నొప్పి ఎందుకొస్తుంది..?
నెలనెలా నెలసరి వచ్చినప్పుడల్లా గర్భాశయం లోపలి పొర కుంచించుకుపోతుంది. తద్వారా ప్రొస్టాగ్లాండిన్స్‌ అనే హార్మోన్లు విడుదలవుతాయి. ఇవి గర్భాశయ కండరాలను సంకోచానికి గురిచేసి ఆ భాగంపై ఒత్తిడి పడేలా చేస్తాయి. ఈ క్రమంలో గర్భాశయానికి రక్తప్రసరణ కూడా మందగిస్తుంది. ఈ పరిస్థితి ఫలితంగా నెలసరి సమయంలో పొత్తి కడుపులో నొప్పి వస్తుంటుంది. నెలసరి వచ్చినప్పుడు ఈస్ట్రోజన్, ప్రొజెస్టిరోన్ హార్మోన్ స్థాయిలు తగ్గుతాయి. ఫలితంగా కడుపు నొప్పి, మాటిమాటికీ కోపం రావడం, చిరాకు అధికమవుతాయి. హార్మోన్ల మార్పుల కారణంగా మూడ్ కూడా వెంట వెంటనే మారుతుంది.
లావెండర్‌ ఆయిల్‌
లావెండర్‌ ఆయిల్‌తో మీ పొత్తికడుపుపై మసాజ్‌ చేస్తే.. నెలసరి నొప్పి నుంచి మీకు ఉపశమనం లభిస్తుంది. లావెండర్‌ ఆయిల్‌లో ఉండే.. యాంటీ ఇన్ఫ్లమేటరీ లక్షణాల కారణంగా పీరియడ్‌ క్రాంప్స్‌ త్వరగా తగ్గుతాయి. నెలసరి సమయంలో అధిక రక్తస్రావం అయ్యే సమస్య ఉన్నవారు ఈ ఆయిల్‌తో మసాజ్‌ చేస్తే మీకు మంచి రిజల్ట్స్‌ ఉంటాయి. ఈ నూనె నొప్పి, గర్భాశయ సంకోచాలకు మధ్యవర్తిత్వం వహించే ప్రోస్టాగ్లాండిన్‌లను రిలాక్స్‌ చేస్తుంది. లావెండర్‌ ఆయిల్‌తో మసాజ్‌ చేస్తే మీ కండరాలు రిలాక్స్‌ అవుతాయి.
దాల్చిన చెక్క నూనె..
దాల్చినచెక్క మనం వంటల్లో ఎక్కువగా వాడతాం. శాస్త్రీయ చికిత్సల్లో దాల్చిన చెక్కను ఎన్నో వందల ఏళ్ల నుంచి వాడుతున్నారు. దాల్చిన చెక్క నూనె నెలసరి నొప్పిని తగ్గించడంలో ప్రభావవంతంగా పని చేస్తుంది. దాల్చిన చెక్కలో అనాల్జేసిక్ , యాంటీ-కోగ్యులేట్ ప్రాపర్టీలు పుష్కలంగా ఉంటాయి. ఇవి నెలసరి సమయంలో వచ్చే నొప్పులను తగ్గించడానికి సహాయపడుతాయి. మీ అరచేతిలో 2-3 చుక్కల దాల్చిన చెక్క నూనెను తీసుకొని.. మీ పొత్తికడుపుపై మసాజ్‌ చేయండి. ఇలా చేస్తే నొప్పి, వాపు రెండు తగ్గుతాయి.
లవంగం నూనె..
లవంగం నూనెతో పొత్తికడుపుపై మసాజ్‌ చేస్తే నెలసరి నొప్పి నుంచి త్వరగా ఉపశమనం పొందవచ్చు. లవంగంలో యాంటీ ఇన్ఫ్లమేటరీ గుణాలు ఉన్నాయి..దీనిలో యూజీనాల్ ఉంటుంది, ఇది పీరియడ్స్ సమయంలో వచ్చే.. సమస్యలను ఉపశమనం పొందడానికి తోడ్పడుతుంది. లవంగం నూనెతో మసాజ్‌ చేస్తే.. అధిక రక్తస్రావం సమస్య తగ్గుతుంది.
మింట్‌ ఆయిల్‌
పిప్పర్‌మింట్‌ ఆయిల్‌ మనం ఎక్కువగా తలనొప్పి, జలుబు, కండరాల నొప్పులను తగ్గించడానికి వాడతాం. పిప్పర్‌మింట్‌ ఆయిల్‌తో పొత్తికడుపుపై మసాజ్‌ చేస్తే.. నెలసరి నొప్పి త్వరితగతిన తగ్గుతాయి. ఈస్ట్రోజెన్, ప్రొజెస్టెరాన్, టెస్టోస్టెరాన్ హెచ్చుతగ్గులు కారణంగా.. నెలసరి సమయంలో మీకు అలసటగా అనిపిస్తుంది. మీరు పిప్పర్‌మింట్‌ ఆయిల్‌ వాసన చూస్తే ఈ సమస్యల నుంచి బయటపడొచ్చు.
ఈ జాగ్రత్తలు తీసుకోండి..
- నెలసరి రావడానికి ఓ వారం ముందు నుంచే ఉప్పు, కెఫిన్‌, చాక్లెట్‌తోపాటు అధిక చక్కెరలుండే వాటికి దూరంగా ఉండాలి.
- పండ్లు, కూరగాయలు ఎక్కువ మొత్తంలో నీరు తీసుకుంటే సమస్య నుంచి బయటపడొచ్చు.
- అవసరమైతే వైద్యుల సలహాతో డి6, బి, ఇ, సి సప్లిమెంట్లనూ తీసుకోవచ్చు. ఇవీ నొప్పికి వ్యతిరేకంగా పనిచేస్తాయి.
- దీంతోపాటు ప్రతి గంటకీ అలా అలా నాలుగు అడుగులు వేస్తే.. పొత్తికడుపు, కండరాలపై ప్రభావం పడీ నొప్పి తగ్గుతుంది.
- కూల్‌డ్రింక్స్‌, చల్లని పదార్థాలను నెలసరి సమయంలో తీసుకోకపోవడం మంచిది.
- పీరియడ్స్ రావడానికి ముందు బొప్పాయి పండు తినడం ఉపకరిస్తుంది. ఇందులో యాంటీ ఇన్‌ప్లేమటరీ గుణాలు ఉంటాయి. ఐరన్, కాల్షియంతోపాటు విటమిన్ ఎ, విటమిన్ సి కూడా అధిక మోతాదులో లభిస్తాయి. ఇవి సంకోచించిన పొత్తి కడుపు కండరాలను తిరిగి సాధారణ స్థితికి తెస్తాయి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.