐరన్, హిమోగ్లోబిన్ శాతాలు ఎక్కువగా ఉంటాయి. వీటివల్ల రక్తహీనత సమస్యలు దూరం అవుతాయి. క్రమంగా శారీరక శక్తి స్థాయిలు మెరుగవుతాయి. ఇందులో పొటాషియం సమృద్ధిగా ఉంటుంది. అంతేకాకుండా, సోడియం నిక్షేపాలు కూడా ఎక్కువగా ఉంటాయి.

Also Read : మెంతులను ఇలా వాడితే షుగర్ ఇట్టే పోతుంది..

అరటిపండ్లలో ఎక్కువగా ఫైబర్ ఉంటుంది. వీటిని తినడం వల్ల చాలా వరకూ జీర్ణ సమస్యలు దూరం అవుతాయి. అందుకే వీటిని రెగ్యులర్‌గా తినాలని చెబుతుంటారు నిపుణులు. జీర్ణ సమస్యలతో బాధపడేవారు వీటిని తినడం వల్ల జీర్ణ క్రియ మెరుగ్గా మారి జీర్ణ సమస్యలు దూరం అవుతాయి. అంతేనా వీటిని తినడం వల్ల మీ కొలెస్ట్రాల్ స్థాయిలు కూడా సరిగ్గా ఉండి బరువు తగ్గుతారు.

చాలా రకాల పండ్లు, కూరగాయలు ఎక్కువ రోజులు తాజాగా ఉండేందుకు ఫ్రిజ్‌లో పెడుతుంటాం. అలానే చాలా మంది అరటిపండ్లని కూడా పెడుతుంటారు. ఇలా చేయడం అంత మంచిది కాదని చెబుతున్నారు నిపుణులు.

Also Read : వెన్నునొప్పిని తగ్గించే ఎఫెక్టివ్ చిట్కా...

అరటి పండ్లని ఫ్రిజ్‌లో పెట్టకూడదని చెబుతున్నారు నిపుణులు. ఎందుకంటే ఈ పండ్లు మగ్గడానికి పొడి వాతావరణం అవసరం. అందుకని వాటిని ఫ్రిజ్‌లో అస్సలు పెట్టకూడదు. అంతేకాదు, ఫ్రిజ్‌లో పెట్టడం వల్ల పండ్లు సరిగా పండవు. అంతేనా.. పై తొక్కు నల్లగా మారిమారిపోయి పండు రుచి తగ్గిపోతుంది.