Chickpeas for diabetics: షుగర్‌ పేషెంట్స్‌ శనగలు తింటే.. మంచిదేనా..?

మన దేశాన్ని 'డయాబెటిస్ క్యాపిటల్ ఆఫ్ ది వరల్డ్' అని పిలుస్తుంటారు. ఎందుకంటే.. ప్రపంచంలోని మొత్తం షుగర్‌ పేషెంట్స్‌లో 17% మంది భారతదేశంలోనే ఉన్నారు. మన దేశంలో ప్రస్తుతం దాదాపు 80 మిలియన్ల మంది డయాబెటిస్‌తో బాధపడుతున్నారు. 2045 నాటికి ఈ సంఖ్య 135 మిలియన్లకు పెరుగుతుందని అంచనా. ఒక్కసారి డయాబెటిస్‌ బారిన పడితే.. దానిని నియంత్రణలో ఉంచుకోవడం తప్ప, పూర్తిగా తగ్గదు. రక్తంలో చక్కెర స్థాయిలు దీర్ఘకాలంపాటు కంట్రోల్‌లో లేకపోతే కిడ్నీ, గుండె, ఊపిరితుత్తులు, కంటి సమస్యలు వచ్చే ప్రమాదం ఉంది. షుగర్‌ పేషెంట్స్‌ మందులు వాడుతూనే.. క్రమం తప్పకుండా వ్యాయామం, పోషకాహారం తీసుకుంటే బ్లడ్‌ షుగర్‌ లెవల్స్‌ కంట్రోల్‌లో ఉంచుకోవచ్చని నిపుణులు అంటున్నారు. మన వంట గదిలో సులువుగా దొరికే శనగలు.. రక్తంలో చక్కెర స్థాయిలను అదుపులో ఉంచుతాయని ప్రముఖ పోషకాహార నిపుణురాలు, ఫ్యాట్‌ టూ స్లిమ్‌ డైరెక్టర్‌, డైటీషియన్‌ శిఖా అగర్వాల్‌ శర్మ అన్నారు. శనగలు బ్లడ్‌ షుగర్‌ లెవల్స్‌ను ఎలా కంట్రోల్‌లో ఉంచుతాయి, వాటిని తినడానికి సరైన సమయం ఏమిటో ఈ స్టోరీలో చూద్దాం.

గ్లైసెమిక్‌ ఇండెక్స్‌ తక్కువగా ఉంటుంది..

శనగల్లో గ్లైసెమిక్‌ ఇండెక్స్‌ తక్కువగా ఉంటుంది. శనగల్లో గ్లైసెమిక్‌ ఇండెక్స్‌ 43 ఉంటుంది. శనగల్లో ఫైబర్‌ పుష్కలంగా ఉంటుంది.. ఇది పోషకాలను రక్తంలోకి నెమ్మదిగా గ్రహిస్తుంది, రక్తంలోకి గ్లూకోజ్‌ను నెమ్మదిగా పంపిస్తుంది. దీంతో బ్లడ్‌‌ షుగర్‌ లెవల్స్‌ కంట్రోల్‌లో ఉంటాయి. శనగల్లో ప్రొటీన్‌ సమృద్ధిగా ఉంటుంది. ఇది షుగర్‌ పేషెంట్స్‌కు మేలు చేస్తుంది.
షుగర్‌ పేషెంట్స్‌కు ఎందుకు మేలు చేస్తాయి..?
షుగర్‌ పేషెంట్స్‌కు శనగలు మంచి ఆహారం అని నిపుణులు అంటున్నారు. వంద గ్రామల శనగలలో 13 గ్రాముల డైటరీ ఫైబర్ ఉంటుంది. శనగల్లో కరిగే ఫైబర్‌ కరగని ఫైబర్‌ రెండూ ఉంటాయి. రక్తంలో గ్లూకోజ్‌ స్థాయిలను తగ్గించడానికి ఇదే కారణం. డయాబెటిస్‌తో పాటు, శనగలు కొలెస్ట్రాల్‌ను కూడా కంట్రోల్‌లో ఉంచుతాయి. బరువు తగ్గడానికి ఇది గొప్ప ఆహారం.
ఎప్పుడు తీసుకోవాలి..?

బ్రేక్‌ఫాస్ట్‌ రోజులో అత్యంత ముఖ్యమైన భోజనం. ఉదయం పూట ఆరోగ్యకరమైన, హెవీ బ్రేక్‌ఫాస్ట్‌ తీసుకోవాలి. షుగర్‌ పేషెంట్స్‌ బ్రేక్‌ఫాస్ట్‌ స్కిప్‌ చేయకూడదని నిపుణులు సూచిస్తున్నారు. ఉదయం పూట ఆహారం తీసుకోకపోతే.. రక్తంలో చక్కెర స్థాయిలు పెరిగే ప్రమాదం ఉంది. మీ బ్రేక్‌ఫాస్‌ మెనూలో శనగలు తీసుకోవచ్చు.
ఈ లాభాలు ఉంటాయి..
శనగల్లో ఎ,సి,బి6,పోలేట్‌,నియాసిన్‌, థైమీన్‌,మాంగనీస్‌, ఫాస్సరస్‌, ఐరన్‌, కాపర్‌ లాంటి విటమిన్లు, మినరల్స్‌ మెండుగా ఉంటాయి. శనగల్లోని ఫైబర్‌ మలబద్దకం సమస్యను దూరం చేస్తుంది. పొట్టలోని బ్యాక్టీరియాను ఆరోగ్యంగా ఉంచుతుంది. నిద్రలేమిని తగ్గిస్తుంది.
ఎలా తినాలి..?
శనగలతో రకరకాల.. వెరైటీస్‌ చేసుకోవచ్చు. వీటిని ఉడకబెట్టి, నానబెట్టి, కర్రి, చాట్‌, సలాడ్‌ రూపంలో శనగలు తీసుకోవచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.