థైరాయిడ్ గ్రంథి పనితీరులో మార్పులు వచ్చి.. హైపర్ థైరాయిడిజమ్, హైపోథైరాయిడిజం వంటి సమస్యలు వస్తాయి. థైరాయిడ్ కారణంగా బరువు పెరగడం లేదా తగ్గడం, జుట్టు రాలడం, అలసట, నెలసరి సక్రమంగా రాకపోవడం, గర్భం దాల్చకపోవడం.. వంటి ఎన్నో సమస్యలు ఎదురవుతుంటాయి. వీటిని దృష్టిలో ఉంచుకుని థైరాయిడ్ ఆరోగ్యాన్ని రక్షించుకోవడం చాలా ముఖ్యం. అయోడిన్, ప్రోటీన్, ఆరోగ్యకరమైన కొవ్వులు వంటి నిర్దిష్ట ఆహారాలు, పోషకాలు మీ డైట్‌లో చేర్చుకుంటే థైరాయిడ్ గ్రంథిని ఆరోగ్యంగా ఉంచుకోవచ్చు. థైరాయిడ్ పనితీరును మెరుగుపరచడానికి కొన్ని మూలికలు సహాయపడతాయని ప్రముఖ పోషకాహార నిపుణురాలు లవ్నీత్ బాత్రా అన్నారు. అవేంటే తెలుసుకోవాలంటే.. ఈ స్టోరీ చదివేయండి.
అశ్వగంధ..
అశ్వగంధ.. శక్తివంతమైన ఆయుర్వేద మూలిక. ఆయుర్వేదంలో అనేక అనారోగ్యాల చికిత్సలో దీన్ని వినియోగిస్తారు. థైరాయిడ్ పనితీరును మెరుగుపరచడానికి అశ్వగంధ సహాయపడుతుందని లవ్నీత్ బాత్రా అన్నారు. అశ్వగంధలో ఆల్కలాయిడ్స్, స్టెరాయిడ్‌, సపోనిన్ రసాయనాలు ఉంటాయి. ఇవి యాక్టివ్‌ హార్మోన్లకు సహాయపడతాయి. ఈ కెమికల్స్‌.. T4 ను T3గా మార్చి.. T4 హార్మోన్ ఉత్పత్తిని పెంచుతాయి.
హైపర్ థైరాయిడ్ డిసీజ్ అంటే ఏంటి..
అల్లం..
అల్లంలో అనేక ఔషధ గుణాలు ఉంటాయి. ఇవి హైపోథారాయిడ్‌ లక్షణాలను నుంచి ఉపశమనం ఇస్తాయి. హైపోథైరాయిడ్ పేషెంట్స్‌ బరువును కంట్రోల్‌లో ఉంచడం, FBS, లిపిడ్ ప్రొఫైల్‌ను నియంత్రిస్తాయి. ఉదయం లేవగానే నీటిలో అల్లం వేసి మరిగించాలి. ఈ నీళ్లను వడగట్టి తేనె, పుదీనా ఆకులు వేసుకుని తాగండి. రోజూ వండే కూరల్లో కచ్చితంగా అల్లం చేర్చుకోండి.
Okra for diabetes: షుగర్‌ పేషెంట్స్‌ బెండకాయ తింటే మంచిదా..?
మునగాకు..
మునగాకులో థియోసైనేట్‌తో పాటు పాలీఫెనాల్స్ ఉంటాయి. ఇవి జీవక్రియను ప్రోత్సహిస్తాయి. దీంతో థైరాక్సిన్, ట్రైయోడోథైరోనిన్ ఉత్పత్తిని నియంత్రిస్తుంది. మునగాకులో ప్రోటీన్లు, కాల్షియం, పొటాషియం, ఐరన్, మెగ్నీషియం, బీటా-కెరోటిన్, అమైనో యాసిడ్స్‌, ఫినోలిక్‌, విటమిన్-ఎ, సి, బి కాంప్లెక్స్‌తో పాటు 40 కంటే ఎక్కువ రకాల యాంటీఆక్సిడెంట్లు ఉన్నాయి. ఈ పోషకాలు మీ ఆరోగ్యాన్ని రక్షిస్తాయి. రోజు మునగాకు టీ తాగడం అలవాటు చేసుకోండి.
నల్ల జీలకర్ర..
నల్ల జీలకర్ర థైరాయిడ్ ఆరోగ్యాన్ని మెరుగుపరచడానికి సహాయపడతాయి. దీనిలో యాంటీఇన్ఫ్లమేటరీ గుణాలు.. శరీరంలోని వాపును తగ్గిస్తాయి. TSH, TPO వ్యతిరేక ప్రతిరోధకాలను తగ్గించడంలో సహాయపడతాయి. T3 ఉత్పత్తిని మెరుగుపరుస్తాయి.
Best Fruits for Arthritis: అర్థరైటిస్‌ నొప్పిని తగ్గించే.. పండ్లు ఇవే..!
సేజ్..
సేజ్ సేజ్‌లో రోస్మరినిక్ యాసిడ్ ఉంటుంది, ఇది థైరాయిడ్ స్టిమ్యులేటింగ్ హార్మోన్ (TSH) రిసెప్టర్‌పై ఇమ్యునోగ్లోబులిన్ ప్రభావాలను నిరోధిస్తుంది. T3 పెరిఫెరల్‌ కన్వర్షన్‌ను తగ్గిస్తుంది.
అతిమధురం..
థైరాయిడ్ గ్రంధిని ఆక్సీకరణ ఒత్తిడి నుంచి అతిమధురం రక్షిస్తుంది. దీనిలో ఔషధ గుణాలు.. కార్టిసాల్ స్థాయిలను తగ్గించడంలో సహాయపడతాయి. కార్టిసాల్ పిట్యూటరీ గ్రంధి నుంచి థైరాయిడ్-స్టిమ్యులేటింగ్ హార్మోన్ (TSH) స్రావాన్ని నిరోధిస్తుంది. మీరు రోజు అతిమధురం టీ తాగితే.. థైరాయిడ్ పనితీరును మెరుగుపరచుకోవచ్చు.
థైరాయిడ్ కంట్రోల్‌లో ఉండాలంటే.. ఇవి కచ్చితంగా తినాలి..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.