వీటిని తినడం వల్లే సమస్యలు..
మంచి ఆహారం.. మంచి ఆరోగ్యాన్నిస్తుంది. దీంతో చాలా మంది సరైన ఆహారం తీసుకోవాలనుకుంటారు. అందుకే, చక్కెరకి దూరంగా ఉండాలి. అయితే, చక్కెర మాత్రమే తీసుకోవడం మానేస్తే సమస్య పోతుందనుకోవద్దు. సుక్రోజ్ అని పిలిచే చక్కెర 50 శాతం గ్లూకోజ్, 50 శాతం ఫ్రక్టోజ్‌తో నిండి ఉంటుంది. వీటిని అనేక ఫుడ్స్, డ్రింక్స్ ప్రోడక్ట్స్‌లలో ఉపయోగిస్తున్నారు. సో, మనకు తెలియకుండా షుగర్‌తో లోడ్ అయిన పదార్థాలని కూడా మనం తింటున్నాం. షుగర్ క్రేవింగ్స్ మనల్ని ఊరికే ఉండనీవుగా.. అందుకే కొద్దిగా జంక్ ఫుడ్, ప్రాసెస్డ్ ఫుడ్స్, స్వీట్స్‌కి అలవాటు పడిపోతాం. వీటి కారణంగా షుగర్ మన బాడీలోకి వెళ్తుంది. ఈ కారణంగా ఎన్నో ఆరోగ్య సమస్యలు వస్తాయి.
డాక్టర్స్ ఏమంటున్నారంటే..
షుగర్ ఫుడ్స్ ఎక్కువగా తీసుకోవడం వల్ల ముందుగా బరువు పెరుగుతాం. దీని వల్ల షుగర్ వచ్చి చేరి గుండె జబ్బులకు కూడా దారి తీస్తుందని డాక్టర్ ఆదిత్య చౌతి చెబుతున్నారు. ఈయన బెంగళూరులోని ఇంటర్నల్ మెడిసిన్ ఫోర్టిస్ హాస్పిటల్‌లో సీనియర్ కన్సల్టెంట్‌గా పనిచేస్తున్నారు. షుగర్ ఫుడ్స్ తినడం వల్ల దంత సమస్యలు, క్యావిటీస్ వంటివి కూడా పెరుగుతాయి. అంతేకాకుండా శరీరంలో మంట పెరగడానికి షుగర్ కారణమవుతుంది. అందుకే చక్కెరతో నిండిన ఆహారానికి బదులు సమతుల్య ఆహారం తీసుకోవడం వల్ల తక్షణ శక్తితో పాటు ఆరోగ్యం బావుంటుందని డాక్టర్ చెబుతున్నారు.
బరువు పెరగడం..
బరువు తగ్గాలనుకునేవారు ముందుగా చేయాల్సిన పని స్వీట్స్, పంచదార, జంక్‌ఫుడ్‌కి దూరంగా ఉండడం. స్వీట్స్ తిన్నప్పుడు మనసుకి తృప్తిగానే ఉంటుంది. కానీ, వీటిని ఎక్కువగా తీసుకున్నప్పుడు అవి బాడీలో ఫ్యాట్‌లా స్టోర్ అవుతాయి. షుగర్ డ్రింక్స్, జంక్ ఫుడ్, ప్రాసెస్డ్ ఫుడ్స్ ఇలా ఏవైనా సరే అందులో కచ్చితంగా షుగర్ ఉంటుంది. వీటిని తీసుకోవడం వల్ల బరువు పెరుగుతారు. కాబట్టి సరైన బరువు ఉండాలంటే షుగర్‌కి దూరంగా ఉండాల్సిందే.
Also Read : Latest Bra : 2023 లో ఎక్కువగా కొంటున్న బ్రాలు ఇవే..
గుండెకి ప్రమాదం..
తీపి గుండెకి అస్సలు మంచిది కాదని మీకు తెలిసే ఉంటుంది. ఎక్కువగా షుగర్ తీసుకోవడం వల్ల గుండె సమస్యలు వచ్చే అవకాశం పెరుగుతుంది. షుగర్ మీ ఇన్సులిన్ స్థాయిని అమాంతం పెంచడమే కాకుండా రక్తపోటు, హార్ట్ బీట్‌ని కూడా పెంచుతుంది. అందుకే వీటికి ముందు నుంచే దూరంగా ఉండడం మంచిది.
Also Read : Belly fat exercises : ఈ 6 ఎక్సర్‌సైజెస్‌తో బెల్లీ ఈజీగా తగ్గుతుందట..
మతిమరుపు..
ఏంటి.. షుగర్ ఎక్కువగా తీసుకోవడం వల్ల కూడా మతిమరుపు వస్తుందా అంటే వస్తుందనే చెబుతున్నారు నిపుణులు. పంచదార శాతం మెదడు కణాలను దెబ్బతీసి మొమరీ పవర్‌ని తగ్గిస్తుంది. దీంతో మీకు వృద్ధాప్యం రాకముందే మతిమరుపు వస్తుందని గుర్తుంచుకోండి.
Also Read : Lower Back Pain : లోయర్ బ్యాక్ పెయిన్ ఈ కారణాల వల్లే వస్తుంది..
త్వరగా వృద్ధాప్యం..
మీరు చూడ్డానికి మీ వయసు కంటే పెద్దగా కనిపిస్తున్నారా.. దీనికి కారణం మీరు తీసుకునే షుగర్ అయి ఉంటుంది. పంచదార ఎక్కువగా తినడం వల్ల దీనిలోని గ్లైకేషన్ మీ స్కిన్‌లోని కొల్లాజెన్, ఎలాస్టిన్‌ని తగ్గిస్తుంది. దీని వల్ల మీ చర్మం సాగే గుణం కోల్పోయి పిగ్మంటేషన్, గీతలు, ముడతల వంటి వృద్ధాప్య సంకేతాలు వస్తాయి. దీంతో పాటు మొటిమలు కూడా పెరుగుతాయి. కాబట్టి, మీరు అందంగా మీ స్కిన్ చక్కగా మెరుస్తూ ఫెయిర్ స్కిన్ కావాలనుకుంటే షుగర్ ఫుడ్స్, డ్రింక్స్‌కి దూరంగా ఉండడం మంచిది.
ఏం చేయాలి..
ఇన్ని సమస్యలు రావడానికి కారణం మనం తీసుకునే షుగర్ కంటెంట్ ఫుడ్. అందుకే వీటన్నింటికి దూరంగా ఉండాలంటే మనం తీసుకునే ఫుడ్స్‌పై ఓ కన్నేసి ఉంచాలి. ఏవైనా సరే మనం కొనే ముందు వాటి లేబుల్స్‌ని చదివి ఆ ప్రోడక్ట్‌లో షుగర్ కంటెంట్ ఎంత ఉందో తెలుసుకోవడం ముఖ్యం. దీంతో మిగతా వాటి గురించి కూడా చెక్ చేయాలి. అదే విధంగా హెల్దీ ఫుడ్స్ తీసుకోవాలి. కూరగాయలు, పండ్లు, గ్రెయిన్స్ తీసుకోవడం చాలా ముఖ్యం. మనం తీసుకునే ఆహారమే మన ఆరోగ్యాన్ని కాపాడుతున్న చిన్న ఫార్మూలాని అస్సలు మరిచిపోవద్దు.
-Dr. Aditya S Chowti, Senior Consultant - Internal Medicine, Fortis Hospital, Cunningham Road, Bangalore
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.