గర్భిణి మహిళ ప్లాస్టిక్ వినియోగిస్తే పిల్లలకు ఆస్తమా!

గర్భిణి మహిళలు ప్లాస్టిక్‌ను వినియోగిస్తే పుట్టబోయే పిల్లలపై తీవ్ర ప్రభావం చూపుతుందని ఓ అధ్యయనంలో వెల్లడైంది. గర్భంతో ఉన్నప్పుడు మహిళల శరీరంలోకి చేరిన ప్లాస్టిక్ రసాయనాలు పిల్లలకు పాలిచ్చేటప్పుడు వారిలోకి ప్రవేశించి ఉబ్బసం వ్యాధి ప్రమాద తీవ్రత పెరుగుతుందని తేలింది. ప్లాస్టిక్‌లో థాలేట్స్ అనే రసాయం చర్మం, ఆహార పదార్థాలు, శ్వాసక్రియ ద్వారా లోనికి ప్రవేశిస్తుంది. దీని వల్ల హార్మోన్ల సౌమతౌల్యత దెబ్బతిని జీవక్రియ, సంతానోత్పత్తిపై ప్రతికూల ప్రభావం చూపుందని జర్మనీలోని హెల్మ్‌హోల్జ్ యూనివర్సిటీకి చెందిన తోబియాస్ పోల్టే తెలిపారు. థాలేట్స్ వ్యాధినిరోధక వ్యవస్థలో చేరి అలెర్జీ ప్రమాదాన్ని పెంచుతున్నట్లు తమ అధ్యయనంలో తేలిందని ఆయన పేర్కొన్నారు.

తోబియస్ బృందం అలెర్జీ, క్లినికల్ ఇమ్యునాలజీ దిశగా సాగించిన అధ్యయనంలో గర్భిణి మహిళల మూత్రాన్ని సేకరించి, జన్మించిన పిల్లల్లో అలెర్జీలకు కారణాలను గుర్తించారు. తల్లి మూత్రంలోని అధిక సాంద్రత కలిగిన బెంజిల్ బ్యుటైల్ థాలేట్‌కు, వారి పిల్లలలో ఉబ్బసానికి మధ్య సంబంధం ఉన్నట్లు స్పష్టంగా గుర్తించామని హెల్మ్‌హోల్జ్ సెంటర్ ఫర్ ఎన్విరాన్‌మెంటల్ రిసెర్చ్‌కు చెందిన ఇరినా లెహ్మన్ తెలియజేశారు. అలాగే పిల్లలు మొబైల్ ఫోన్‌ వాడితే మాటలు ఆలస్యంగా వస్తాయని తేలింది.


గర్భధారణ సమయంలో మౌస్ వినియోగించిన మహిళలు ప్రసవం తర్వాత సంతానానికి పాలిచ్చినప్పుడు అధిక సాంద్రత గల బీబీపీ వారి శరీరంలోకి చేరి ఉబ్బసానికి కారణమైంది. అంతే కాదు ఇది తర్వాత తరంపై కూడా ప్రభావం చూపుతుంది. ఒకవేళ జీవి అభివృద్ధి చెందుతున్న దశలో థాలేట్స్ శరీరంలోని ప్రవేశిస్తే రెండు తరాలు అనారోగ్యం ప్రమాదానికి దారితీస్తుంది. పుట్టుకకు ముందే థాలేట్ స్పష్టమైన మార్పులకు కారణమవుతుందని పోల్టే వ్యాఖ్యానించారు.