ఫుడ్‌ పాయిజన్‌..
చికెన్ పై సాల్మొనెల్లా, క్యాంపీలోబాక్టెర్‌ బ్యాక్టీరియా ఉంటాయి. అందుకే దీన్ని తీసుకువచ్చిన రెండు మూడు గంటల్లో వండుకోవాలి. అలా కాకుండా ఫ్రిజ్‌లో పెట్టి కొద్దికొద్దిగా వండుకుంటూ ఉంటే ఈలోగా ఈ బ్యాక్టీరియా పెరిగి పాయిజనింగ్‌ అవుతుందిఆస్పత్రి . ఇది డయేరియా, నిమోనియా, ఊపిరి ఆడని సమస్యలకు కూడా దారితీస్తుంది.
బరువు పెరుగుతారు..
ప్రతిరోజూ చికెన్ తింటే.. త్వరగా బరువు పెరుగుతారని నిపుణులు చెబుతున్నారు. చికెన్‌లో ప్రోటీన్‌ ఎక్కవగా ఉంటుంది.. శరీరం బర్న్‌ చేయలేని అదనపు ప్రొటిన్‌.. కొవ్వు రూపంలో నిల్వ ఉంటుంది. దీనివల్ల త్వరగా బరువు పెరుగుతారు. ఒక అధ్యయనం ప్రకారం, మనం తీసుకునే డైట్‌కు, బరువు మధ్య సంబంధం ఉంటుంది. శాఖాహారుల కంటే నాన్-వెజ్ తినే వారి శరీర ద్రవ్యరాశి ఎక్కువగా ఉంటుంది.
క్యాన్సర్‌ ముప్పు..
చికెన్ ఎప్పుడు తిన్నా కర్రీలా చేసుకొని తినడం మేలు. చికెన్ ఫ్రై ఎక్కువగా తింటే.. క్యాన్సర్‌ ముప్పు పెరుగుతుందని నిపుణులు హెచ్చరిస్తున్నారు. ఎక్కువగా ఫ్రై తినవారికి.. క్యాన్సర్‌ ముప్పు ఇంకా ఎక్కువగా ఉంటుంది.
యూరిక్ యాసిడ్‌ పెరుగుతుంది..
శరీరంలో యూరిక్ యాసిడ్‌ మోతాదు మించితే కడుపులో మంట, కిడ్నీలో రాళ్లు, మోకాళ్ల నొప్పులు, కీళ్ల నొప్పులు, చేతుల వేళ్లు వాపు, మూత్రపిండాల సమస్యలు వచ్చే అవకాశం ఉంది. యూరిక్ యాసిడ్‌... మన శరీరం సహజంగా విసర్జించే వ్యర్థ పదార్థాల్లో ఇది కూడా ఒకటి. ఇది ఎప్పటికప్పుడు మూత్రం ద్వారా బయటకు వెళ్లిపోతుంది. అయితే విసర్జన సరిగా జరగకపోయినప్పుడు యూరిక్ యాసిడ్‌ రక్తంలోనే నిలిచిపోతుంది. క్రమంగా ఇవి స్ఫటికాలుగా మారి కీళ్లు, కీళ్ల చుట్టూ ఉండే కణజాలాల్లో పేరుకుపోతాయి. చికెన్ ఎక్కువగా తీసుకుంటే.. యూరిక్ యాసిడ్‌ సమస్య వచ్చే ప్రమాదం ఉందని నిపుణులు అంటున్నారు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.