Head and Neck Cancer: ఈ అలవాటు మానుకుంటే..హెడ్‌ అండ్‌ నెక్‌ క్యాన్సర్స్‌ ముప్పు తగ్గుతుంది..!

Head and Neck Cancer: హెడ్‌ అండ్‌ నెక్‌ క్యాన్సర్స్‌.. ప్రపంచవ్యాప్తంగా వచ్చే ఏడవ అత్యంత సాధారణ క్యాన్సర్‌. హెడ్‌ అండ్‌ నెక్‌ క్యాన్సర్స్‌ రావడానికి కారణాలు, దీన్ని ఎలా నివారించాలి, చికిత్స విధానం గురించి DR. స్నితా సినుకుమార్ మనకు వివరించారు.

Authored byరాజీవ్ శరణ్య | Samayam Telugu 2 Feb 2023, 12:23 pm

Head and Neck Cancer: హెడ్‌ అండ్‌ నెక్‌ క్యాన్సర్స్‌.. ప్రపంచవ్యాప్తంగా వచ్చే ఏడవ అత్యంత సాధారణ క్యాన్సర్‌. మన దేశంలోనూ తల, మెడ క్యాన్సర్‌ కేసులు ఎక్కువ అవుతున్నాయి. తల భాగంలోని శ్వాస–జీర్ణ సంబంధ వ్యవస్థలో వచ్చే క్యాన్సర్స్‌ను హెడ్‌ అండ్‌ నెక్‌ క్యాన్సర్‌ అంటారు. దీనిలో పెదవులు, నోరు, చిగుర్లు, నాలుక, నేసల్‌ క్యావిటీ (ముక్కు భాగం), ఫ్యారింగ్స్, స్వరపేటిక, సైనస్‌లు, థైరాయిడ్‌ గ్రంధి వంటి భాగాలలో క్యాన్సర్స్‌ హెడ్‌ అండ్‌ నెక్‌ కిందికి వస్తాయి. హెడ్‌ అండ్‌ నెక్‌ క్యాన్సర్స్‌ రెండు రకాలు ఉంటాయి.. ఓరల్‌ కేవిటీ, ఫెయిరింగ్స్‌. క్యాన్సర్‌ పెదాలు, బుగ్గలు, నాలుక, నోరుకు వ్యాపిస్తే ఓరల్‌ కేవిటీ అంటారు. ఫెయిరింగ్స్‌ ట్యూబ్‌ ఆకారంలో ముక్కు, నోరు, గొంతు వరకు విస్తరిస్తుంది. హెడ్‌ అండ్‌ నెక్‌ క్యాన్సర్స్‌ రావడానికి కారణాలు, దీన్ని ఎలా నివారించాలి, చికిత్స విధానం గురించి DR. స్నితా సినుకుమార్ మనకు వివరించారు. ( DR. Snita sinukumar, Ms, MCH, consultant surgical oncologist, Jehangir Hospital)

know the symptoms and causes of head and neck cancer — Head and Neck Cancer: ఈ అలవాటు మానుకుంటే..హెడ్‌ అండ్‌ నెక్‌ క్యాన్సర్స్‌ ముప్పు తగ్గుతుంది..!

హెడ్‌ అండ్‌ నెక్‌ క్యాన్సర్‌కు కారణాలు..

తల, మెడ క్యాన్సర్‌ రావడానికి అత్యంత సాధారణం కారణం పాన్‌, తంబాకు, జరా, పొగాకు, సిగరెట్ స్మోకింగ్‌ అలవాట్లు. ఈ క్యాన్సర్లలో దాదాపు 70% నుండి 80% పొగాకు వాడకంతో ముడిపడి ఉన్నాయి. సెకండ్‌హ్యాండ్ స్మోకింగ్‌ కారణంగానూ ముప్పు పెరుగుతుంది.
అతిగా మద్యం సేవించడం వల్ల కూడా ఈ క్యాన్సర్ల‌ ప్రమాదం పెరుగుతుంది.
నోటి శుభ్రత సరిగా లేకపోయినా
HPV, EBV వైరస్‌ల కారణంగానూ
జన్యుపరమైన కారణాలు
ఆహారంలో ఉప్పు ఎక్కువగా తీసుకున్నా.(image source - pexels)

ఎలాంటి లక్షణాలు ఉంటాయి..

తల, మెడలో ఎంతకూ మానని, తగ్గని బొబ్బలు ఏర్పడుతాయి.
నోటిలో అల్సర్లు ఏర్పడతాయి. కొంతకాలం తెల్లని లేదా ఎర్రని చారికలు నోట్లో ఉంటాయి.
ఎడతెగని దగ్గు, గొంతు బొంగురుపోవడం.
విపరీతమైన చెవి పోటు, తీవ్రమైన తలనొప్పి.
ఊపిరి పీల్చుకోవడం, ఆహారం మింగడంలో ఇబ్బంది.
నోటి నుంచి రక్తం రావడం
ఒక్కసారిగా బరువు తగ్గిపోవడం.
దవడల వాపు
తలనొప్పి
వినికిడిశక్తి తగ్గడం, చెవిపోటు... ఇలా క్యాన్సర్‌ కణితి పెరిగే ప్రదేశాన్ని బట్టి లక్షణాలు మారుతూ ఉంటాయి.

ఎలాంటి పరీక్షలు చేస్తారు..

లక్షణాలు అనుమానంగా ఉంటే.. బయాప్సీ, ఎమ్మారై, పెట్‌ స్కాన్‌ వంటి ఇమేజింగ్‌ ప్రక్రియలతో క్యాన్సర్‌ వచ్చిన భాగాన్ని పరీక్షించి స్టేజ్‌నూ, గ్రేడింగ్‌లను నిర్ధరణ చేస్తారు. (image source - pexels)

చికిత్స..

క్యాన్సర్‌ వచ్చిన భాగం, స్టేజ్, రోగి వయసు, ఆరోగ్యం వంటి అనేక అంశాల ఆధారంగా చికిత్స ఉంటుంది. మొదటి దశలో గుర్తిస్తే.. విజయవంతం అయ్యే ఛాన్సెస్‌ ఎక్కువగా ఉంటాయి.
స్టేజ్‌ 1 &2: స్టేజ్‌ 1, స్టేజ్‌ 2 లలో కనుగొంటే... కేవలం సర్జరీతోనే ఈ క్యాన్సర్‌కు శాశ్వత పరిష్కారం లభించవచ్చు. కొన్ని సార్లు రేడియోషన్‌ ఇస్తారు.
స్టేజ్‌ 3&4 – సర్జరీ, రేడియేషన్‌, కీమో థెరపీలు ఇస్తారు. (image source - pexels)

ఇలా నివారించండి..

పొగాకు ఉత్పత్తులకు దూరంగా ఉండాలి.
మద్యానికి దూరంగా ఉండాలి.
సమతుల్య, పోషకాహారం తీసుకోవాలి.
నోటిని శుభ్రంగా, ఆరోగ్యంగా ఉంచుకోవాలి.
వివాహేతర లైంగిక సంబంధాలకు దూరంగా ఉండాలి.
సూర్యు కిరణాలకు ఎక్కువగా గురికాకుండా చూసుకోవాలి.
హెచ్‌పీవీ వ్యాక్సిన్‌ తీసుకోవాలి. (image source - pixabay)గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.