డయాబెటిస్
బాదం పాలు..
బాదం పాలను ఇష్టపడనివారుండరు. బాదం పాలు మీ రక్తంలో చక్కెర స్థాయిలను పెంచవు. షుగర్‌ పేషెంట్స్‌కు బాదం పాలు హెల్తీ ఆప్షన్‌. బాదం పాలలో.. అవు పాల కంటే తక్కువ కేలరీలు, కార్బోహైడ్రేట్లు తక్కువగా ఉంటాయి. బాదంలో ప్రొటీన్లు, ఆరోగ్యకరమైన కొవ్వులు, ఫైబర్ పుష్కలంగా ఉంటాయి. టైప్‌ 2 డయాబెటిస్ ఉన్నవారు బాదం తీసుకుంటే బ్లడ్‌ షుగర్‌ కంట్రోల్‌లో ఉంటుంది. ఇన్సులిన్ నిరోధకత తగ్గుతుంది. రక్తంలో చక్కెర నిల్వల నియంత్రణ మెరుగవుతుంది. ప్రీడయాబెటిస్‌ ఉన్నవారికి బాదం పాలు మేలు చేస్తాయి.
షుగర్‌ పేషెంట్స్‌ ఎలాంటి డైట్‌ తీసుకోవాలి..?
కొబ్బరి పాలు..
కొబ్బరి పాలలో గ్లైసెమిక్ ఇండెక్స్ తక్కువగా ఉంటుంది. ఇది షుగర్‌ ఫేషెంట్స్‌కు మేలు చేస్తుంది. ఇందులో వివిధ ఎలక్ట్రోలైట్లు, అవసరమైన ఖనిజాలు, విటమిన్లు, ప్రోటీన్లు, ఆరోగ్యకరమైన కొవ్వులు, ఫైబర్ పుష్కలంగా ఉంటాయి. ఇందులోని ఫైబర్ కంటెంట్ స్టార్చ్‌ని గ్లూకోజ్‌గా మార్చే ప్రక్రియను నెమ్మదిస్తుంది. షుగర్‌ పేషెంట్స్‌ కొబ్బరి పాలు తాగితే.. బ్లడ్‌ షుగర్‌ లెవల్స్‌ అదుపులో ఉంటాయి.
జీడిపప్పు పాలు..
జీడిపప్పు పాలు తాగితే.. రక్తంలో చక్కెర స్థాయిలు కంట్రోల్‌లో ఉంటాయి. జీడిపప్పులోని అనాకార్డిక్ యాసిడ్ అనే సమ్మేళనం బ్లడ్‌ షుగర్‌ లెవల్‌ను కంట్రోల్‌లో ఉంచుతుంది.
Habits To Be Changed: ఈ అలవాట్లు మార్చుకుంటే.. ఆరోగ్యం మీ సొంతం..!
చియా, స్ట్రాబెర్రీ స్మూతీ..
చియా గింజల్లో ఫైబర్, ఒమేగా-3 ఫ్యాటీ యాసిడ్స్‌, కాల్షియం, ఫాస్పరస్, మెగ్నీషియం వంటి ముఖ్యమైన పోషకాలను మెండుగా ఉంటాయి. అదేవిధంగా, విటమిన్ సి, మెగ్నీషియం సమృద్ధిగా ఉండే స్ట్రాబెర్రీలు షుగర్‌ పేషెంట్స్‌కు బెస్ట్‌ ఆప్షన్‌. స్ట్రాబెర్రీలో విటమిన్ సి, యాంటీఆక్సిడెంట్లు సమృద్ధిగా ఉంటాయి, ఇది డయాబెటిస్ సమస్యలను తగ్గించడంలో సహాయపడుతుంది, మెగ్నీషియం ఇన్సులిన్ నిరోధకతను మెరుగుపరుస్తుంది. షుగర్‌ పేషెంట్స్‌కు చియా, స్ట్రాబెర్రీ స్మూతీ బెస్ట్‌ సమ్మర్‌ డ్రింక్‌.
కోకుమ్ జ్యూస్..
కోకుమ్ జ్యూస్ షుగర్‌ పేషెంట్స్‌కు మేలు చేస్తుంది. కోకుమ్‌లో యాంటీఆక్సిడెంట్, యాంటీ డయాబెటిస్ లక్షణాలు మెండుగా ఉంటాయి. ఇవి రక్తంలో చక్కెర స్థాయిలను కంట్రోల్‌లో ఉంచుతాయి. ఇవి శరీరంలోని కొన్ని ఎంజైమ్‌లను మెరుగుపరుస్తుంది. టైప్‌ డయాబెటిస్ ఉన్నవారికి కోకుమ్ జ్యూస్ బెస్ట్‌ ఆప్షన్‌.
Summer Tips: సమ్మర్‌లో యాసిడ్ రిఫ్లక్స్‌కు చెక్ పెట్టే.. టిప్స్‌ ఇవే..!
సత్తు డ్రింక్‌..
సత్తులో గ్లైసెమిక్ ఇండెక్స్ తక్కువగా ఉంటుంది. దీనిలో ఫైబర్, ప్రోటీన్‌, యాంటీఆక్సిడెంట్లు మెండుగా ఉంటాయి. ఇవి డయాబెటిక్ పేషెంట్స్‌ రక్తంలో చక్కెర స్థాయిని నియంత్రించడానికి సహాయపడతాయి. సత్తులో బీటా-గ్లూకాన్ ఉంటుంది, ఇది గ్లూకోజ్‌ను తగ్గిస్తుంది. రక్తంలో చక్కెర స్థాయిని నియంత్రిస్తుంది. సత్తు తయారు చేసుకోవడానికి వేపుడు సెనగలను ముందుగా మిక్సీలో వేసి పొడి చేయాలి. పెద్దగ్లాసులో సెనగల పొడి, ఉప్పు, జీలకర్ర పొడి వేసి నిమ్మరసం పిండాలి. ఈ మిశ్రమంలో చల్లటి నీళ్లు పోసి చివరగా పుదీనా ఆకులను నలిపి వేయాలి.
Ginger for female health: ఆడవాళ్లు అల్లం తీసుకుంటే.. ఎన్ని లాభాలో తెలుసా..? గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
గ్రీన్‌ యాపిల్‌ జ్యూస్..
గ్రీన్‌ యాపిల్‌లో కరిగే ఫైబర్ మెండుగా ఉంటుంది. ఇది రక్తంలో చక్కెర స్థాయిలను తగ్గించడంలో సహాయపడుతుంది. డయాబెటిస్ ప్రమాదాన్ని తగ్గించే శక్తివంతమైన బయోయాక్టివ్ సమ్మేళనం గ్రీన్‌ యాపిల్‌లో ఉంటుంది. రోజుకు కనీసం ఒక గ్రీన్‌ యాపిల్‌ తిన్నా, జ్యూస్ తాగినా.. డయాబెటిస్ కంట్రోల్‌లో ఉంటుంది, టైప్‌ 2 డయాబెటిస్ ముప్పు కూడా తగ్గుతుంది.