ఈ ఆయిల్‌తో ఆరు రోజుల్లోనే.. బట్టతలకు చెక్!

జుట్టు రాలిపోతుందా..? బట్టతల వచ్చేలా ఉందని బాధపడుతున్నారా..? ఈ సమస్య నుంచి బయట పడేదెలా అని ఆలోచిస్తున్నారా..? ఇదిగో ఓ నూతన పరిశోధన మీకో పరిష్కారాన్ని సూచిస్తోంది. గంధపు చెక్క నూనెను మాడు మీద మెల్లగా రాయడం వల్ల ప్రయోజనం చేకూరుతుందట. చందనపు నూనె రాయడం వల్ల కేవలం ఆరు రోజుల్లోనే జుట్టు పెరుగడాన్ని జర్మన్ పరిశోధకులు గుర్తించారు. తల మీది చర్మం కణజాలాన్ని పరీక్షించగా ఈ విషయం తెలిసింది.

చందనపు చెక్క నూనెలోని సువాసన పట్ల జుట్టు కుదుళ్లలోని వాసన గ్రాహకాలు స్పందిస్తున్నాయని, దీని వల్ల జుట్టుకు అందుతున్న ప్రోటీన్లు అధికం అవుతున్నాయని భావిస్తున్నారు.

మనుషులతోపాటు జంతువులు ముక్కు ద్వారా వాసనను గుర్తిస్తాయని తెలిసిందే. కానీ జుట్టు, వీర్యంలోని గ్రాహకాలు కొన్ని సుగంధాల్లోని రసాయనాలను గుర్తించగలవు. శాండిల్‌వుడ్ ట్రీట్మెంట్ ద్వారా పాతికేళ్లలోపు వయసులోనే జుట్టు రాలిపోతోందని బాధపడుతున్న యువకులకు ప్రయోజనం చేకూరుతుందని పరిశోధకులు భావిస్తున్నారు.

చందనం ప్రభావం వల్ల చర్మం మీదున్న కెరాటిన్ అనే ప్రోటీన్ వేగంగా ఉత్పత్తి అవుతుంది. ఫలితంగా గాయాలు త్వరగా మానిపోతాయి. జుట్టు కుదుళ్లలో ఉండే ఓఆర్2ఏటీ4 అనే వాసన గ్రాహకాలపై శాండలోర్ ప్రభావం వల్ల జుట్టు పెరుగుతుందని భావిస్తున్నారు.