పురుషాంగం వంకరగా ఉందని డాక్టర్ దగ్గరకెళ్తే!

గతంతో పోలిస్తే వైద్య రంగం ఎంతగానో అభివృద్ధి చెందింది. ఎలాంటి శారీరక సమస్యలున్నా.. వాటిని అధిగమించేందుకు వీలవుతోందిప్పుడు. శృంగారానికి సంబంధించిన సమస్యలను కూడా ఆధునిక కాలంలో డాక్టర్లు తేలిగ్గా పరిష్కరిస్తున్నారు. దీంతో డాక్టర్లను ఆశ్రయించి తమ సమస్యలను పరిష్కరించుకుంటున్న వారి సంఖ్య కూడా క్రమంగా పెరుగుతోంది. అలాగే తన ప్రాబ్లం నుంచి బయటపడాలని భావించిన ఓ వ్యక్తి డాక్టర్లను ఆశ్రయించాడు. తర్వాత ఏమైందంటే..

క్రొయేషియాకు చెందిన 57 ఏళ్ల జెల్కూ నోసికు అనే ఆర్టిస్ట్‌కు కొద్ది కాలం క్రితం పురుషాంగంపై బొబ్బలాంటిది వచ్చింది. తర్వాత అంగం వంకరగా మారింది. ఈ సమస్య నుంచి బయటపడాలని భావించిన సదరు వ్యక్తి డాక్టర్లను ఆశ్రయించాడు. అది పెయిరోనిస్ డిసీజ్ అని నిరార్ధరణకు వచ్చిన డాక్టర్లు తొలుత ఇంజెక్షన్ల ద్వారా ఆ సమస్యకు పరిష్కారం చూపాలని భావించారు. కానీ.. కుదరకపోవడంతో సర్జరీ చేయాలనే నిర్ణయానికి వచ్చారు. అనుకున్నదే తడవుగా సర్జరీ చేసి అతణ్ని ఇంటికి పంపారు. కానీ.. గతంతో పోలిస్తే తన పురుషాంగం పొడవు సగానికి తగ్గినట్లు ఆ వ్యక్తి గుర్తించాడు. సర్జరీకి ముందు డాక్టర్లు ఈ విషయాన్ని తనకు చెప్పలేదని వాపోతున్నాడు.