Stomach problems: ఇవి తీసుకుంటే.. కడుపుబ్బరం వెంటనే తగ్గుతుంది..!

మీ కడుపు ఎప్పుడూ నిండుగా, ఉబ్బరంగా ఉన్నట్లు అనిపిస్తుందా..? ఆకలి తక్కువగా ఉందా..? ఏమీ తినాలనిపించడం లేదా..? మలబద్ధకంతో బాధపడుతున్నారా?.. ఇవి కడుపు, జీర్ణక్రియకు సంబంధించిన సాధారణ సమస్యలు. ఈ సమస్యల వల్ల ప్రతిరోజూ చాలా మంది ప్రజలు బాధపడుతున్నారు. ఈ సమస్యలకు చాలా కారణాలు ఉండొచ్చు. మీ కడుపులో యాసిడ్స్‌ తక్కువగా ఉత్పత్తి కావడం దీనికి ప్రధాన కారణం కావచ్చు. దీన్నే.. 'హైపోక్లోర్‌హైడ్రియా' అంటారు.


ఆహారాన్ని జీర్ణం చేయడం కోసం ఆసిడ్‌ ఉత్పత్తి అవుతుంటుంది. శరీరం మీ ఆహారం నుంచి మినరల్స్‌, విటమిన్స్‌ గ్రహించుకోవాలంటే.. గ్యాస్ట్రిక్‌ యాసిడ్‌ అసరం. కడపులో యాసిడ్‌ ఎక్కువైనా, తక్కువగా సమస్యలు వచ్చే అవకాశం ఉంది. కడుపులో తక్కువ యాసిడ్ ఉత్పత్తి అయితే.. SIBO వంటి బాక్టీరియల్ ఇన్ఫెక్షన్లు వచ్చే ప్రమాదం ఉందని నిపుణులు చెబుతున్నారు.
ఒత్తిడి, చెడు ఆహారపు అలవాట్లు.. యాసిడ్‌ తక్కువగా ఉత్పత్తి కావడానికి ప్రధాన కారణమని అమెరికన్ వైద్యుడు, పోషకాహార నిపుణుడు ఎరిన్ కెన్నీ అన్నారు. జింక్ లోపం, యాంటాసిడ్ల వాడకం, వయస్సు పెరగడం, మందులు, ఇన్ఫెక్షన్లు, షుగర్‌ ఎక్కువగా తీసుకోవడం వంటివి కూడా కడుపులో యాసిడ్‌ ఉత్పత్తి తక్కువ కావడానికి కారణాలు.
ఈ లక్షణాలు కనిపిస్తాయి..
కడుపులో యాసిడ్‌ తక్కువగా ఉత్పత్తి అవుతుంటే.. ఈ లక్షణాలు కనిపిస్తాయి.

• పెళుసైన జుట్టు, గోర్లు
• రిఫ్లక్స్
• వికారం
• తిన్న ఆహారం జీర్ణం కాలేదన్న ఫీలింగ్
• అసాధారణ ప్రేగు కదలికలు
• పోషకాహార లోపాలు

అరుగూలా..

100 గ్రాముల అరుగూలా ఆకుల్లో 91.71 గ్రాముల నీరు, 1.6 గ్రాముల ఫైబర్ ఉంటుంది. అధిక ఫైబర్ కంటెంట్ మీ గట్, పొట్ట, ఇతర జీర్ణ అవయవాలకు మేలు చేస్తుంది. ఫైబర్ ఎక్కువగా ఉండే ఆహారాలు తీసుకుంటే..పెద్దప్రేగు క్యాన్సర్, అల్సరేటివ్ కొలిటిస్, డైవర్టికులిటిస్ వంటి సమస్యలు వచ్చే ప్రమదం తగ్గుతుంది.
వెల్లుల్లి..

వెల్లుల్లి కడుపు చికాకు, ఉబ్బరం తగ్గిస్తుంది. వెల్లుల్లి తినడం వల్ల యాసిడ్ రిఫ్లక్స్ వంటి సమస్యలు రాకుండా ఉంటాయి. పచ్చి వెల్లుల్లి రెబ్బలను తీసుకుంటే గుండెల్లో మంట, కడుపు నొప్పి, అజీర్ణం వంటి ఎసిడిటీ లక్షణాల నుంచి ఉపశమనం లభిస్తుంది.
అల్లం..

అల్లంలో ఔషద గుణాలు పుష్కలంగా ఉంటాయి. అల్లంలోని యాంటీఆక్సిడెంట్లు, వివిధ రసాయనాల వల్ల కడుపు సమస్యలు రావు. అల్లంలో ఉండే ఫినోలిక్ కాంపౌండ్స్‌ జీర్ణశయాంతర ఇరిటేషన్‌ నుంచి, గ్యాస్ట్రిక్‌ సమస్య నుంచి ఉపశమనం కలిగిస్తాయి.
లేత కొబ్బరి..

కొబ్బరిలో యాంటిహిస్టామైన్, యాంటీ ఇన్ఫెక్షన్, క్రిమినాశక లక్షణాలు ఉన్నాయి. ఇది రోగనిరోధక శక్తిని బలపరుస్తుంది. గ్లూకోకార్టికాయిడ్లను పెంచి, వాటిని బలపరుస్తుంది.. కడుపులో అసౌకర్యం, యాసిడ్ రిఫ్లక్స్ వంటి సమస్యలు తగ్గించడంలో కొబ్బిరి ప్రభావవంతంగా పని చేస్తుంది.
కోకో..

ఎన్నో రకాల కడుపు సమస్యలకు కోకో చెక్‌ పెడుతుందని నిపుణులు చెబుతున్నారు. దీనిలో ఫ్లేవనాయిడ్లను పుష్కలంగా ఉంటాయి. తేలికపాటి విరేచనాలు, జీర్ణ సమస్యల నుంచి ఉపశమనం కలిగిస్తుంది. కోకో జీర్ణమైనప్పుడు దాని ఫ్లేవనోల్స్ ప్రీబయోటిక్‌గా మారతాయి. ఇవి మీ గట్‌లోని బ్యాక్టీరియాను సమతుల్యం చేయడానికి ప్రీబయోటిక్స్ పని చేస్తాయి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.