ajwain
ఎసిడిటీ దూరం అవుతుంది..
పబ్మెడ్‌లో ప్రచురించిన ఒక నివేదిక ప్రకారం, ఆయుర్వేదంలో వామును జీర్ణ సమస్యలను దూరం చేయడానికి ఔషదంలా వాడతారు. మీరు మలబద్ధకం, కడుపు నొప్పి, గ్యాస్‌, ఎసిడిటీతో బాధపడుతుంటే.. ప్రతిరోజూ ఉదయం ఖాళీ కడుపుతో వాము నీళ్లు తాగండి. వాములో గ్యాస్ట్రిక్ యాసిడ్‌, జీర్ణక్రియను మెరుగుపరిచే ఎంజైమ్‌లు ఉన్నాయని ఓ అధ్యయనం స్పష్టం చేసింది. జీర్ణక్రియకు సంబంధించిన ఇన్ఫెక్షన్లను నివారించడానికి వాము నీళ్లు ఔషధంలా పనిచేస్తాయి. విరోచనాలతో బాధపడుతున్నవారు వాము నీళ్లను తాగితే ఉపశమనంగా ఉంటుంది. వాము జీర్ణశక్తిని మెరుగుపరిచి ఆకలిని పెంచుతుంది. కడుపు నొప్పిని తగ్గిస్తుంది.
కొలెస్ట్రాల్ కరుగుతుంది..
వాము నీరు చెడు కొలెస్ట్రాల్ (LDL) స్థాయిలను కంట్రోల్‌లో ఉంచుతుంది. మొత్తం కొలెస్ట్రాల్, ట్రైగ్లిజరైడ్, చెడు కొలెస్ట్రాల్‌ను తగ్గించడంలో వాము వాటర్‌ ఎఫెక్టివ్‌గా పని చేస్తుందని ఎలుకలపై చేసిన ఓ అధ్యయనంలో కనుగొన్నారు. వాము వాటర్‌ తాగితే గుండెకు మేలు చేసే.. మంచి కొలెస్ట్రాల్ స్థాయి పెరుగతుంది. వాములో ఉండే నియాసిన్ గుండె సంబంధిత సమస్యలు దరిచేరకుండా కాపాడుతుంది. కొంచెం వామును నీళ్లలో వేసి మరిగించి రోజూ పరగడుపున తాగితే గుండె సంబంధిత వ్యాధులు రాకుండా ఉంటాయి.
బీపీ కంట్రోల్‌లో ఉంటుంది..
హెపర్‌టెన్షన్‌ గుండె సమస్యల ప్రమాదాన్ని పెంచుతుంది. హైపర్‌టెన్షన్‌తో బాధపడేవారు వాము నీళ్లు తాగితే.. బీపీ కంట్రోల్‌లో ఉంటుందని నిపుణులు చెబుతున్నారు. వాము గుండెలోకి కాల్షియం ప్రవేశించకుండా నిరోధిస్తుంది. వాము రక్త నాళాలను విస్తరిస్తుంది.. ఇది బీపీని ఆదుపలో ఉంచుతుంది.
ఊపిరితిత్తులకు మంచిది..
వాము ఊపిరితిత్తులు మెరుగ్గ పని చేయడానికి సహాయపడుతుంది. ఈ కాలంలో ఎక్కువ మంది జలుబుతో బాధపడతారు. జలుబుతో బాధపడేవారు వామును ఓ వస్త్రంలో కట్టి వాసన పీలిస్తే ఉపశమనంగా ఉంటుంది.వాములో ఉండే యాంటీ బ్యాక్టీరియల్, యాంటీ ఫంగల్.. మొదలైన గుణాల వల్ల దగ్గు, ఆస్తమా.. వంటి ఆరోగ్య సమస్యల నుంచి విముక్తి కలుగుతుంది.
నోరు శుభ్రంగా ఉంటుంది..
వాము నూనెను టూత్‌పేస్ట్‌ల్లో, మౌత్ వాష్‌ల్లో వాడతారు. ఇది నోటిలోని బ్యాక్టీరియాతో పోరాడి నోటి నుంచి దుర్వాసన రాకుండా చేస్తుంది. అలాగే కొద్దిగా వామును నోట్లో వేసుకుని నమిలినా మంచి రిజల్ట్‌ ఉంటుంది.
బరువు తగ్గుతారు..
శరీరంలో కొవ్వును కరిగించడానికి వాము వాటర్‌ ఎఫెక్టివ్‌గా పనిచేస్తాయి. స్థూలకాయం, అధిక బరువు సమస్యతో బాధపడేవారు వారి డైట్‌లో వాము చేర్చుకోండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.