కీరా జ్యూస్‌..
కీరా జ్యూస్‌ శరీరంలో యూరిక్ యాసిడ్ స్థాయిలను తగ్గించడానికి సహాయపడుతుందని పోషకాహార నిపుణురాలు శిఖా అగర్వాల్‌ అన్నారు. కీరా జ్యూస్‌లో నిమ్మరసం కలిపి తాగితే.. లివర్‌, కిడ్నీలు డిటాక్స్‌ అవుతాయి. దీంతో రక్తంలోని యూరిక్ యాసిడ్ స్థాయిలు కూడా తగ్గుతాయి. కీరాలోని పొటాషియం, ఫాస్పరస్‌ కిడ్నీలను డీటాక్స్‌ చేస్తాయి. దీంతో కిడ్నీల పనితీరు మెరుగుపడుతుంది, శరీం నుంచి విషాన్ని బయటకు పంపడానికి సహాయపడుతుంది.
క్యారెట్‌ జ్యూస్‌..
ఫ్రెష్‌ క్యారెట్‌ జ్యూస్‌లో నిమ్మరసం కలిపి తాగితే.. రక్తంలో యూరిక్ యాసిడ్ స్థాయిలు అదుపులో ఉంటాయి. క్యారెట్‌ జ్యూస్‌లోని యాంటీ ఆక్సిడెంట్లు, విటమిన్ ఎ, ఫైబర్, బీటా కెరోటిన్, మినరల్స్.. యూరిక్ యాసిడ్ పెరగడం వల్ల కలిగే నష్టాన్ని తగ్గించడంలో సహాయపడతాయి. అలాగే, నిమ్మకాయలో యాంటీఆక్సిడెంట్లు, విటమిన్ సి ఉంటాయి. విటమిన్ సి రోగనిరోధక శక్తిని కూడా మెరుగుపరుస్తుంది, ఇన్ఫెక్షన్లు రాకుండా అడ్డుకుంటుంది.
అల్లం టీ..
యూరిక్ యాసిడ్ సమస్యతో బాధపడే వాళ్లు.. అల్లం టీ తాగితే మంచిదని శిఖా అగర్వాల్‌ అన్నారు. అల్లంలోని పోషకాలు రక్తంలోని యూరిక్ యాసిడ్ స్థాయిలను తగ్గించడానికి తోడ్పడతాయి. అల్లంలోని యాంటీఆక్సిడెంట్లు, మినరల్స్ కీళ్లు నొప్పులు, వాపు, బాడీ పెయిన్స్‌ను తగ్గిస్తాయి.
గ్రీన్‌ టీ..
చాలా మంది గ్రీన్‌ టీ బరువు తగ్గాడానికి మాత్రమే సహాయపడుతుందని అనుకుంటారు. ఇది ఇమ్యూనిటీని బలోపేతం చేయడంలో మాత్రమే కాకుండా.. యూరిక్ యాసిడ్ తగ్గించడానికి తోడ్పతుంది. గ్రీన్‌ టీలో ఉండే.. యాంటీఆక్సిడెంట్లు, బయోయాక్టివ్ సమ్మేళనాలు యూరిక్ యాసిడ్‌ను తగ్గించడానికి సహాయపడతాయి.
Also Read: గ్రీన్‌ టీ ఆ సమయంలో తాగితే.. వెరీ రిస్క్
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.