వీర్యం నాణ్యతను నిర్ధారించే కాలిక్యులేటర్

వయసు పెరిగినా కొద్దీ దాని ప్రభావంపై ఆరోగ్యం మీద పడుతుంది. యుక్త వయసులో ఉన్నంత యాక్టివ్‌గా వయసు మళ్లాక ఉండలేం. మానసికంగా, శారీరకంగా చురుకుదనం లోపించడమే దీనికి కారణం. అందుకే 30 ఏళ్లలోపే పెళ్లి చేసుకోవాలని డాక్టర్లు యువతకు సూచిస్తుంటారు. ఆడవారిలో వయసు పెరిగినా కొద్దీ సంతాన సాఫల్యతకు అవకాశాలు సన్నగిల్లుతాయి. మన జీవనశైలి కూడా దీన్ని ప్రభావితం చేస్తుంది. మరి మగాళ్లకు..? వారి విషయంలోనూ జీవనశైలి, పెరుగుతున్న వయసు ప్రభావం చూపుతుంది. వీర్య నాణ్యత, వీర్య కణాల సంఖ్య మగాళ్లకు ఎంతో కీలకం.

వీర్యకణాల నాణ్యతను అంచనా వేసే కాలెక్యులేటర్‌ను పరిశోధకులు అభివృద్ధి చేశారు. వీర్యం అండాన్ని చేరితే గర్భాధారణకు అవకాశాలు ఉన్నాయా, లేవా అనే విషయంలోనూ ఈ కాలెక్యులేటర్ ద్వారా నిర్ధారణకు రావచ్చు. డీఎన్ఏలో వచ్చే మార్పులు, వీర్యంపై వాటి ప్రభావాలను కూడా కచ్చితంగా గుర్తించవచ్చని పరిశోధకులు చెబుతున్నారు.

పొగతాగే మగవారిలో వీర్యకణాల నాణ్యత తగ్గుతుంది. చాలా మందికి పిల్లలు పుట్టకపోవడానికి సిగరెట్ కాల్చే అలవాటు ప్రధాన కారణంగా ఉంటోంది. కాబట్టి సంతానం కోసం ప్రయత్నించే ముందు మగాళ్లు తమ వీర్యకణాల నాణ్యత గురించి అవగాహనకు వచ్చేందుకు ఈ కాలెక్యులెటర్ ఉపకరిస్తుంది.