ఇంటిలో సహజ సువాసనలు రావాలంటే?

ఇంట్లో బ్యాడ్ స్మెల్ రాకుండా ఉండేందుకు మనం సువాసనలు వెదజల్లేలా ఎయిర్ ఫ్రెషనర్స్ ఉపయోగిస్తుంటాం. అయితే వీటిని ఉపయోగించడం ఇంటిలోని వారి ఆరోగ్యానికి చాలా హానికరం. శ్వాస సంబంధం వ్యాధులు వచ్చే అవకాశం కూడా ఉంది. ఈ సువాసనలు పీల్చితే అస్థమా, తలనొప్పి, గాలి పీల్చడంలో ఇబ్బందులు, గొంతులో నొప్పి తదితర సమస్యలు తలెత్తే అవకాశం ఉంది. అయితే కొన్ని సహజసిద్ధమైన ఎయిర్ ఫ్రెషర్స్ ను ఉపయోగిస్తే ఇంటిలో సుగందాలు వెదజల్లుతాయి. అలాగే అధ్యాత్మిక వాతావరణం మీ ఇంటిలో నెలకొంటుంది. మరి అవి ఏమిటో చూద్దామా. సుగందద్రవ్యాలు, హెర్బల్ కు సంబంధించినవి, పూలు వంటి వాటిని మీ హోమ్ లో సుగందాలుగా ఉపయోగించవచ్చు.
అగరబత్తులు : అగరబత్తులు ఇంట్లో వెలిగిస్తే వాటి ద్వారా వచ్చే సువాసన ఎంతో బాగుంటుంది. భారతీయ సంప్రదాయంలో అగరబత్తులకు ఎంతో ప్రాముఖ్యత ఉంది. వీటిని ఎక్కువగా మనం పూజలకు ఉపయోగిస్తుంటాము. అయితే ఇవి పరోక్షంగా ఎయిర్ ఫ్రెషనర్స్ గానూ ఉపయోగపడతాయి.
సువాసన కొవ్వొత్తులు : మనం నిత్యం ఉపయోగించే కొవ్వొత్తులుకాకుండా సువాన వెదజల్లే కొవ్వొత్తులను మనం ఇంటిలో ఎయిర్ ఫ్రెషనర్స్ గా ఉపయోగించవచ్చు. సోయా, మైనం, సుగందాలు తదితర వాటితో తయారైన కొవ్వొత్తులను ఇందుకు ఉపయోగించవచ్చు.
కాఫీ గింజలు : ఉదయం లేవగానే మనకు కాఫీ గుర్తుకొస్తుంది. అయితే ఆ కాఫీ గింజలు మంచి సువాసనను ఇస్తాయనే విషయం కూడా మనకు తెలిసిందే. వాటిని కాస్త ఓవెన్ లో పెట్టి వేడి చేస్తే మంచి సువాసన వెదజల్లుతోంది. ఉల్లిపాయలు, వెల్లుల్లిని రెండింటిని కలిపితే వచ్చే వాసనలా ఈ కాఫీ గింజల నుంచి సువాసన వస్తుంది. అలాగే ఎండిన పాత్పూరి ఆకులు కూడా మంచి సువాసనను ఇస్తాయి. వీటిని కూడా ఉపయోగించవచ్చు. లావెండర్, బాజిల్, ఆరెంజ్, రోజ్ మారి తదితర ఆయిల్స్ కూడా బాగా ఉపయోగపడతాయి. కొన్ని రకాల పువ్వులను కూజాలో ఉంచితే కూడా మంచి ఫలితం ఉంటుంది.