passion flower: ఈ పువ్వు మహిళలకు దివ్యౌషదంలా పనిచేస్తుంది..!

కృష్ణ కమలం ప్రపంచంలోని అత్యంత అందమైన పుష్పాలలో ఇదీ ఒకటి. దీన్ని కౌరవపాండవ పుష్పం అని కూడా పిలుస్తారు. కృష్ణ కమలం పుష్పంలో 500 కంటే ఎక్కువ జాతులు ఉన్నాయి. ఇది హెర్బల్ సప్లిమెంట్‌గానూ ఉపయోగిస్తారు. ఈ పువ్వును ఆందోళన, నిద్ర సమస్యలు, నొప్పులు, హార్ట్‌ బీట్‌ సమస్యలు, మెనోపాజ్‌ లక్షణాలు వంటి సమస్యలకు చికిత్స చేయడానికి ఇది సహాయపడుతుంది. మూత్రవిసర్జనలో మంట, పైల్స్‌‌ వంటి సమస్యల చికిత్సలో దీనిని వాడతారు.

కృష్ణ కమలంలో యాంటీ-అడిక్టివ్, అనాల్జేసిక్, హైపోగ్లైసీమిక్, హైపోలిపిడెమిక్, అప్రోడిసిక్, యాంటీ ఇన్ఫ్లమేటరీ వంటి ఔషద గుణాలు ఉన్నాయి. కృష్ణ కమలం ఎన్నో ఆరోగ్య సమస్యలను నయం చేస్తుంది. ఆయుర్వేదంలో కృష్ణ కమలం పువ్వులు, ఆకులు, కాండం ఔషదాల్లో వాడతారు. కృష్ణ కమలంలోని ఔషద గుణాల గురించి వివరిస్తూ ఆయుర్వేద వైద్యురాలు దీక్షా భావ్‌సర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ తన ఇన్‌స్టాగ్రామ్‌ పేజ్‌లో పోస్ట్‌ చేశారు. . కృష్ణ కమలం పువ్వును చూసి మైమరచిపోయినట్లు వివరించారు. కృష్ణ కమలం అందంగా ఉండటమే కాకుండా, అనేక వ్యాధులకు ఔషదంలా పనిచేస్తుందని అన్నారు. వాత, పిత్త దోషాలు ఉన్నవారికి ఇది ఉత్తమమైనదని స్పష్టం చేశారు.


మహిళల సమస్యకు పరిష్కారం..

కృష్ణ కమలం అనేక వ్యాధులకు ఔషదంలా పని చేస్తుందని ఆయుర్వేద డాక్టర్‌‌‌ దీక్షా భావ్‌సర్‌ అన్నారు. నెలసరి నొప్పులు, అలసట, ఒత్తిడిని తగ్గించడానికి, పీఎంఎస్‌ సమస్యలను తొలగించడానికి పనిచేస్తుంది. మెనోపాజ్‌‌‌ సమస్యలనూ దూరం చేయడంలో కృష్ణకమలం సహాయపడుతుంది. మహిళలకు మూత్రనాళం ఇన్ఫెక్షన్స్‌‌‌ సర్వ సాధారణం, యూటీఐ సమస్యను నయం చేయడానికి కృష్ణ కమలం సమర్థవంతంగా పని చేస్తుంది.
ఒత్తిడి దూరం చేస్తుంది..

కృష్ణ కమలం మానసిక ప్రశాంతతకు ఔషదంలా పని చేస్తుందని అయుర్వేద నిపుణులు చెబుతున్నారు. కృష్ణ కమలంలోని ఔషద గుణాలు మెదడులోని గామా-అమినోబ్యూట్రిక్ యాసిడ్ (GABA) స్థాయిని పెంచుతుంది. కృష్ణకమలం మీకు విశ్రాంతి, ప్రశాంతంగా నిద్రపోవడానికి సహాయపడుతుంది. నిద్రలేమి, నిరాశ, ఒత్తిడి, తలనొప్పి వంటి సమస్యలను దూరం చేస్తుంది.
ఈ సమస్యలకు పరిష్కారం..

రెస్ట్‌లెస్ లెగ్ సిండ్రోమ్, అటెన్షన్ డెఫిసిట్ డిజార్డర్ (ADD), ఇరిటబుల్ బవెల్ సిండ్రోమ్‌కి కృష్ణ కమలం ప్రయోజనకరంగా ఉంటుంది. దీనిలో యాంటీ-అడిక్టివ్, అనాల్జేసిక్, హైపోగ్లైసీమిక్, హైపోలిపిడెమిక్, అప్రోడిసిక్, యాంటీ ఇన్ఫ్లమేటరీ లక్షణాలు ఉంటాయి.
ఎలా తీసుకోవాలి..

కృష్ణ కమలం టీ తయారు చేసుకుని తీసుకోవచ్చని ఆయుర్వేద నిపుణులు చెబుతున్నారు. మానసిక ఆందోళన, అలసట, నిద్రలేమి, అధిక ఒత్తిడి, నిరాశ, హైపర్‌టెన్షన్‌, డయాబెటిస్‌ సమస్యలు ఉన్నవారికి ఈ టీ మేలు చేస్తుంది.
టీ తయారు చేయడానికి.. 1 టీస్పూన్ ఎండిన ప్యాషన్ ఫ్లవర్‌ను ఒక కప్పు నీటిలో వేసి 5 నుంచి 10 నిమిషాలు మరిగించండి. దీన్ని ఫిల్టర్‌ చేసి, గోరువెచ్చగా అయిన తర్వాత తాగండి. ఈ టీ రోజుకు 2 నుంచి మూడు సార్లు తీసుకోవచ్చు. నిద్ర పోయే గంట ముందు ఈ టీ తాగితే మంచిదని ఆయుర్వేద నిపుణులు చెబుతున్నారు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.