World Organ Donation Day: పురుషులకు మహిళలు అవయవదానం చేయవచ్చా..?

నిజం: ఒక ప్రాణాన్ని రక్షించడం కంటే.. మంచి పని మరొకటి లేదు. ప్రపంచంలోని ప్రతి మతం దానికి మద్దతు ఇస్తుంది. జీవిస్తున్నప్పుడు, మరణం తర్వాత అవయవ దానం చేయడాన్ని ఏ మతం నిషేదించలేదు. ఇతరుల పట్ల ప్రేమను, దాతృత్వాన్ని వ్యతిరేకించే మతాలేవీ ప్రపంచంలో ఎక్కడా లేవు. వివిధ మతాలు నిర్వహించిన సెమినార్లు.. అవయవదానాన్ని ఆమోదించాయి.

నిజం: ఒక వ్యక్తి చనిపోయినప్పుడు, అతని గుండె పనిచేయడం మానేస్తుంది. ఇతర భాగాలు పనికిరాకుండా పోతాయి. బ్రెయిన్‌ డెడ్‌ అయిన వ్యక్తి నుంచి మాత్రమే అవయవాలు తొలగించవచ్చు. రోడ్డు ప్రమాదాల్లో ఎంతోమంది తీవ్రంగా గాయపడుతూ ఉంటారు కొందరు మెదడు బాగా దెబ్బతిని, పూర్తిగా స్పృహ కోల్పోయి, తిరిగి కోలుకోలేని స్థితిలోకీ వెళ్లిపోతుంటారు. ఇలాంటి వారిలో గుండె, కాలేయం, కిడ్నీల వంటి అవయవాలు పనిచేస్తుంటాయి గానీ వీటన్నింటినీ నడిపించే కీలక అవయవమైన మెదడు మాత్రం పనిచేయదు. వీరినే బ్రెయిన్‌ డెడ్‌ అంటారు. పక్షవాతం వంటి మెదడు సమస్యల బారినపడ్డవారిలోనూ ఇలాంటి స్థితి తలెత్తొచ్చు. ఈ దశలో ఉన్నవారి అవయవాలను సేకరించి, అవసరమైనవారికి అమర్చవచ్చు.

అవయవదానం చేసినప్పటికీ, పనికి వచ్చే అవయవాలను తొలగించి, అవసరంలో ఉన్నవారకి అమర్చిన తర్వాత దాత శరీరాన్ని వైద్యులు పూర్తి గౌరవంగా చూస్తారు. తగిన రీతిలో అంత్యక్రియలు నిర్వహించడానికి వీలుగా దానిని సిద్ధంచేసి, దాత బంధువులకు అప్పగిస్తారు.

మన దేశంలో అవయవ దానం ప్రక్రియ మొత్తం మానవ అవయవ మార్పిడి చట్టం ద్వారా నియంత్రణలో ఉంటుంది. ఈ చట్టం కింద అవయవాల కొనుగోలు, అమ్మకం నిషేధిం. ఈ చట్టం ప్రకారం రోగికి దగ్గరి బంధువులు మాత్రమే అవయవాలను దానం చేయవచ్చు. మానవ అవయవాలను కొనుగోలు చేయడం, విక్రయించడం నిషేదం, ఇది శిక్షార్హమైన నేరం.

నిజం: కిడ్నీ, లివర్‌ మార్పిడి, ఎముక మజ్జ బతికుండగానే దగ్గరి వాళ్ల కోసం దానం చేస్తుంటారు. అవయవదానం చేసిన తర్వాత కూడా.. అంతకుమునుపులానే ఆరోగ్యంగా ఉంటాని పరిశోధనలు వెల్లడించాయి. కిడ్నీ, లివర్‌ దాతలు.. మార్పిడికి ముందు అవసరమైన అన్ని పరీక్షలు చేయించుకుంటే.. వ్యాధుల బారిన పడరని నిపుణులు చెబుతున్నారు. కిడ్నీ దాతలు హైపర్‌టెన్షన్‌, ప్రోటిన్‌ లీకేజ్‌ సమస్యలు వచ్చే అవకాశం ఉంది.

నిజం: కిడ్నీ దానం చేసిన తర్వాత కూడా స్త్రీ, పురుషులు బిడ్డకు జన్మనివ్వగలరని నిపుణులు చెబుతున్నారు. మహిళలు కిడ్నీ దానం చేసిన తర్వాత ఒక సంవత్సరం పాటు గర్భం దాల్చకూడదని వైద్య నిపుణులు అంటున్నారు. ఇలా చేస్తే వారి శరీరం పూర్తిగా కొలుకుంటుందని చెప్పారు.

దీనిలో నిజం లేదని నిపుణులు అంటున్నారు. స్త్రీ, పురుషుల లివర్‌, కిడ్నీలు ఒకే విధంగా ఉంటాయి. వాటిని సురక్షితంగా మార్పిడి చేయవచ్చు.

నిజం: అవయవదానానికి వయసుతో నిమిత్తం లేదు. ఏ వయసులో ఉన్నవారైనా అవయవదానం చేయవచ్చు. ఇప్పటి వరకు ఉన్న రికార్డుల ప్రకారం 93 ఏళ్ల అమెరికన్‌ పౌరుడు మరణానంతరం అవయవదానం చేశాడు. అవయవదానానికి ఆమోదం ఇవ్వాలంటే.. వ్యక్తం చేయడానికి కనీసం పద్దెనిమిదేళ్లు నిండి ఉండాలి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే.