యువకుడి కడుపులో మేకులు, సూదులు, స్క్రూడ్రైవర్.. వైద్యులు షాక్

ఆకలేస్తే.. అన్నం తినాలి గానీ.. ఇలా మేకులు, సూదులు, స్క్రూడ్రైవర్లు మింగేస్తారా? ఇదే అలవాటని వైద్యులు ఆ యువకుడికి చివాట్లు పెడుతున్నారు. ఇంతకీ అతడు ఆకలి వేసే వాటిని తినేశాడా? మరేదైనా కారణం ఉందా? దీనిపై అతడి తల్లిదండ్రులు ఏమన్నారు? అసలు ఈ విషయం ఎలా బయటపడింది?

ఉత్తరప్రదేశ్‌‌లో ఉన్నవోలోని భత్వ గ్రామానికి చెందిన 18 ఏళ్ల కరణ్.. తీవ్రమైన కడుపు నొప్పితో బాధపడ్డాడు. దీంతో తల్లిదండ్రులు అతడిని లక్నో-కాన్పూర్ హైవే సమీపంలో ఉన్న ఓ ప్రైవేట్ హాస్పిటల్‌కు తీసుకెళ్లారు. అతడిని పరీక్షించిన వైద్యులు రాత్రి ఏం తిన్నావ్? నొప్పి తీవ్రత ఎక్కువగా ఉందా అని ప్రశ్నల మీద ప్రశ్నలు వేశారు. అయితే, రాత్రి తమతోపాటే రోటీలు తిన్నాడని తల్లిదండ్రులు చెప్పారు.

Read Also: డ్రైనేజీలో మనుషుల తలలు.. శవాలపై అత్యాచారాలు, వీళ్లు నరరూప రాక్షసులు!

అతడికి స్కానింగ్ చేయగా.. కడుపులో మేకులు, సూదులతోపాటు ఓ స్క్రూడ్రైర్ కనిపించింది. వైద్యులు హుటాహుటిన అతడికి సర్జరీ చేసి అవన్నీ బయటకు తీశారు. మూడు గంటలు శ్రమించిన వైద్యులు.. అతడి కడుపు నుంచి 3 అంగుళాల పొడవున్న మేకులు, నాలుగు సూదులు, ఒక ఐరన్ రాడ్డు, ఒక స్క్రూడ్రైవర్, మరో లోహ పరికరాన్ని బయటకు తీశారు. అవన్నీ అతడు మింగేస్తుంటే మీరేం చేశారని వైద్యులు తల్లిదండ్రులను ప్రశ్నించారు.

Read Also: షాకింగ్.. మహిళ మెదడులో గుడ్లు, తలనొప్పితో హాస్పిటల్‌కు వెళ్తే..

ఈ సందర్భంగా వారు స్పందిస్తూ.. కరణ్‌కు మతిస్థితిమితం సరిగా లేదని, ఆ కారణంతోనే వాటిని తిని ఉంటాడని తెలిపారు. కరణ్‌కు సర్జరీ చేసిన డాక్టర్ రాధా రమన్ అవాస్తీ మాట్లాడుతూ.. ‘‘అతడి మానసిక పరిస్థితి సరిగా లేకపోవడం వల్ల వాటిని తినేశాడని తెలిసింది. వాటిని ఎలా తిన్నావనే ప్రశ్నలకు కరణ్ సమాధానం ఇవ్వడం లేదు. సర్జరీ విజయవంతమైనా.. అతడు సెప్సిస్‌కు గురయ్యే ప్రమాదం ఉంది. అందుకే అతడిని అబ్జర్వేషన్‌లో పెట్టాం. మరో వారం రోజులు గడిస్తేగానీ అతడి ఆరోగ్య పరిస్థితిని చెప్పలేం’’ అని తెలిపారు.