వీరికి ముప్పు ఎక్కువ..
సెంటర్ ఫర్ డిసీజ్ కంట్రోల్ అండ్ ప్రివెన్షన్ ప్రకారం, "వయస్సు మీదపడిన వారికి రొమ్ము క్యాన్సర్ వచ్చే ముప్పు పెరుగుతుంది. చాలా వరకు బ్రెస్ట్ క్యాన్సర్ కేసులు 50 ఏళ్లు దాటిన వారిలో గుర్తించినట్లు CDC తెలిపింది. పురుషులలో రొమ్ము క్యాన్సర్ సంకేతాలను గుర్తించడానికి.. రెగ్యులర్ బ్రెస్ట్ స్క్రీనింగ్‌లు చేయించుకోవడం మేలని సూచించింది.
లివర్‌ సమస్యలు ఉన్నవారికి బ్రెస్ట్ క్యాన్సర్ వచ్చే ప్రమాదం ఉందని CDC పేర్కొంది. లివర్‌ దెబ్బతినడం వల్ల, ఆండ్రోజెన్ స్థాయి తగ్గుతాయి, ఈస్ట్రోజెన్‌ స్థాయిలు పెరుగుతాయి. దీని వల్ల క్యాన్సర్ ముప్పు పెరుగుతుంది.
ఈ లక్షణాలు కనిపిస్తాయి..
పురుషులలో రొమ్ము క్యాన్సర్ ఉంటే కొన్ని లక్షణాలు కనిపిస్తాయి. యొక్క అనేక సంకేతాలు ఉన్నాయి. అమెరికన్ క్యాన్సర్ సొసైటీ (ACS) ప్రకారం, మేల్ బ్రెస్ట్ క్యాన్సర్లో ఈ లక్షణాలు ఉంటాయి.
- రొమ్ములోపల వాపు కనిపిస్తుంది. నొక్కితే చేతికి గట్టిగా తగులుతుంది. నొప్పి ఉండదు.
- చనుమొనల నుంచి స్రావాలు, రక్తం కారుతుంది.
- చనుమొనల ప్రాంతంలో నొప్పి వస్తుంది.
- రొమ్ము, చనుమొనల ప్రాంతంలో చర్మం రంగు మారుతుంది. రొమ్ము ప్రాంతాల్లోని చర్మం పొరలుగా మారుతుంది. దద్దుర్లు కూడా వస్తాయి.
- రొమ్ము దగ్గరి చర్మం చికాకు పెడుతుంది.
పైన పేర్కొన్న లక్షణాలు రొమ్ము క్యాన్సర్ ముందస్తు సంకేతాలు అయితే, క్యాన్సర్ వ్యాప్తి చెందుతుందని చెప్పగల కొన్ని సంకేతాలు ఉన్నాయి. శోషరస కణుపులలో వాపు, రొమ్ము నొప్పి, ఎముకల నొప్పి ఉంటే.. క్యాన్సర్ తీవ్రమైనదని అర్ధం.
Also Read: వీరికి.. బ్రెస్ట్ క్యాన్సర్ వచ్చే రిస్క్‌ ఎక్కువ..!
పురుషుల్లో బ్రెస్ట్ క్యాన్సర్.. తప్పక తెలుసుకోండి
ఈ రకాలు ఉంటాయి..
మగవారిలో వచ్చే బ్రెస్ట్ క్యాన్సర్లో ఇవి ఎక్కువగా వస్తుంటాయి...
ఇన్వాసివ్ డక్టల్ కార్సినోమా..
ఈ రకమైన క్యాన్సర్లో, రొమ్ము కణజాలంలోని నాళాలు, ఇతర భాగాలలో క్యాన్సర్ కణాలు పెరగడం మొదలవుతాయి. ఇవి ఇతర భాగాలకూ వ్యాపిస్తాయి.
ఇన్వాసివ్ లోబ్యులర్ కార్సినోమా..
ఈ క్యాన్సర్లో రొమ్ములోని లోబుల్స్‌లో కణాలు పెరగడం ప్రారంభమవుతాయి. అక్కడి నుంచి రొమ్ము కణజాలం, ఇతర భాగాలకు కూడా వ్యాపిస్తాయి.
డక్టల్ కార్సినోమా..
ఇదొక రొమ్ము వ్యాధి. ఈ వ్యాధి వల్ల క్యాన్సర్ వచ్చే అవకాశం ఎక్కువగా ఉంటుంది.
జీన్స్‌ కారణంగా క్యాన్సర్ వస్తుందా..?
జీన్స్‌ మ్యూటేషన్‌ వల్ల బ్రెస్ట్ క్యాన్సర్ వచ్చే అవకాశం ఉంది. మీ కుటుంబంలో వారికు బ్రెస్ట్ క్యాన్సర్ ఉంటే.. బ్రెస్ట్ క్యాన్సర్ వచ్చే ముప్పు పెరుగుతుంది. అసాధారణమైన BRCA1 / BRCA2 జన్యువులను వారసత్వంగా పొందిన పురుషులలో బ్రెస్ట్ క్యాన్సర్ వచ్చే ప్రమాదం ఉంది.
Also Read: బ్రెస్ట్ క్యాన్సర్ సంకేతాలను.. ఇలా గుర్తించండి
చికిత్స..
ట్యూమర్‌ పరిమాణం బట్టి.. డాక్టర్‌ ట్రీట్మెంట్‌ను సూచించే అవకాశం ఉంది. శస్త్రచికిత్స, కీమోథెరపీ, రేడియేషన్ థెరపీ, హార్మోన్ థెరపీ, టార్గెటెడ్ థెరపీ రొమ్ము క్యాన్సర్‌ను ట్రీట్‌ చేయడానికి అందుబాటులో ఉన్న కొన్ని చికిత్సలు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.