దిండు కింద ఏలకులు ఉంచి నిద్రపోతే...

మన చుట్టూ ఉన్న ప్రపంచం వేగంగా సాగుతున్నట్లు అనిపిస్తుంది. అలాగే ప్రస్తుతం ఉన్న 24 గంటల సమయం కూడా మనకు సరిపోదు. ఉరుకుల పరుగల జీవనంలో వృత్తి, వ్యక్తిగత జీవితం మధ్య సమన్వయం సాధించడానికి నిరంతం పోరాటం తప్పడం లేదు. ఈ రెండింటి మధ్య సమతౌల్యత సాధించే క్రమంలో నిద్రకు తీవ్ర భంగం కలుగుతుంది. కానీ ప్రతి ఒక్కరికీ కనీసం 8 గంటల నిద్ర అవసరం. అది కూడా ప్రశాంతమైంది. ఇది అందరికీ సాధ్యం కాదు. కానీ కొన్ని చిట్కాలను, సూచనలను పాటించడం ద్వారా భంగం కలగకుండా ప్రశాంతంగా నిద్రపోవచ్చు.

రాత్రి నిద్రపోయే సమయంలో కొన్ని ఏలకులను వస్త్రంలో చుట్టి దిండుకు దగ్గరగా ఉంచితే పీడకలలు, రాత్రిపూట భయాన్ని నిరోధించవచ్చు.

నిద్రపోయేటప్పుడు దక్షిణం వైపు తల, ఉత్తరం దిక్కునకు కాళ్లు ఉండేలా చూసుకోవాలి. దీని వల్ల సుఖ నిద్రతోపాటు వచ్చిన కలలు కూడా నిజమవుతాయి.

నిద్రకు ముందు ఇష్టదైవం లేదా ఇష్టమైన మంత్రాలను ఉచ్ఛరిస్తే ప్రశాంతమైన నిద్ర ఖాయం.

రాగి పాత్రలో నీరు నింపి రాత్రిపూట దిండు పక్కన ఉంచి, ఉదయాన్నే ఆ నీటిని మొక్కలకు పోయడం వల్ల శుభఫలితం ఉంటుంది.

పడకగది లేదా మంచానికి సమీపంలో చెత్త బుట్ట, షూ, చెప్పుల స్టాండ్ ఉండకుండా చూసుకోవాలి. పడకగది చిందర వందరగా ఉంటే ఇంట్లో ప్రతికూలతలను పెంచుతుంది.